यी ७ प्रकारका उद्योग जुन 'लकडाउन' हुँदा पनि सञ्चालनमा छन्

A+ A A-

देश मंगलबारबाट १८ चैतसम्मको लागि लक डाउनमा छन् । सरकारकी र निजी क्षेत्रका कर्मचारीले पनि बिदा पाएका छन् । अत्यावश्‍यकबाहेकका सबै उद्योगहरू बन्द भएका छन् । कतिपय उद्योगहरूले सावधानीसहित कलकारखाना सञ्‍चालनमा गरिरेका छन् । विशेषता अत्यावश्‍यक सेवाभित्र पर्ने ७ प्रकारका उद्योगहरू सञ्चालन भइरहेका छन् ।

यी हुन सञ्चालन हुने उद्योग

१) औषधि एवं जनस्वास्थ्यसँग सम्बन्धित आवश्यक सामग्रीहरू उत्पादन गर्ने उद्योग तथा स्वास्थ्य जीवनसँग सम्बन्धित आवश्यक सामग्री,
२) खाद्य पदार्थ, दुग्धजन्य पदार्थसँग सम्बन्धित उद्योग
३) पिउने पानीसँग सम्बन्धित उद्योग,
४) अस्पताल तथा चिकित्सा सेवासँग सम्बन्धित उद्योग,
५) इन्टरनेट सेवा,
६) सुरक्षा तथा सरसफाइसँग सम्बन्धित उद्योग,
७) पेट्रोलियम पदार्थ तथा ग्याससँग सम्बन्धित उद्योगहरू

सरकारको निर्देशन पालना गर्न महासंघको अपिल

निजी क्षेत्रको सबैभन्दा ठूलो छाता संगठन नेपाल उद्योग वाणिज्य महासंघले सरकारको आदेश पालना गरी अत्यावश्‍यक उद्योगहरू सजगताको सात सञ्चालन गर्नको लागि अपिल गरेको छ ।

सुरक्षाका सबै उपायहरू अवलम्वन गरी अत्यावश्‍यक उद्योगहरू यथावत रूपमा संचालन गर्न आग्रह गरेको छ । अन्य उद्योग व्यवसाय सबै उद्योग प्रतिष्ठानहरू चैत्र १८ गते विहान ६ बजेसम्मका लागि बन्द गरी त्यहाँ कार्यरत कामदार कर्मचारीहरूलाई बिदा दिन महासंघले पुनः अपिल गरेको छ ।

व्यक्तिगत स्वास्थ्यप्रति अधिकतम सजगता अपनाउँदै सुरक्षित रहन सवै उद्योगी व्यवसायी, कामदार कर्मचारीहरूलाई अपिल गर्दै कोरोना भाइरसको रोकथाम, नियन्त्रण तथा निर्मुलन गर्न नेपाल सरकारले जारी गरेका सवै नीति, कार्यक्रम, स्वास्थ्य योजना तथा निर्णयहरूमा आफ्नो ऐक्यबद्धता प्रकट गर्दै आ–आफ्ना स्थानबाट सहयोग गरी सफल पार्न महासंघ आफ्ना सबै सदस्य संघ/संस्था/उद्योग प्रतिष्ठानहरूसहित सबैमा पुनः गम्भीर आग्रह गर्दछ महासंघले आफ्नो अपिलमा भनेको छ ।

प्रकाशित मिति: मंगलबार, चैत ११, २०७६ १४:०८