कोरोना परीक्षण गर्ने मेसिनले नै दिन्छ गलत रिपोर्ट

A+ A A-

निकै थकान महसुस भइरहेको छ, खोकी लागिरहेको छ, सास लिन अप्ठेरो भइरहेको छ, ज्वरो पनि छ भने तपाईंलाई पक्का लाग्छ– मलाई कोरोना भाइरसको संक्रमण भयो । अब तपाईं डाक्टर भए ठाउँ जानुहुन्छ । डाक्टरले घरमै आइसोलेट रहन सुझाव दिन्छन् ।

तपाईंको अवस्था नाजुक छैन भने डाक्टरले तपाईंलाई दिने सुझाव नै यही हो । तर, तपाईंको स्वास्थ्य अझै बिग्रँदै गएपछि डाक्टरले तपाईंको नाकमा एक पट्टी छिराएर इन्फ्लूएन्जाको परीक्षण गर्छन् र तपाईंलाई भन्नेछन्– तपाईंमा कोरोना भाइरस नेगेटिभ छ ।

तपाईंमा कोरोना भाइरसको संक्रमण भए/नभएको परीक्षण हुँदेन । तपाईंलाई भनिन्छ कि निकै खराब अवस्थामा पुगिसकेका बिरामीको मात्र कोरोना भाइरस संक्रमणबारे जाँच गरिन्छ । अब डाक्टरले तपाईंलाई रुघा–खोकी निको पार्ने केही एन्टीबायोटिक्स दिएर घर पठाइदिन्छन् किनकि, उनीहरूलाई पनि थाहा हुँदैन के गर्नुपर्छ । ्

फेरि तपाईं घर आएर ती सेलिब्रेटिजका बारेमा पढ्न थाल्नुहुन्छ जसमा कोरोना पोजिटिभ पाइएको छ । तर, उनीहरू पनि यस्तो लक्षण मिल्दैन । केही दिनपछि पनि जब तपाईंको स्वास्थ्य ठीक हुँदेन तर पेरि डाक्टर भए ठाउँ जानुहुन्छ । डाक्टरले फेरि तपाईंको नाकमा पट्टी छिराएर परीक्षण गर्छन तर यसपटक भने कोरोना भाइरसको जाँच गरिन्छ । नतिजा आउन एकदेखि दुई दिन लाग्छ । यसकारण, डाक्टरले तपाईंलाई आफ्नो घर गएर प्रतिक्षा गर्न भन्छन् । अन्त्यमा नतिजा आउँछ कि तपाईं कोरोना भाइरस संक्रमित हुनुहुन्न ।

यो कुनै एक बिरामीको कथा होइन, कैयौँ मानिसले यस्तै अवस्थाको सामना गरिरहेका छन् । जसमा लक्षण देखिए पनि कोरोना परीक्षणको रिपोर्ट नेगेटिभ आएको छ । तथ्यांकमा पनि यसलाई सामेल गरिँदैन । उनीहरूलाई यो पनि थाहा हुँदैन, यो नयाँ बिमारको उपचार के हो ?

कोरोना भाइरस पत्ता लगाउन सबैभन्दा आम परीक्षण रिभर्स ट्रान्सकिप्सन पोलिमरेज चेन रियाक्सन (आरटी–पीसीआर) हो । यस प्रविधिले भाइरसको कणहरू पत्ता लगाउन सक्छ, जो संक्रमणको सुरुवातमै श्वसनतन्त्रमा हुन्छ । यसले सानोभन्दा सानो भाइरससमेत पत्ता लगाउन सक्छ । तर, वास्तविकतामा नतिजा अरु नै देखिन्छ । यो प्रविधि कोरोना भाइरसको पहिचान गर्नमा धेरै पटक गलत साबित भइरहेको छ ।

सेन्टर फर डिजिज कन्ट्रोल एण्ड प्रिभेन्सनले भनेको छ, ‘तपाईंमा कोरोना नेगेटिभ देखियो भने शायद तपाईं संक्रमित हुनुहुन्न ।’

यहाँ ‘शायद’ शब्दको अर्थ यही हुन सक्छ कि तपाईं संक्रमित हुनुहुन्छ तर परीक्षणको रिपोर्ट नेगेटिभ आयो ।

मैले यस्ता केही केस आफ्ना सहकर्मी डाक्टर र बिरामीबाट सुनेको छु, पहिलो परीक्षण नेगेटिभ आए पनि स्वास्थ्य अवस्था खराब भएपछि कोरोना पोजिटिभ आएको थियो ।

अहिलेसम्म अमेरिकामा यस खालको परीक्षण रिपोर्टको विवरण छैन । तर, चीनमा यसमा भएको एक अध्ययनमा भनिएको थियो कि गलत नेगेटिभ परीक्षणको प्रतिशत ३० प्रतिशत बढी छ ।

मेरा सहकर्मी डाक्टर, रिचर्सर र ल्याबोरेटरी मेडिसिनका एक्सपर्ट्स अमेरिकामा यसको प्रतिशत अझै बढी हुन सक्ने बताउँछन् ।

कुनै परीक्षण नेगेटिभ आउनुका कैयौँ कारण हुन सक्छन् । नमूना नै सही तरिकाले नलिइएको हुन सक्छ । सामान्यरूपमा यो प्रविधिमा एक पट्टीलाई नाकको भित्रसम्म घुमाएर फ्लूडको नमूना लिइन्छ । यो सजिलो हुँदैन, बिरामीलाई यो झेल्न निकै जटिल हुन्छ । दोस्रो कारण, ल्याबमा प्रविधि र चिजको गलत तरिकाले प्रयोग भइरहेको पनि हुन सक्छ ।

यसर्थ, तपाईंमा कोरोना भाइरसको जस्तै लक्षण छन्, परीक्षण गर्दा रिपोर्ट नेगेटिभ आएको छ तर तपाईं ढुक्क नहुनुहोला, तपाईंमा कोरोना भाइरसको संक्रमण छैन । यसबाट बच्नका लागि हामीले आफ्नो व्यवहारमा थोरै परिवर्तन गर्नुपर्ने हुन्छ । लगातार हात धुने, अनुहारमा हात नराख्ने, सरकारको आग्रहलाई पालना गर्नुपर्छ ।

(न्यूयोर्क टाइम्सका लागि येल युनिभर्सिटीमा मेडिसिनका प्रोफेसर डा. हारलेन क्रुमहोल्जको लेखको शिलापत्रकर्मी नवराज कुँवरले गरेको शब्दानुवाद)

प्रकाशित मिति: बिहीबार, चैत २०, २०७६ ०८:४०