नेपाली कांग्रेस नेता डा. मिनेन्द्र रिजालले सरकारले जनतामा निराशा चिर्ने गरी कामको गति बढाउन नसकेको बताएका छन् । कांग्रेस–एमाले नेतृत्वको शक्तिशाली सरकारले युवाशक्तिको विदेश पलायन रोक्न तथा जनतामा व्याप्त निराशा चिर्ने गरी काम गर्न नसकेको उनले बताए ।
शिलापत्रको कार्यक्रम ‘द प्वाइन्ट अफ भ्यु’मा मङ्गलबार संवाद गर्दै डा. रिजालले जनतामा छाएको निराशा चिरेर आशा जगाउने र सरकारप्रति विश्वास कायम गर्दै संविधान संशोधनतिर उन्मुख हुनुपर्ने बताए । उनले संविधान संशोधन अपरिहार्य भएको दाबी गरेका छन् ।
डा. रिजालले आगामी ३ वर्षभित्रमा सबै राजनीतिक दलबीच संवाद गर्दै जनतासँग पनि राय लिएर संशोधन गर्नुपर्ने उल्लेख गरे । तर, सत्तारुढ कांग्रेस–एमालेबीच नै संशोधन गर्नुपर्ने संविधानका अन्तर्वस्तुहरूबारे साझा धारणा निर्माण गर्न छलफल नै भएको छैन ।
‘संविधान निर्माण गर्दा कांग्रेस–एमालेले नेतृत्व लिए, माओवादीलगायत दलहरूलाई पनि विश्वासमा लिए, अब संशोधनका लागि पनि सबै राजनीतिक दलबीच संवाद गर्दै जनताको पनि राय लिएर संशोधन गर्नुपर्छ,’ उनले भने ।
पार्टीको १५औँ महाधिवेशन समयमै नहुनुपर्ने कुनै कारण नभएको उनको भनाइ छ । तर, क्रियाशील सदस्यता नटुङ्गिनुजस्ता महाधिवेशनपूर्वका आधारभूत गतिविधि नै सुरु नहुँदा महाधिवेशन हुनेमा उनको आशङ्का छ । यस्तै, पार्टी महाधिवेशनमा डा. शेखर कोइरालाको सभापतिमा उम्मेदवारी स्वाभाविक र प्राकृतिक भएको उनले बताए ।
भिडियो अन्तर्वार्ता :
प्रकाशित मिति: मंगलबार, पुस ९, २०८१ २०:०७
-1743694749.jpg)
-1743661115.jpg)
-1743579183-1743604118.jpg)
