सुप किन खाने ?

A+ A A-

सुप किन खाइएको होला ? खाना पचाउनका लागि । मुखको दुर्गन्ध हटाउनका लागि । सुपको फाइदा यति मात्रै होइन । किनभने यो क्याल्सियम, सोडियम, आइरन, पोटासियमको स्रोत पनि हो । सुपमा औषधीय गुण हुन्छन् । खाना खाइसकेपछि सुप चपाउनुको खास फाइदा छ ।

-सुपले कब्जियतको समस्या हुन दिँदैन । यसलाई चिनी वा मिश्रीसित मिलाएर खाएमा यसको समस्या हट्नुका साथै कब्जियतबाट राहत दिन्छ ।

-सुपको सेवनद्वारा आँखाको रोशनी बढाउन सकिन्छ । सुप तथा मिश्रीको चूर्णलाई मनतातो पानीसित दैनिक सेवन गरे दृष्टि क्षमता बढ्छ ।

-पखाला लागेमा सुपको सेवन उत्तम मानिन्छ । सुपलाई बेलको गुदीसित बिहानबेलुकी चपाएको खण्डमा अजीर्ण कम हुनुका साथै पखाला थामिने गर्छ ।

-खोकीमा पनि सुप निकै उपयाेगी मानिन्छ । सुपको साथमा मह मिलाएर खाएमा खोकीको समस्या क्रमश हटेर जान्छ ।
खानापछि सुप खानाले खाना राम्ररी पच्छ ।

-सुपलाई जिरा तथा कालो मरीचसित मिलाएर चूर्ण बनाई मनतातो पानीसित खाएमा यसले राम्रो पाचकको रूपमा काम गर्छ ।

-पेटसम्बन्धी समस्या होस् वा पेटको दुखाइ । भुटेको सुपलाई चपाएर खाएमा यसले पेटसम्बन्धी समस्या नाश गर्नुका साथै पेटको दुखाइसमेत कम गर्न मद्दत गर्छ ।

-पेटबाट अमिलो पानी वा अमिलो डकार आएमा पनि सुपको सेवन लाभदायक मानिन्छ । थोरै सुपलाई पानीमा उमालेर त्यसमा मिश्री मिसाएर सेवन गरेमा यो समस्या तुरुन्तै कम भएर जान्छ ।

-घाँटी बसेमा होस् वा घाँटी पाछिएमा, सुपलाई चपाएर खानाले बसेको घाँटी खुल्नुका साथै घाँटीको समस्या पनि हटेर जान्छ । दैनिक रूपमा सुपलाई चपाएर खानाले छालामा समेत चमक आउँछ ।

-हात तथा खुट्टा झमझमाएमा वा हातखुट्टा पोल्ने समस्या भएमा पनि सुप र धनियाँलाई बराबर मात्रामा मिलाएर त्यसको मिश्रण बनाएर मिश्री पानीसित खानाले पनि हातखुट्टा पोल्न समस्या विस्तारै कम भएर जान्छ ।

प्रकाशित मिति: सोमबार, मंसिर २, २०७६ १६:२८