कास्की २ अपडेटः करिब ९ हजारले विद्या अगाडि

A+ A A-

कास्की निर्वाचन क्षेत्र नं. २ को मतगणना अहिले जारी छ । नेपाल कम्युनिष्ट पार्टी (नेकपा) की उम्मेदवार विद्या भट्टराई र नेपाली कांग्रेसका खेमराज पौडेलबीचको मतान्तर निकै फराकिलो देखिएको छ ।

अहिलेसम्मको मतगणनाअनुसार पोखरा महानगर ३३, २१, २०, १७, १६ र १५ वडाको मत गणना सकिएको छ । ६ वटा वडाको मत गणना गर्दा नेकपाले अग्रता लिइरहेको छ ।

भर्खर मात्र वडा नं १५ को मतगणना सकिएको छ । मतगणनाअनुसार वडा नं १५ मा नेकपाले २१ सय ३६ मत प्राप्त गरेको छ भने नेपाली कांग्रेसका उम्मेदवार खेमराज पौडेलले १४ सय १७ मत ल्याएका छन् । त्यस्तै, समाजवादी पार्टीले ४ सय १४ मत प्राप्त गर्दा राप्रपाले ५ सय २० मत ल्याएको छ ।

६ वटा वडाको मतगणना सकिँदासम्म नेकपाले १७ हजार ६ सय ५० मत ल्याई अग्र स्थानमा छ भने नेपाली कंग्रेसले ९ हजार २ सय २४ मत प्राप्त गरेको छ । यी दुईबीच पार्टीबीचको मतान्तर ८ हजार ४ सय २६ रहेको छ ।

मतगणना भएका वडाको मुख्य दलको अंकगणित यस्तो छ

वडा नं. १५

पोखरा १५ मा नेकपा उम्मेदवार विद्या भट्टराईले २ हजार १ सय ४२ मत पाएकी छिन् । यस्तै, नेपाली कांग्रेसका उम्मेदवार खेमराज पौडेलले १ हजार ४ सय १७ मत प्राप्त गरेका छन् । यस वडामा विद्याले ७ सय २५ मतले मात्र अग्रता लिइन् ।

वडा नं. १६

पोखरा– १६ मा नेकपा उम्मेदवार विद्या भट्टराईले ३७ सय ७८ मत पाएकी छिन् । यस्तै, नेपाली कांग्रेसका उम्मेदवार पौडेलले १ हजार ९ सय १४ मत प्राप्त गरेका छन् । समाजवादीले ४ सय ९४, राप्रपाले ३ सय ६०, साझाले ३ सय ६८ मत प्राप्त गरेको छ । वडा नम्बर १६ मा ६ हजार ५ सय २७ मत खसेको थियो ।

वडानंं १७

पोखरा– १७ मा नेकपा उम्मेदवार विद्या भट्टराईले ३४ सय ६५ मत पाएकी छिन् । यस्तै, नेपाली कांग्रेसका उम्मेदवार खेमराज पौडेलले २२ सय ११ मत प्राप्त गरेका छन् । समाजवादीले २ सय ३६ राप्रपाले ९६, साझाले १ सय ५१ मत प्राप्त गरेको छ । वडा नम्बर १७ मा ६ हजार ३ सय ८१ मत खसेको थियो ।

वडा नं. २०

पोखरा २० मा नेकपा उम्मेदवार विद्याले १४ सय ६६ मत पाएकी छिन् । यस्तै, नेपाली कांग्रेसका उम्मेदवार पौडेलले ५ सय ८७ मत प्राप्त गरेका छन् । समाजवादीले ६३ राप्रपाले ४९, साझाले २८ मत प्राप्त गरेको छ । वडा नम्बर २० मा २ हजार २ सय ४० मत खसेको थियो ।

वडा नं. २१

पोखरा– २१ मा नेकपा उम्मेदवार विद्या भट्टराईले ३५ सय २३ मत पाएकी छिन् । नेपाली कांग्रेसका उम्मेदवार खेमराज पौडेलले ९ सय ८० मत प्राप्त गरेका छन् । समाजवादीले १४ राप्रपाले ९०, साझाले ३० मत प्राप्त गरेको छ । वडा नम्बर २१ मा ४ हजार ७ सय ४३ मत खसेको थियो ।

वडानंं. ३३

पोखरा– ३३ मा नेकपा उम्मेदवार विद्या भट्टराईले ३२ सय ७६ मत पाएकी छन् । नेपाली कांग्रेसका उम्मेदवार खेमराज पौडेलले २१ सय १५ मत प्राप्त गरेका छन् । समाजवादीले ९५, राप्रपाले ४७, साझाले ३२, नेपाली कांग्रेस बीपीले ७ मत प्राप्त गरेको छ । वडा नम्बर ३३ मा ५ हजार ६ सय ४३ मत खसेको थियो ।

कास्की–२ मा सुरुदेखि नै ‘लिड’ गरेकी सत्तारुढ नेकपाकी उम्मेदवार विद्याको अग्रता लगातार दोब्बर छ ।

प्रकाशित मिति: आइतबार, मंसिर १५, २०७६ १६:१३