ट्रम्पको आरोपपछि डब्लूएचओले दियो चेतावनी : राजनीतिकरण गरे झनै धेरैको मृत्यु हुन्छ

ट्रम्पको आरोपपछि डब्लूएचओले दियो चेतावनी : राजनीतिकरण गरे झनै धेरैको मृत्यु हुन्छ

A+ A A-

विश्व स्वास्थ्य संगठन (डब्लुएचओ) ले कोरोना भाइरसको महामारीमा राजनीति गरे झन धेरै मानिसले ज्यान गुमाउने चेतावनी दिएको छ ।

उसले कोरोना भाइरस (कोभिड–१९) को महामारीलाई राजनीतिकरण नगर्न विश्वका प्रमुख नेताहरुसँग आग्रह गरेको हो ।

डब्लुएचओका महानिर्देशक टेड्रोस एडहानम गेहब्रेससले मपत्रकार सम्मेलनका क्रममा अमेरिका र चीनलाई यो महामारीबाट पार पाउनका लागि कुशल नेतृत्व प्रदान गर्न आग्रह गरे ।

कोरोना भाइरसको संक्रमण संसारभरी बढ्दै जाँदा डब्लुएओले यो महामारीलाई राजनीतिकरण गरे अझै धेरै मानिसको मृत्यु हुन सक्ने चेतावनी दिएको छ ।

मंगलबारमात्रै अमेरिकी राष्ट्रपति डोनाल्ड ट्रम्पले अमेरिकासँग सबैभन्दा बढी पैसा लिएर चीनमा केन्द्रित भएको आरोप लगाएपछि डब्लुएचओका महानिर्देशकको यो भनाई बाहिर आएको हो ।

ट्रम्पले डब्लुएचओले सीमा बन्द नगर्न गलत सल्लाह दिएका कारण अमेरिकामा भयावह अवस्था निम्तिएको आरोप लगाउँदै उसलाई दिँदै आएको रकम समेत रोक्ने ट्रम्पले चेतावनी दिएका थिए ।

डब्लुएचओका महानिर्देशक गेहब्रेससले विश्वका सबै देश र राजनीतिक दलहरुलाई आफ्नो ध्यान जनताको जीवन रक्षामा केन्द्रित गर्न पनि आग्रह गरेका छन् ।

उनले भने, ‘यो महामारीबाट आफ्ना नागरिकलाई बचाउने हो भने राजनीतिक नगरौं । महामारीविरुद्ध एकताबद्ध नहुने हो भने विकसित मुलुकले भनै अझै धेरै समस्या र संकटको सामना गर्नुपर्ने हुनसक्छ ।’