प्रधानमन्त्रीलाई मिर्गौला दिन भान्जा–भान्जी तयार

A+ A A-

एपेन्डिसाइटिसका कारण महाराजगञ्जस्थित मनमोहन कार्डियोथोरासिक भास्कुलर एण्ड ट्रान्सपलान्ट सेन्टरमा उपचार गरिरहेका प्रधानमन्त्री केपी शर्मा ओली ओलीको मिर्गौला प्रत्यारोपणको लागि उनका भाञ्जा भाञ्जीले मिर्गौला दिने भएका छन् ।

स्रोतका अनुसार आगामी पुस महिना भित्रमा उनलाई मिर्गौला प्रत्यारोपणको लागि सिंगापुर र अमेरिकामध्ये एउटा अस्पताल लगिने र त्यहीँ प्रधानमन्त्री ओलीको मिर्गौला पत्यारोपण गरिने भएको छ ।

संयुक्त राज्य अमेरिकामा बस्दै आएका ओलीका भाञ्जा र नेपालमै रहेकी भाञ्जीले मिर्गौला दिने भएक हुन् ।

एपेन्डिसाइटिसको अपरेसनपछि अस्पतालमा आराम गरिरहेका ओली निवास फर्किएपछि करिव तीन हप्ता आराम गर्ने र चिकित्सकको सल्लाहमा प्रत्यारोपण गरिने भएको छ । प्रत्यारोपणका लागि आवश्यक रकम व्यहोर्ने डोनर समेत तयार भइसकेको स्रोतले जनायो ।

‘मिर्गौला प्रत्यारोपणको लागि खर्च गर्न डोनर तयार भइसक्यो । एक जना पुरुष भाञ्जा र एक जना महिला भाञ्जी हुन,’ श्रोतले भन्यो, ‘रेगुलर हेमोडायलासिस गर्ने वेला आएको होइन तर राम्रै हुन्छ भनेर एक महिनामा चार पटक डायलसिस गरिएको हो ।’

बरिष्ठ मुटुरोग विशेषज्ञ डा. अरुण सायमीले डायलासिसको दुनियाँभरको कम्प्लिकेसन हुने भन्दै कहिले फोक्सोमा पानी जम्ने, मसल कन्ट्राक्सन हुने, भिजन जाने भएकाले प्रधानमन्त्रीको उपचारको आफ्नै देशमा गर्नुपर्छ भन्ने नभएको बताए ।

उनले भने, ‘संसारको वेष्ट ठाउँमा लैजानु पर्छ । किड्नी ट्रान्सप्लान्ट गर्ने कुरा सजिलो होइन, यो जे पनि हुन सक्छ । लक्कीली अहिलेसम्म हर्टले काम गरेको छ, टिचिङमा सार्ने भन्दै थिए । तर मैले मानिन अहिले यहाँ उहाँ रहेको आइसीयूको वार्ड पनि खाली गरेका छौं ।’

सोमबार एपेन्डिसाइटिस भएका ओलीले असाध्य पीडा महसुस गरेको र उनले आफ्नो पीडा वाहिर नदेखाउन औंला बेस्सरी टोकेको डा. सायमीले बताए । उनले २५ वर्षको संगतमा ओलीमा यसअघि यस्तो पीडामा कहिल्यै नदेखेको समेत वताए ।

प्रकाशित मिति: शुक्रबार, मंसिर १३, २०७६ १८:३६