पर्यटकको चिन्ता–‘क्रेडिट कार्डबाट खाना र मास्क पाइँदैन’

A+ A A-

कोरोना भाइरस (कोभिड–१९) संक्रमण रोक्न भन्दै नेपाल सरकारले लागू गरेकाे लकडाउनका कारण अस्ट्रेलियन पर्यटकहरू नेपालमै रोकिएका छन् । उनीहरूले स्वदेश फिर्तीका लागि सहयोग गर्न अस्ट्रेलियन सरकारसँग आग्रह गरेका छन् । यतिबेला करिब २ सय अस्ट्रेलियाका पर्यटक नेपाल रोकिएका छन् ।

सरकारबाट सहयोग प्राप्त गर्ने हजारौँ पर्यटकमध्ये उनीहरू पनि हुन् । कोभिड–१९ रोक्न सरकारले नेपाल लकडाउन गर्दा राचेल फ्लेचर मध्य नेपालमा रहेको ४ हजार ७७४ मिटर अग्लो क्यान्जिन री हिमालको शिखरमा थिइन् ।

त्यहाँबाट बाहिर निस्किँदा उनी कोभिड–१९ का कारण नेपाल लकडाउन भएर फसिसकेकी थिइन् । फ्लेचर, उनका गाइड र भरिया लाङटाङमा ट्रेकिङ गर्दा उनीहरूसँग टेलिफोनसमेत थिएन । २१ मार्चको दिन बिहान उनीहरूलाई २२–३१ मार्चसम्मका सबै अन्तर्राष्ट्रिय उडान रद्द भएको जानकारी दिइयो ।

Rachel Fletcher

हिमाली क्षेत्रबाट फ्लेचर र उनको टोली रसुवाको स्याफ्रुबेँसी झर्‍यो । जहाँबाट काठमाडौं आउनका लागि गाडी पाइन्थ्यो । उनीहरू २४ मार्चमा काठमाडौं जानका लागि हिँडे । जब उनीहरू २४ मार्चमा काठमाडौं आइपुगे, त्यतिबेला नेपालमा लकडाउन भइसकेको थियो ।

उनले धेरै प्रयासपछि काठमाडौं आए पनि उनको कारले एउटा जिल्लाबाट अर्को जिल्ला जाने अनुमति पाएन । उनीहरू १३ किलोमिटर हिँडेर ठमेल आइपुगे । उनी यतिबेला ठमेलस्थित होटलमा बसेकी छन् । उनलाई खानका लागि पानी छ, तर अब खाना छैन ।

‘उनीहरूले मलाई होटलमा राखिरहेका छन्, यसका लागि म आभारी छु,’ उनले भनिन्, ‘तर खाना पाउन संघर्ष गर्नुपरेको छ । सबैजसो रेस्टुरेन्टहरू बन्द भइसकेका छन् र खुला रहेका पनि बन्द हुने क्रममा छन् ।’

धेरै अस्ट्रेलियन पर्यटकहरू कोभिड–१९ को महामारीका कारण खाना र आवाश्यक पैसाको अभाव झेलिरहेका छन् । यस्तो अवस्थामा अस्ट्रेलियन सरकारले सहयोग गर्ने विश्वासमा छन् ।

Nepalese government has suspended landing permission to all scheduled international airlines carrying Nepal inbound passengers as a precaution against COVID-19. For most people, the new coronavirus causes only mild or moderate symptoms. For some it can ca

हरेक वर्ष करिब ३० हजार अस्ट्रेलियन नागरिकले नेपाल भ्रमण गर्छन् । जसमध्ये धेरैजसो हिमाली क्षेत्रमा पदयात्रा (ट्रेकिङ) मा जाने गर्छन् । उनीहरू खासगरी पदयात्रामा दुई सिजनमा नेपाल आउने गर्छन् ।

यस वर्षको वसन्त ऋतु सुरू भएलगत्तै (मार्चदेखि अप्रिल) मा आउने पर्यटक कोरोना भाइरसकाे संक्रमणका कारण देश नै लकडाउन भए पनि फसेका हुन् । कतिपयले भने लकडाउनको हल्ला चल्नेबित्तिकै नेपाल छाडिसकेका छन् ।

कतिपयले अन्तिम समयका लागि विमान बुक गरे, तर जान पाएनन् । तीमध्ये पाउल असेन्डेन र उनको समूहका अन्य ८ जना यसरी नै रोकिन पुगे ।

उनीहरूले मार्चको अन्त्यमा जाने गरी टिकट मिलाएका थिए । लकडाउन हुने भएपछि अघि सारेर २४ मार्च बनाएका थिए । उनीहरू बिहान ५ बजेअघि नै विमानस्थल पनि पुगे, तर ६ बजे लकडाउन सुरू भएपछि उड्ने अनुमति पाएनन् । उनीहरूको पनि उडान रद्द भयो ।

Australian Tourists in Nepal

विमानस्थलमा फसेको विषयमा सामाजिक सञ्जालमा पोस्ट गरेपछि त्यहाँबाट आउन अस्ट्रेलियन दूतावासले सहयोग गर्‍यो । पाउन असेन्डेनले भने, ‘हामीले धेरै क्रेडिट कार्डको प्रयोग गर्नुपर्‍यो । हामी यहाँ कहिलेसम्म बस्नुपर्छ भन्ने टुंगो छैन । हामीलाई पैसा अभावको चिन्ताले सताएको छ ।’

उनीहरूले उडान रद्द भएपछिको पैसा पनि पाएका छैनन् । उनीहरू पनि ठमेलको अर्को होटलमा बिलखबन्दमा परेर बसिरहेका छन् । उनीहरूले खाना तथा कोभिड–१९ को जोखिमबाट बच्न मास्क किन्नसमेत पाएका छैनन् ।

उनीहरूले प्रयोग गर्ने क्रेडिट कार्डबाट यस्ता सामान पाइरहेका छैनन् । यी त केही उदाहरण मात्रै हुन् । धेरै पर्यटकहरू यसरी लकडाउनका कारण समस्यामा परेका छन् । कतिपय देशले त विभिन्न उपाय लगाएर आफ्ना नागरिकलाई लगेका छन् । तर, धेरै पर्यटकहरू समस्यामा परेका छन् ।

प्रकाशित मिति: आइतबार, चैत १६, २०७६ २०:०१