मोदी विरूद्ध प्रियंका उम्मेदवार

A+ A A-

कांग्रेस आइका नेता राहुल गान्धी जव बुधबार लखनउ विमानस्थलमा उत्रिए युवा कांग्रेसी कार्यकर्ताहरुले वारम्वार आग्रह गरे – ‘तपाईले उत्तर प्रदेशमा बढी समय दिनुपर्छ ।’ कार्यकर्ताको आग्रहपछि राहुल गान्धीले भने – ‘आज दिउसो सम्म यस्तो औषधी दिन्छु की त्यसले सवै रोग टाढा भगाएर तपाईहरुमा शक्ति आउनेछ ।’

सो समयसम्म लखनउदेखि दिल्ली सम्म पनि कसैलाई थाहा थिएन राहुलले आफ्नी बहिनी प्रियंका गान्धीलाई महासचिव मात्र बनाउने छैनन यसले उत्तर प्रदेशको निर्वाचनको कमाण्ड गर्ने जिम्मा दिने निर्णय सहित लखनउ पुगेका हुन ।

यसअघि राजनीतिबाट टाढै बसेकी प्रियंका राजनीतिमा संलग्न हुने कुरा कुनै नयाँ विषय भने होइन । पटक–पटक उनी राजनीतिमा आउने चर्चा चल्दै सेलाउदै आएको थियो । यसअघि उनी राहुलसंगै निर्वाचन परिचालनमा पटक पटक देखिदै आएपनि औपचारिक जिम्मेवारी भने दिइएको थिएन । उनले औपचारिक जिम्मेवारीका लागि अनिच्छा देखाउदै आएका थिए ।

अघिल्लो साल १३ जुलाईमा उनले कांग्रेसका सवै विभागका प्रमुखहरुसंग वान–टु–वान वार्ता गरेपछि भने उनी ठुलो भूमिका लागि तयार रहेको अड्कल गर्न थालिएको थियो । कांग्रेस पार्टीले प्रियंकालाई राजनीतिमा प्रवेश गराउनका लागि उपयुक्त मौका पर्खिरहेको थियो ।

राहुलको पछिल्लो निर्णयपछि उत्तरप्रदेशका कांग्रेस कार्यकर्ताहरुमा खुसीयाली छाएको छ । वाराणसीका कांग्रेस नेता अजय रायले हिजाेदेखि लगातार आफ्नो फोनको घण्टी बजिरहेको, युवा तथा महिला कार्यकर्ताहरु खुसी भइरहेको प्रतिक्रिया दिएका छन । कमलापति त्रिपाठीको पालामा कांग्रेसमा रहेर अन्य पार्टीमा गएकाहरुले समेत फोन गरिरहेका उनको भनाई छ । रायले प्रियंकालाई वाराणसीबाट लोकसभाको निर्वाचन लड्न आग्रह पनि गरेका छन । उनले प्रियंकाले वाराणसीबाट निर्वाचनमा भाग लिएमा वर्तमान प्रधानमन्त्री नरेन्द्र मोदीलाई पराजित गर्नसक्ने दावी गरेका छन । तर नरेन्द्र मोदीको लोकप्रियताको अगाडी कांग्रेसले यति ठुलो जोखिम लिनेमा भने आशंका रहेको बिबिसी हिन्दीको अनलाइन संस्करणले जनाएको छ ।

प्रियंकाको राजनीतिक पदार्पणपछि राहुलले भाजपालाई रोक्नुपर्ने बताएका छन । उनले मोदी–अमित शाहको पुनरागमन रोक्न सम्पूर्ण शक्ति लगाउनेछन । उनले आवश्यकता परेमा जस्तोसुकै महागठबन्धनका लागि हात मिलाउन तयार रहेको संकेत गरिसकेका छन ।

राहुलले अव कांग्रेसले ब्याकफुटमा नभई फ्रन्टफुटमा खेल्ने बताएका छन । उनले नरेन्द्र मोदीलाई आमने–सामने हुन चुनौती दिदै आएका छन । प्रियंकाको प्रवेशसंगै राहुलले उत्तर प्रदेशमा कांग्रेस एकल नै निर्वाचन लड्ने तयारीमा रहेको संकेत समेत दिएको विश्लेषकहरुले बताएका छन ।

प्रियंकालाई निर्वाचन परिचालनको नेतृत्व दिइएको पूर्वी उत्तर प्रदेश समाजवादी पार्टी र बहुजन समाज पार्टीको पकड भएको इलाका मानिन्छ । तर २०१४ मा भने अमित शाहको सोशल इन्जिनरिङले हराइदिएको थियो ।

उक्त इलाका कांग्रेसका लागि पनि उत्तिकै मजवुत इलाका मानिन्छ । सन् २००९ मा युपीमा कांग्रेसले २१ सिट जितेको थियो । दलित, मुसलमान तथा व्राम्हण समुदायको बसोबास रहेको त्यस क्षेत्रमा प्रियंकाले प्रभावकारी भूमिका निभाउदै आएकी छिन । उनले कांग्रेसको गुमेको प्रभाव पुनः हासिल गर्न प्रयास गर्नेछिन ।

प्रियंकाको सक्रियताले शहरी मतदातामा विशेष प्रभाव पर्ने अनुमान गरिएको छ । सोसल साइन्स एण्ड डेभलेपमेन्ट स्टडीजका सर्भेक्षण अनुसार सन् २०१४ को निर्वाचनमा भाजपालाई ५५ प्रतिसत मत प्राप्त भएको थियो । कांग्रेसलाई २० तथा बहुजन समाजलाई १४ प्रतिसत मत प्राप्त भएको अनुमान छ ।

त्यस्तै जातीय भोट अन्तर्गत भाजपाले ब्राम्हण, राजपूत, वैश्य र जाट मतदाताको ७० प्रतिसत भोट पाएको अनुमान छ । उनीहरुको दोस्रो रोजाई कांग्रेस नै रहदै आएको छ । प्रियंकाको प्रयत्न उक्त जातीय भोटलाई प्रभावित गर्ने पनि रहनेछ । अर्को तर्फ राहुलले २०१९ मात्र नभइ २०२२ को विधानसभा निर्वाचनलाई पनि लक्षित गरेर प्रियंकालाई राजनीतिमा प्रवेश गराएको अनुमान गरिएको छ ।

प्रकाशित मिति: बिहीबार, माघ १०, २०७५ १५:२५