ब्राबारे जान्नैपर्ने कुरा

A+ A A-

अधिकांश महिलाहरू तथा युवतीहरू आफ्ना हरेक प्रकारका पहिरनसँग सामान्य गुणस्तरका ब्रा लगाउने गर्छन् । तर, केही विशेष पहिरनका लागि भनेर विशेष ब्राहरू नै डिजाइन गरिएको हुन्छ । यदि त्यस्ता पहिरनसँग सही प्रकारका ब्रा लगाउनुभयो भने तपाईं स्मार्ट, राम्री तथा पर्फेक्ट देखिनुहुनेछ ।

पुसअप ब्रा

पुसअप ब्रा धेरैजसो त्यस्ता महिला अथवा युवतीहरूले लगाउँछन्, जसको ब्रेस्टको आकार सानो हुन्छ । कहिलेकाहीँ हामी कसिलो पहिरन लगाउँछौं, जसका कारण हाम्रो ब्रा लाइन देखिन्छ । तर, पुसअप ब्रा लगाउँदा ब्रा लाइन देखिँदैन ।

स्पोर्टस् ब्रा

जिम जाने अथवा खेलकुदमा सहभागी हुने युवतीहरूले ब्यायामकाे समयमा स्पोर्ट्स ब्रा प्रयोग गर्छन् र गर्नु पनि पर्छ । त्यसले ब्रेस्टलाई पूर्ण रूपले कभर गर्छ । धेरै युवतीहरू नृत्य गर्दा अथवा जिम गर्दा सामान्य किसिमको ब्रा प्रयोग गर्छन् । तर, जब उनीहरू ब्यायाम गर्छन्, त्यो समयमा सामान्य ब्राको प्रयोगले अलिक अप्ठ्यारो महसुस गर्छन् । त्यसैले खेलकुदको समयमा युवतीहरूले स्पोर्टस् ब्राको प्रयोग गर्नु उचित हुन्छ ।

स्टिक अन ब्रा

स्टिक अन ब्रा शरीरमा सजिलै टाँसिन्छ । यसमा दुईवटा कप हुन्छन् । यसमा स्ट्रिप हुँदैन । यदि तपाईं ब्याकलेस अथवा स्ट्रिपलेस पहिरन लगाउँदै हुनुहुन्छ भने त्यस्तो प्रकारको ब्रा तपाईंका लागि उपयुक्त हुन्छ ।

अन्डरवेयर ब्रा

अन्डरवेयर ब्रामा एउटा स्ट्रिप अथवा वायर हुन्छ । जुन ब्राको भित्र हुन्छ । यो ब्रालाई लगाएपछि ब्रेस्ट तलबाट सेट हुन्छ । ब्लाउज र टपसँग यस प्रकारको ब्रा लगाउन सकिन्छ ।