अध्ययन भन्छ: तीर्थयात्रीका कारण संसारभर फैलियो कोरोना

A+ A A-

संसारभर कोरोना भाइरस फैलिने क्रम बढिरहेको छ । केही देशमा अचानक कोरोना संंक्रमितको संख्या उच्चस्तरमा बढेको छ । यसरी बढेकामध्ये धेरैजसो घटना लकडाउन तोड्ने र मानिसहरुको निर्बाध भेला पनि एउटा प्रमुख कारण देखिएको छ ।

मलेसियादेखि लिएर इरानसम्म, आस्थामा विश्वास राख्ने केही समूह र तीर्थयात्री जोखिमका रुपमा देखिएका छन् । भारतमा केही यस्तै घटना केही दिनदेखि सञ्चारमाध्यममा आइरहेका छन् ।

वालस्ट्रिट जर्नलले आफ्नो एक रिपोर्टमा कहाँ कहाँ र कस्ता घटना आइरहेका छन् र त्यसलाई कसरी नियन्त्रण गर्ने प्रयास भइरहेको भन्नेबारेमा उल्लेख गरेको छ ।

मलेसियामा स्कुल, कार्यालय र प्रार्थनास्थल बन्द गरिएको छ । त्यहाँ एक इस्लामिक धार्मिक सभामा सहभागी भएका मानिसबाट कोरोना भाइरस संक्रमण फैलिएको पुष्टि भएको छ । यो कार्यक्रममा भाग लिनेहरुका माध्यमबाट भाइरस सिंगापुर र ब्रुनाई समेत पुगेको थियो ।

यता पाकिस्तानमा इरानबाट फर्किएका तीर्थयात्रीमा ठूलो संख्यामा कोरोना भाइरस पोजिटिभ देखिएको छ । धार्मिक समारोह, धर्ममाथि आस्था राख्ने समूह, तीर्थयात्री कोरोना भाइरसको प्रमुख प्रसारकका रुपमा देखिएका छन् ।

उनीहरुका माध्यमबाट फैलिएको बिरामीको ट्र्याक गर्न समेत गर्न स्वास्थ्य अधिकारीहरुले सकिरहेका छैनन् ।

मुस्लिम बुहल मलेसियामा पछिल्लो एक सातामा धेरै मानिसहरु यस्ता कार्यक्रममा सहभागी भए । अधिकारीहरुले राजधानी क्वालालम्पुरमा मात्रै १६ हजार मानिसहरु इस्लामिक धार्मिक सभामा सहभागी भएको र तीमध्ये ५ सय १३ जनाका कोरोना भाइरस संक्रमण भएको पाइएको बताएका छन् ।

रिपोर्टअनुसार फेब्रुअरीको अन्त्यदेखि मार्चसम्म यस्ता सार्वजनिक स्थलबाट फैलिएको संक्रमणको दुई तिहाई संक्रमणको जिम्मेवार रहेको बताएका छन् । मलेसियामा मार्चसको पहिलो साताभित्रै करिब ८ सय जनामा कोरोना भाइरस फैलिएको थियो ।

मलेसियाली अधिकारीहरुले यसरी धार्मिक सभामा गएकाहरुको पहिचान गर्न क्रम जारी रहेको जनाएका छन । ब्रुनाईका एक ५३ वर्षीया व्यक्तिमा कुनै समस्या थिएन । तर उनी मलेसियामा धार्मिक सभामा भाग लिएर फर्किसकेपछि उनमा खोकी र ज्वरो सुरु भयो ।

त्यसपछि परीक्षण गर्दा उनलाई ९ मार्चमा कोरोना भाइरस संक्रमण भएको पुष्टि भयो । उनी ब्रनाईमा पहिलो कोरोना संक्रमित हुन् ।

स्वास्थ्य मन्त्रालयको तथ्यांकअनुसार ब्रुनाईमा अहिले १ सय ३४ जनामा कोरोना संक्रमण भइसकेको छ भने एक जनाको मृत्यु भएको छ । सोही सभामा भाग लिएका तीन जना इन्डोनेसियाली सक्रमित भएका छन् ।

सोेही सभामा गएका पाँच जना सिंगापुरका नागरिकमा कोरोना संक्रमण पाइएको थियो । उनीहरु अन्य १० वटा मस्जिदमा समेत गएका थिए ।

पाकिस्तान इरानबाट फर्किएका तीर्थयात्रीबाट फैलिएको संक्रमणको बढ्दो प्रभावसँग जुधिरहेको छ । इरानको सहर कोममा पाकिस्तानी तीर्थयात्रीहरु पुगेका थिए । जहाँ करिब ५ हजार तीर्थयात्री पुगेका थिए ।

पाकिस्तानका स्वास्थ्यमन्त्री जाफर मिर्जाले स्थिति राम्रो नरहेको बताए । तीर्थयात्रीका कारण पछिल्ला केही दिनमा पाकिस्तानमा कोरोना भाइरसको संक्रमण फैलदो अवस्थामा रहेको छ ।

पाकिस्तानमा कोरोन भाइरसबाट मृत्यु हुने क्रम सुरु हुँदा एक जना ५० वर्षीय व्यक्ति पनि थिए । उनी गत महिना मात्रै साउदी अरब तीर्थयात्रामा नै गएका थिए ।

सिंगापुरमा अधिकारीहरुले संदिग्ध मानिसको पहिचान गर्नका लागि कठोर नीति लिएका थिए । यसका बाबजुद पनि मलेसियाबाट गएका तीर्थयात्रीलाई निगरानी गर्न असफल भए । मस्जिदमा कुनै सदस्यता प्रणाली हुँदैन र मस्जिद जाने सबै मानिसको पहिचान गर्न र उनीहरुमाथि निगरानी राख्न कठिन हुन्छ ।

सिंगापुरमा सबै मस्जिद १४ दिनका लागि बन्द गरिएको छ । यो सिंगापुरको धार्मिमक नेटवर्कको पहिलो उदाहरण हैन, जसबाट भाइरस फैलिएको घटना बाहिर आएको छ ।

स्वास्थ्य मन्त्रालयले देशका ३१३ संक्रमणमध्ये ३८ जना चर्चबाट आएका मानिसहरु थिए । सिंगापुरमा रोमन क्याथोलिक सभालाई निलम्बित गरेर अनलाइन प्रसारणको व्यवस्था गरिएको छ ।

यसका साथै भारतमा पनि यस्तै मामला बाहिर आएको छ । हालै राजधानी नयाँ दिल्लीमा लकडाउनको दौरान मुस्लिम धर्मावलम्बीहरु भेला भएका थिए । जसबाट धेरै मानिसमा संक्रमण फैलिएको पुष्टि भएको छ ।

लकडाउनको उल्लंघन गर्दै दिल्लीको मजुनस्थित गुरुद्वारामा पनि २ सय भन्दा बढी मानिसहरु भेला भएका थिए । दिल्लीमा मुस्लिम धर्मावलम्बीको सो भेलामा नेपालबाट समेत केही मुस्लिम तीर्थयात्रु पुगेका थिए । जसको खोजी भइरहेको छ ।

प्रकाशित मिति: शनिबार, चैत २२, २०७६ ०८:२२