चन्द समूहलाई प्रतिबन्धप्रति नेकपाभित्रै असन्तुष्टि

A+ A A-

नेत्रविक्रम चन्द समूहको गतिविधिलाई प्रतिबन्ध लगाउने सरकारको निर्णयप्रति सत्तारूढ नेकपाकै शीर्ष नेताहरूले असन्तुष्टि जनाएका छन् । निर्णय गर्नुअघि सरकारले पार्टीका मुख्य नेताहरूसँग छलफल नगरेको भन्दै उनीहरूले यस्ता निर्णयको स्वामित्व लिएर हिँड्न समस्या पर्ने उल्लेख गरेका हुन् ।

सरकारले चन्दको गतिवधि नियन्त्रण गर्ने निर्णय गरेको भोलिपल्ट बुधबार अध्यक्ष पुष्पकमल दाहालको निवास खुमलटारमा सचिवालयमा रहेका माधव नेपाल, झलनाथ खनाल, वामदेव गौतम र नारायणकाजीको भेला भएको थियो । नौ सदस्यीय सचिवालयका बहुमत सदस्य सहभागी भेलामा नेताहरूले चन्दका गतिविधि नियन्त्रण गर्ने सरकारको निर्णयको समीक्षा गरेको समाचार आजको कान्तिपुर दैनिकमा प्रकाशित छ ।

नेता नेपालले संसद्मा सञ्चारकर्मीसँग कुरा गर्दै सरकारको ुअपरिपक्व निर्णयु भनेका छन् । ुराष्ट्रिय महत्त्वका विषयमा निर्णर्य गर्दा पार्टीभित्र छलफल हुनुपर्ने थियो, यस्ता कदम उठाउनुपूर्व कुराकानी हुनुपर्छ, छलफल नभई निर्णय हुनु उचित होइन,ु उनले भने, ुअपरिपक्व ढंगले निर्णय गरेको देखियो । आफ्नै पार्टीको सरकारले गरेका निर्णयहरू यसकारणले गर्‍यो होला भन्ने अनुमान गर्नुपर्ने अवस्था आएको छ ।ु

ुसोधेपछि अरूले पनि जिम्मा लिन्छन्, डिफेन्ड गर्छन्, मौरीजस्तो जाइलाग्छन् । सोध्दै नसोधेपछि निर्णयहरूमा कसरी जिम्मा लिने रुु नेता नेपालले गुनासो गरे । चन्द समूहले गर्ने आपराधिक गतिविधि नियन्त्रण अहिलेकै कानुनबाटै गर्न सकिने अवस्था थियो । अहिले प्रतिबन्ध लगाएको घोषणा गरेपछि पनि तिनै कानुनहरूमार्फत कारबाही गर्ने हो । तर दलमाथि नै प्रतिबन्ध भन्ने ढंगले निर्णय बाहिर ल्याइँदा त्यसले थप उत्तेजित बनाउने नेताहरूको विश्लेषण छ । ुउक्त समूहका क्रियाकलाप सही थिएनन्रछैनन्, कानुनबाट नियन्त्रण गर्नुपर्छ र यसअघि पनि त्यसका लागि सरकारलाई कुनै बन्देज थिएन,ु अर्का एकले नेताले भने, ुप्रतिबन्ध भन्ने ढंगले जाँदा त्यसले स्थितिलाई थप उत्तेजित बनाउने हो कि भन्ने हाम्रो सरोकार हो । फेरि यस्ता विषयमा एक पटक पार्टीको मूल नेतृत्वबीच छलफल हुनुपथ्र्यो, त्यसमा ख्याल गरिएन ।ु

प्रकाशित मिति: बिहीबार, फागुन ३०, २०७५ १६:४९