अस्पतालले रोक्यो उपचार, बिरामीको बिचल्ली

A+ A A-

रुपन्देहीको भैरहवा स्थित युनिर्भसल मेडिकल कलेजमा डाक्टरहरुले विरामीको उपचार नगर्दा विरामीले सास्ती पाएका छन् ।

मंगलबार विहान नवलपरासीको बर्दघाट २ की यमकुमारी पुनको उपचारका क्रममा मृत्यु भएपछि त्यस अस्पतालमा विरामीका आफन्तले चिकित्सक माथि हातपात गरेका थिए । त्यहि विषयलाई लिएर चिकित्सकले ओपिडि सेवा बन्द गर्दा विरामीहरुले सास्ती व्यहोर्नुपरेको छ ।

ओपिडि सेवा बन्द हुँदा विरामीहरु अस्पतालबाट फर्केर अनेत्र उपचार गर्न बाध्य भएका छन् । अस्पतालमा कार्यरत आवासीय र ईन्टर्नशिपका करिब २ सय चिकित्सकहरुले मंगलबार हातमा कालोपट्टी बाँधेर अस्पतालमा धर्ना दिएपछि उपचार सेवा रोकिएको हो ।

गत शुक्रबार राती उपचारका लागि भर्ना भएकी यमकुमारी पुनको दिमागको नशा फुटेर मृत्यु भएको चिकित्ककले बताएपछि आफन्तहरुले चिकित्सकको लापरबाहीले विरामीको मृत्यु भएको भन्दै अस्पतालका चिकित्सक माथि खनिएका थिए । हिजो दिनभर पनि अस्पतालका स्वास्थ्य सेवा प्रभावित भएको थियो ।

चिकित्सकहरुले अस्पतालको अत्यन्त संवेदनशील कक्ष आईसियूमै पुगेर घाइते हुने गरि आफुहरुमाथि कुटपिट गर्दा पनि प्रहरी प्रशासनले कुटपिटमा संलग्नलाई पक्राउ नगर्दा आफुहरु असुरक्षित भएको बताएका छन् ।

विरामीको आफन्तबाट घाईते भएका अस्पतालका डा. अर्चन घिमिरेको आईसियुमा राखेर उपचार भइरहेको छ ।

अस्पतालमा कार्यरत शल्य चिकित्सक जगरनाथ चौधरीले आफुहरु विरामीको उपचारमा खटिएपनि विरामीका आफन्तबाटै असुरक्षित भएकोले बाध्य भएर आन्दोलनमा उत्रिएको बताए ।

अस्पतालका जनसम्पर्क अधिकृत शुशिल गुरुङले भने भर्ना गरेपछि सबै अवस्थाबारे विरामीका आफन्तलाई जानकारी दिएको दावी गरे ।