उच्च रानीतिक प्रतिबद्धता शतप्रतिशत फाइदा

A+ A A-

लगानी बोर्डले नेपाल विदेशी लगानीकर्ताका लागि उत्कृष्ट गन्तव्य भएको उल्लेख गर्दै यसको सदुपयोग गर्न आह्वान गरेको छ । आगानमी चैत १५ र १६ गते काठमाडौंमा आयोजना हुने लगानी सम्मेलनको पूर्वसन्ध्यामा तयार पारेको सामाग्रीमा लगानीका लागि अवसर नै अवसर भएको उल्लेख गर्दै यसको सदुपयोगका लागि आह्वान गरेको हो । सरकारमा रहेका र विपक्षीमा रहेका पार्टीले वैदेशिक लगानीप्रति पूर्णप्रतिवद्धता जनाएको उल्लेख गर्दै सामाग्रीमा विदेशी लगानीलाई शतप्रतिशत स्वामित्व र शतप्रतिशत फिर्ता लान सक्नुका साथै बिशेष क्षेत्रमा पूर्ण कर छुट रहेको उल्लेख छ । आजको कारोबार दैनिकमा मुख्य समाचार छापिएको छ ।

त्यस्तै आज कारोबारले सरकाले आर्थिक बृद्धिलाई यथावत राख्दै बजेट मार्फत चालू आर्थिक वर्षका लागि लिएको राजस्व संकलनको लक्ष्य र बजेट खर्चमा संशोधन गरेको छ । यस अनुसार चालू आर्थिक वर्षको अन्त्यसम्ममा लक्ष्य भन्दा २६ अर्ब कम अर्थात ९ खर्ब १७ अर्ब १९ करोड रुपैंया राजस्व संकलन हुने समाचार प्रकाशित गरेको छ । चाल्र आर्थिक वर्षको अर्धवार्षिक समीक्षा सार्वजनिक गर्दै सरकारले चालू आर्थिक वर्षमा ११ खर्ब ९९ अर्ब १५ करोड खर्च हुने संशोधित अनुमान गरेको छ, जुन रकम विनियोजनको ९१.१ प्रतिशत हुन आउने समाचारमा उल्लेख छ ।

त्यस्तै आज कारोबारले व्यापार व्यसाय गरेर घरजग्गा जोड्ने, बैंकमा पैसा राख्ने सवारीसाधन खरिद गर्ने तथा विलासी जीवन बिताउने प्रसस्तै हुन्छन् । तर रुपन्देहीको मायादेवी गाँउपालिकाका ४७ वर्षीय सुखराम प्रजापतिले भने चिया बेचेर धनमसम्पत्ति नजोडे पैसा बचाउँदै छोराहरुलाई इन्जिनियरिङ र चार्टर्ड एकाउण्टेण्ट (सिए) सम्म पढाएको समाचार छापेको छ ।

आज कारोबारले आर्थिक समृद्धिका आधारभूत सर्तहरु शीर्षकमा सम्पादकीय लेखेको छ भने सुक्खा बन्दरगाह र व्यापारका समस्या शीर्षकमा डा. सुमनकुमार रेग्मीको लेख र अर्थतन्त्रमा अनावश्यक बहस शीर्षकमा रमेश घिमिरेको टिप्पणी प्रकाशित गरेको छ ।

प्रकाशित मिति: बुधबार, फागुन २२, २०७५ १८:१०