माध्यमिक शिक्षा : नयाँ पिँढीको नयाँ पाठ्यक्रम

आगामी शैक्षिकसत्रदेखि माध्यमिक तहमा नयाँ पाठ्यक्रम लागू हुने भएको छ । नयाँ शिक्षा नीतिअनुसार नयाँ पाठ्यक्रम लागू गर्न लागिएको पाठ्यक्रम विकास केन्द्र सानोठिमीले जनाएको छ ।

नयाँ पाठ्यक्रम

कक्षा १, २ र ३ मा चारवटा विषय रहने गरी पाठ्यक्रम बनाइएको छ । एकीकृत पाठ्यक्रमअनुसार१ देखि ३ कक्षासम्म चारवटा विषय समावेश गरिएको छ ।

नयाँ विषय

नेपाली
अंग्रेजी
गणित
सेरोफेरो

कक्षा १ को नयाँ पाठ्यक्रम आगामी शैक्षिकसत्रदेखिसुरु हुने केन्द्रका निर्देशक गणेशप्रसाद भट्टराईले जानकारी दिए ।

‘कक्षा ३ सम्म एउटै विषय राखेर पाठ्यक्रम तयार पारिएको छ,’ उनले भने, ‘आगामी शैक्षिक सत्रमा कक्षा १ को नयाँ पाठ्यक्रम सुरु हुन्छ ।’

कक्षा ४ देखि ८ मा नयाँँ विषय थप

कक्षा ४ देखि ८ सम्मका लागि भने नयाँ पाठ्यक्रम बनाउने काम भइरहेको छ । अहिले ४ देखि ८ कक्षासम्म दुईवटा विषय परिमार्जन गरिएको छ । विज्ञान विषयको ठाउँमा विज्ञान प्रविधि र सामाजिक विषयको ठाउँमा मानव मूल्य शिक्षा थप गरिएको छ ।

कक्षा ८ देखि १० सम्म परिर्वतन नहुने

कक्षा ८ देखि १० सम्म अहिले पाठ्यक्रम परिवर्तन नहुने भएको छ । दुई वर्षपछि मात्र कक्षा ८ देखि १० सम्मको पाठ्यक्रम परिवर्तन हुनेछ ।

कक्षा ११ र १२ मा नयाँ पाठ्यक्रम

कक्षा ११ मा पनि आगामी शैक्षिक सत्रदेखि नयाँ पाठ्यक्रम लागू हुने भएको छ । छवटा विषय समावेश गरेर पाठ्यक्रम बनाइएको छ । तीनवटा विषय अनिवार्य र तीन वटा विषय ऐच्छिक छन् । विद्यार्थीले पढ्न चाहेमा सातौं विषय पनि छ ।

कक्षा ११ मा सामाजिक विषय नयाँ हो । त्यस्तै, कक्षा १२ मा जीवनोपयोगी शिक्षा थप गरिएको छ ।

कक्षा ११ का अनिवार्य तीन विषय

अंग्रेजी
नेपाली
सामाजिक अध्ययन

कक्षा १२ को अनिवार्य विषय

नेपाली
अंग्रेजी
जीवनोपयोगी शिक्षा

११ र १२ मा तीनवटा ऐच्छिक विषय विद्यार्थीले रोज्न पाउनेछन् । आगामी शैक्षिक सत्रबाट कक्षा १ र ११ बाट नयाँ पाठ्यक्रम सुरु भएपछि माथिल्लो कक्षाको पाठ्यक्रम क्रमशः नयाँ लागू गरिने केन्द्रले जनाएको छ ।

प्रकाशित मिति: मंगलबार, मंसिर ३, २०७६ १६:०६