१७ वर्ष देखि किमाथांका भन्सार सदरमुकाममा

A+ A A-

किमाथांका सिमा भन्सार कार्यालयले १७ वर्ष देखि सदरमुकाम खाँदबारी मै बस्दा सेवाग्राहीले सास्ती पाउने गरेका छन् । ६ दिनको पैदल यात्रा गरेर सेवाग्राही राजस्व वुझाउन आउनेको बृद्धि बढेको छ । भन्सार कार्यालय सदरमुकाम बसेपछि सेवा झन्झटिलो भएको हो ।

आर्थिक बर्ष ०७४÷७५ मा १० लाख ५० हजार रूपैया राजस्व सङकलन भएको किमाथांका सिमा भन्सार कार्यालयका कार्यालय जनाएको छ । चालु आर्थिक वर्षको ६ महिना ८ लाख १० हजार राजस्व जम्मा भईसकेको किमाथांका सिमा भन्सार कार्यालयका कार्यालयका प्रमुख परासर दाहालले बताए ।

किमाथांका नाकाबाट पशु चौपाया, खाद्यान्न, दैनिक उपभोग्य बस्तु, लत्ताकपडा, इलोक्ट्रोनिक, जुडिबुटीलगायत सामान आयात निर्यात हुने गरेको छ । यस नाकामा ८० प्रतिशत भन्दा बढी चौरीको पुच्छर आयात हुने गरेको सिमा भन्सार कार्यालयले जनाएको छ ।

किमाथांका विटक र दुर्गम स्थान भएकाले सदरमुकाम खाँदबारी भन्दा छिमेकी देशको भर पर्नु परेको छ । तिव्बतबाट ल्याएको चौरी पुच्छर सिमामा राखेर भन्सार तिर्न हप्ता दिन लगाएर खाँदबारी आउनु परेको भोटखोला गाउँपालिकाका–२ का सोप्पा भोटले बताए ।

उनले भने भन्सार कार्यालय सदरमुकाममा भएकाले ३ हजार २ सय ५४ रुपैयाँ आयत भन्सार शुल्क तिर्न आउदाँ १५ हजार खर्च भएको बताए । उनले भने थपे हामी निम्न आय भएकाले व्यापरीलाई सामान्य व्यापार गर्न पनि धेरै दुख पाउनु परेको बताए । तिब्बत बाट आयात गरेका चौरी पुच्छर तराईका जिल्ला सुनसरी, मोरङ र झापाका बजारमा लगेर विक्रि गर्ने बताए ।

भन्सार कार्यालयले आवत जावत गर्न १ हप्ताको प्रज्ञापन पत्र दिनेगरेको छ । उक्त पत्रमा उल्लेख भएको विवरण जिल्ला प्रहरीले किमाथांका सिमा प्रहरी कार्यालयलाई जानकारी गराएपछि सिमा प्रहरीले सामग्री आयत तथा निर्यात गर्न दिने गरेको भोटखोला–३ का छिरिङ भोटेले जानकारी दिए । राजस्व जिल्लामा बुझाएपनि प्रज्ञापनपत्र सिमामा नै दिने व्यवस्था मिलाएर आयत तथा निर्यात हुने सामग्रीको अनुगमन गरिनु पर्ने उनले माग गरे ।

भोटखोला गाउँपालिकाका किमाथांका, चेपुवा, हटिया, च्याताङ, चेपुवा, रिदाक, थुदाम लगायत हज्जारौ घर परिवारले किमाथांका नाकाको भर पर्नुपर्ने वाध्यता छ ।