रात्री भोजमा देखियो प्रदेश प्रमुख यादवको अपरिपक्क काम

A+ A A-

प्रदेश सरकार गठन भएको २ वर्ष पुगेको उपलक्ष्यमा प्रदेश सरकारले बिहान बुटवल बहुमुखी क्याम्पसमा औपचारिक कार्यक्रमको आयोजना ग¥यो । विभिन्न क्षेत्रमा योगदान दिएका ३५ जनालाई प्रदेश रत्नबाट विभुषित पनि गर्यो ।

मुख्यमन्त्री शंकर पोखरेलले प्रदेशले गरेका कामको केही बेलिबिस्तार गराए । सोही कार्यक्रममा प्रदेश प्रमुख धर्मनाथ यादव उपस्थित भए पनि उनको सम्बोधन भएन । किनकि शनिबार साँझ नै प्रदेश प्रमुख यादवले रात्रीभोज आयोजनामा उनको सम्बोधन गर्ने कार्यतालिका तय भएको थियो ।

प्रदेश प्रमुख यादवले आफ्नो कार्यकालमा पहिलोपटक रात्रिभोजको आयोजना गरेका हुन् । प्रदेशको पहिलो स्थापना दिवसको अवसरमा तत्कालीन प्रदेश प्रमुख उमाकान्त झाले पनि रात्रीभोज दिएका थिए ।

तर पहिलो स्थापना दिवसमा भन्दा दोस्रो स्थापना दिवसमा दिइएको रात्रीभोजबारे पनि अहिले टिकाटिप्पणी सुरु भएको छ ।

स्थापना दिवसको अवसरमा रात्रीभोज दिनुअघि औपचारिक कार्यक्रम समेत गरियो । तर सोही कार्यक्रम राष्ट्रिय गीत र सहिदको स्मरण नगरेपछि प्रदेश प्रमुख यादवको कार्यकुशलतामाथि जनताहरुले ‘अपरिपक्क’ भएको टिप्पणी गरेका छन् ।

त्यति मात्र हैन औपचारीक कार्यक्रममा सहिद सम्झेर मौनधारण नगरिनु र राष्ट्रिय गान समेत नबजाउनुलाई अर्थपुर्ण तरिकाले बुझिएको छ ।

साँझ साढे ६ बजे मुख्यमन्त्री शंकर पोखरेल पुग्न साथ कार्यक्रम सुरु भएपनि राष्ट्रिय गीत पनि कार्यक्रममा बजाइएन भने मौनधारणा समेत गराइएन ।

सामान्य उच्च ओहोदाका पदाधिकारीबाट आयोजना गरिने कार्यक्रम एवं विशिष्टकृत व्यक्तित्वहरु भएका ठाउँमा आयोजना हुने कार्यक्रममा राष्ट्रिय गीत र सहिदको सम्झना कार्यक्रमको तालिकामा पार्ने गरिन्छ ।

तर रात्रीभोजमा भने दुवै कार्यक्रम नभई सिधै पुस्तक बिमोजनबाट सुरु भएको थियो । त्यसपछि कार्यक्रममा प्रदेश प्रमुख यादवले शुभकामना मन्तब्य दिए र रात्री भोज गरेका थिए ।

पुस्तक विमोचनसहित औपचारिक कार्यक्रम गरेपछि राष्ट्रगान नबजेकोमा कमजोरी भएको नेपाल कम्युनिस्ट पार्टी नेकपाका प्रदेश सभा सदस्य भोजप्रसाद श्रेष्ठ बताउँछन् ।

प्रदेशसभामा नेपाली कांग्रेसका सभासद बैजनाथ कलवार पनि राष्ट्रगान नबजेकोमा कार्यक्रम नै खल्लो लागेको बताउँछन् । जसका कारणले प्रदेश पायौं, उनै सहिद नसम्झनु गलत भएको कलवारको भनाई छ ।

प्रकाशित मिति: आइतबार, फागुन ४, २०७६ १३:४५