पर्फ्युमको प्रयोग गर्दै हुनुहुन्छ ? सावधान !

A+ A A-

हामी सबै पर्फ्युमको प्रयोग गर्छौं । शरीर तथा कपडाबाट आउने दुर्गन्ध कम गर्न अथवा बास्नादार बन्न अनि व्यक्तित्वलाई निखारता प्रदान गर्न पर्फ्युमको प्रयोग गरिन्छ ।

प्रायः हामी पर्फ्युमको प्रयोग नाडी, कान, गलाजस्ता शरीरका अंगमा गर्छौं । किनकि यी अंंगहरूमा लगाएको पर्फ्युम धेरै बेर टिकाउ हुने र बास्ना पनि आउने हुन्छ ।

तर, शरीरका कतिपय अंगहरू निकै संवेदशील हुन्छन् भने पर्फ्युम हुन्छ केमिकलयुक्त । त्यसैले शरीरका यी भागमा पर्फ्युम प्रयोग नगर्नु नै राम्रो हाे ।

काखीमुनि

कहिल्यै पनि सीधा काखीमुनि पर्फ्युमको प्रयोग गर्नु हुँदैन । शरीरको संवेदनशील भागमध्ये काखीमुनिको भाग पनि संवेदनशील हुने भएकाले पर्फ्युमको प्रयोगले चिलाउने र पोल्ने समस्या हुन सक्छ ।

हातमा लगाएर रगड्नु हुँदैन

धेरैमा पर्फ्युमको प्रयोग गर्नुअघि हातमा लगाएर दुई हात रगडेर सुँघ्ने बानी छ । तर, यसो गर्दा बास्नामा कमी आउने गर्छ र लामो समयसम्म पनि टिक्दैन । त्यसैले नारीमा पर्फ्युमको प्रयोग गर्न सकिन्छ जसले गर्दा दिनभरि टिकाउ पनि हुन्छ ।

कपालमा प्रयोग गर्नुअघि

कतिपय मानिसहरू कपालमा पनि पर्फ्युमको प्रयोग गर्ने गर्छन् तर यस्तो बानी तपाईंको कपालका लागि खतरनाक सावित हुन सक्छ । किनकि पर्फ्युममा अल्कोहलको प्रयोग भएको हुन्छ । जसको प्रयोगले कपाल सुक्खा हुने र टुक्रिने गर्छ ।

कानको पछाडि

सामान्यताः महिलाहरू कानपछाडि पर्फ्युमको प्रयोग गर्छन् । कानको पछाडिको भाग अति संवेदनशील भाग हो । र, यो भाग सुक्खा पनि हुन्छ । पर्फ्युम सुख्खाभन्दा चिल्लो छालामा धेरैबेर टिक्छ । पर्फ्युममा भएको केमिकल र अल्कोहलले छालालाई झनै धेरै सुक्खा बनाइदिन्छ ।

नुहाउनेबित्तिकै

नुहाउँदा बास्नादार साबुन र शरीर पुछेर पर्फ्युमको प्रयोग गर्नुहोस् । यदि बास्ना लामो समय रहिराखोस् भन्ने चाहनुहुन्छ भने तातो पानीले नुहाउनुहोस् । जसले छालाका छिद्र खुलाउँछ । तर, शरीरको छालालाई नरम र स्वस्थ राख्नका लागि बडी लोशनको प्रयोग गर्नु उचित हुन्छ ।

प्राइभेट पार्टको आसपास

यदि तपाईं छोटो कपडा लगाउँदै हुनुहुन्छ र पर्फ्युम लगाउँदै हुनुहुन्छ भने सावधान हुनुहोस् । सो भागमा पर्फ्युम लगाएर हिँडडुल गर्दा घर्षण हुने र चिलाउने समस्या हुन्छ ।

कपडा र गहनामा लगाउँदा

महिलाहरू कपडा र गहनामा पर्फ्युम लगाउने गर्छन् । तर, पर्फ्युमको प्रयोगले कपडा र गहनामा खराबी आउँछ ।

प्रकाशित मिति: बुधबार, पुस २३, २०७६ १६:०२