प्राेफाइलः गुणस्तरीय शिक्षाकाे तीन दशक लामाे अनुभव बाेकेकाे ग्रामर स्कुल

A+ A A-

शैक्षिक क्षेत्रमा विगत ३० वर्षदेखि अब्बल सावित हुँदै आएको संस्था हो ग्रामर स्कुल । ३ हजार २ सय ६६ स्क्वायर फिट क्षेत्रफलमा अत्याधुनिक भौतिक संरचना निर्माण गरिएको ग्रामर स्कुल काठमाडौंको कोटेस्वरस्थित सुन्दर र शान्त शैक्षिक वातावरणमा अवस्थित छ ।

अभिभावक, विद्यार्थी, शिक्षक, कर्मचारीको संयुक्त छलफलद्वारा अध्ययन अध्यापन गराउने ग्रामर स्कुलको नतिजा पनि उत्तिकै गर्व गर्न लायकको छ । नियमित अध्यापनका अतिरिक्त विद्यार्थीहरूलाई नैतिक शिक्षालाई कसरी अवलम्बन गर्ने, सकारात्मक सोचको विकास कसरी गर्ने, असल नागरिक कसरी बन्ने, व्यक्तित्व विकास कसरी गर्ने, समय व्यवस्थापन कसरी गर्ने, क्षमतावान् कसरी बन्ने, परीक्षामा राम्रो परिणाम कसरी निकाल्ने, चुनौतीसँग कसरी लड्नेजस्ता विषयमा प्रशिक्षण दिई विद्यार्थीहरूको व्यक्तित्व विकास गर्न ग्रामर स्कुल प्रयत्नशील छ ।

Gramar School (1)1713531589.jpg

शैक्षिक क्षेत्रमा खारिएका व्यक्तिहरूको संलग्नतामा स्थापित ग्रामर स्कुल नतिजा र शैक्षिक उपलब्धिका दृष्टिले सर्वोत्कृष्ट विद्यालयको रूपमा चिनिएको छ । स्थापनाकालदेखि अहिलेसम्म उत्कृष्ट नतिजा निकाल्दै आएको छ । विद्यार्थीले आफ्नो स्कोर र क्षमताका आधारमा आफूले पढ्न चाहेको र पढ्न सक्ने विषय पढ्न पाउँछन् ।

भावी सन्ततिलाई गुणस्तरीय शिक्षा दिने उद्देश्यसहित स्थापना भएको ग्रामर स्कुलले शैक्षिक उद्योगमा आफ्नो बलियो जग निर्माण गरेको छ । बदलिँदो समयअनुसार शिक्षाको गुणस्तर र मापदण्ड प्रदान गर्ने भन्दै २०५० सालमा स्थापना भएको यो स्कुलले एसईईको २४औँ ब्याचका विद्यार्थी बिदाइ गरिसकेको छ । ग्रामर स्कुलका संस्थापक निर्देशक दिलेन्द्र राई भन्छन्, ‘स्थापनाको ३०औँ वर्षमा आइपुग्दा ग्रामर स्कुलले आफ्नो परिसरअन्तर्गत ग्रामर मन्टेश्वरी, स्कुल, प्लस टु र बीबीएससहितका कार्यक्रमहरू सफलतापूर्वक सञ्चालन गर्दै आएको छ ।’

Gramar School (2)1713531610.jpg

नेपालको शैक्षिक उत्कृष्टताको प्रकाशकको रूपमा उभिएको छ ग्रामर स्कुल, जसले विद्यार्थीहरूलाई आत्मविश्वासी, दयालु र जिम्मेवार विश्वव्यापी नागरिक बन्न मद्दत गर्छ । स्कुलले विद्यार्थीको समग्र विकासलाई बढावा दिन अतिरिक्त क्रियाकलापहरूमा बलियो जोड दिँदै आएको छ ।

ग्रामर स्कुलका संस्थापक अध्यक्ष जयकुमार राई भन्छन्, ‘हामीले विद्यार्थीहरूलाई खेलकुद, सांस्कृतिक कार्यक्रमहरू, सामुदायिक सेवा पहलहरू र क्लबहरूलगायतका गतिविधिहरूको विस्तृत शृंखलामा भाग लिन प्रोत्साहित गर्दै आएका छौँ ।’ द्रुत रूपमा परिवर्तन भएको संसारमा सफलताका लागि आवश्यक ज्ञान, सीप र मूल्यहरूका साथ विद्यार्थीहरूलाई सशक्तीकरण गर्ने मिसनको साथ, संस्थाले शिक्षाका लागि जीवनभर प्रेम र समाजप्रति जिम्मेवारीको भावना जगाउने लक्ष्य स्कुलले राखेको उनको भनाइ छ ।

स्कुलले विद्यार्थीहरूका लागि दीर्घकालीन आधारभूत सीप र ज्ञान प्रदान गर्दै आएको ग्रामर स्कुलका संस्थापक अर्थ निर्देशक भरतकुमार राई बताउँछन् । उनले भने, ‘विद्यार्थीहरूको लागि अनुसन्धानको शैक्षिक थलो बनेको ग्रामर स्कुलले विषयगत क्लबहरूको व्यवस्थापन र उनीहरूको शैक्षिक तथा सामाजिकीकरणमा मद्दत पुर्‍याउँदै आएको छ ।’

Gramar School (3)1713531626.jpg

‘क’ वर्गको भौतिक सुविधा

२०५० सालमा ३२ जना विद्यार्थीबाट सुरू ग्रामर स्कुलले सुविधासम्पन्न दुई आधुनिक स्कुल/कलेज बिल्डिङहरू निर्माण गरेको छ । स्कुलले विज्ञान ल्याब, म्याथ ल्याब, कम्प्युटर ल्याब, रोबोटिक ल्याब, आर्ट र क्राफ्ट, संगीत, भाषागत ल्याबहरू सञ्चालन गरेको छ । सुविधायुक्त पुस्तकालय, ई–लाइब्रेरी, हार्डकपी लाइब्रेरी, वाचनालय र पत्रपत्रिकाहरूको व्यवस्थापन पनि ग्रामर स्कुलमा देख्न सकिन्छ । मन्टेश्वरी र प्राथमिक तहका लागि पर्याप्त खेल सामग्रीहरूका साथै छुट्टाछुट्टै खेल मैदानहरूको व्यवस्था गरेको यो स्कुलले विद्यार्थीहरूका लागि बास्केटबल र मिनी फुटबल ग्राउन्डको पनि छुट्टाछुुट्टै व्यवस्था गरेको छ ।

ग्रामरको पर्याप्त खेल मैदानहरूका साथै खेल सामग्रीहरू, केटाकेटीहरूको छुट्टाछुट्टै रिफ्रेस कोठाहरू, केटाकेटीहरूको छुट्टाछुट्टै होस्टल सुविधाहरूका साथै सफा र स्वास्थ्यबर्द्धक क्यान्टिनको सुविधासमेत रहेको निर्देशक राईले बताए । ग्रामरले परियोजना कार्यका लागि कक्षा कोठाहरूमा प्रदर्शनी बोर्डको व्यवस्था गरेको छ । उनले भने, ‘हामीसँग विद्यार्थीहरूको अतिरिक्त क्रियाकलापबाट प्राप्त ट्रफीहरू प्रदर्शनी कपबोर्डहरू प्रशस्तै छन् । सँगसँगै शान्त र सुन्दर बगैँचासहितको प्राकृतिक विद्यालय परिसर वातावरण, ग्रामर हल, साउन्ड सिस्टम र स्मार्ट बोर्डसहितको व्यवस्था हामीले हाम्रा विद्यार्थीका लागि गरेका छौँ,’ उनले भने ।

Gramar School (4)1713531642.jpg

ग्रामर स्कुलमा हाल प्लस टुका विभिन्न शैक्षिक कार्यक्रम सञ्चालन हुँदै आएका छन् । यस स्कुलमा प्लस टु र स्कुलमा गरी कुल ९ सय ५० भन्दा बढी विद्यार्थी अध्ययनरत छन् । हाल यस स्कुलअन्तर्गत कक्षा १ देखि १० सम्म करिब ३ सय विद्यार्थी अध्ययनरत छन् । ग्रामर स्कुलका संस्थापक अध्यक्ष राईले ७७ वटै जिल्लाका विद्यार्थीहरूलाई उत्कृष्ट शैक्षिक वातावरणमा पठनपाठन गराउँदै आएको बताए । उत्कृष्ट भौतिक संरचना, दक्ष शैक्षिक टिम, धेरै विद्यार्थीका लागि छात्रवृत्तिको प्रावधान, अतिरिक्त क्रियापकलामा जोड, ७७ वटै जिल्लाका बहुप्रतिभाको मूल्याङ्कन गरिने कारणले विद्यार्थी अभिभावकहरूले ग्रामर स्कुल छनोट गर्ने गरेका छन् ।

Gramar School (5)1713531667.jpg

ग्रामर स्कुलले पाठ्यक्रमका साथसाथै फोटोग्राफी, भिडियो, फेसबुक, युट्युब, इन्स्टाग्राम, वेबपेजको माध्यमबाट विद्यार्थीहरूको शैक्षिक क्रियाकलापलाई अभिवृद्धि गराउँदै आएको छ । प्राविधिक, व्यावसायिक र उद्यमशीलताको ज्ञानका साथै सीप प्रवर्द्धन गर्ने उद्देश्यले स्कुलले अत्याधुनिक शैक्षिक प्रविधि स्मार्ट बोर्ड, कम्प्युटर ल्याब, नेट, मल्टिमिडियाको प्रयोग गराउने संस्थापक निर्देशक राई बताउँछन् । स्कुलमा रूपान्तरित कक्षा कोठाको व्यवस्थापनका साथै विद्यार्थीहरू सीसी क्यामेराको निगरानीमा समेत रहने राई बताउँछन् ।

संस्थापक निर्देशक राई भन्छन्, 'दक्ष, अनुभवी र योग्य शिक्षकहरूले पठनपाठन गराउने ग्रामर स्कुलले इलेक्ट्रोनिक हाजिरीका साथै वैज्ञानिक समय व्यवस्थापन गर्दै आएको छ । वैज्ञानिक, व्यवस्थित, व्यावसायिक र उत्तरदायी व्यवस्थापकीय नेतृत्वका साथ हाम्रा नानीबाबुहरूलाई विद्यार्थीकेन्द्रित नवीनतम् विधि तथा प्रविधिको प्रयोग गरी शिक्षण सिकाइमा जोड दिँदै आएका छौँ । सबै विद्याथी एकै क्षमताका नहुने हुनाले हामीले विद्यार्थीको रुचिअनुसार शिक्षण सिकाइ गराएका छौँ । विद्यार्थीलाई रुचि भएको क्षेत्रमा खुलेर लाग्न प्रेरित गरिन्छ ।’

गुणस्तरीय शिक्षा, बलियो पूर्वाधार

गुणस्तरीय शिक्षाको हकमा कुनै सम्झौता नगर्ने ग्रामर स्कुलले भौतिक पूर्वाधार पनि त्यही खालको बनाउँदै आएको छ । आफ्नै सुविधासम्पन्न भवनमा विद्यार्थीलाई पठनपाठन गराउँदै आएको छ । विद्यार्थीका लागि आवश्यक पर्ने सम्पूर्ण भौतिक पूर्वाधार ग्रामर स्कुलमा देख्न सकिन्छ । राम्रो ल्याब, राम्रो लाइब्रेरी, सुविधासम्पन्न खेल मैदानजस्ता पूर्वाधारसमेतको व्यवस्था गरिएको छ । यसका साथै विद्यार्थीहरूलाई आवासको पनि व्यवस्था गरिएको छ । यी सबै कुरा विद्यार्थीहरूका आजका दिनका आधारभूत आवश्यकताभित्र पर्ने कुराहरू हुन । ‘हामीले बालबालिकाको भविष्य सोच्दै एकदमै पारिवारिक वातावरणमा पठनपाठन गराउँदै आएका छौँ,’ अध्यक्ष राई भन्छन् ।

ग्रामर स्कुलले विद्यार्थीहरूलाई अतिरिक्त क्रियाकलापमा जोड दिँदै आएको छ । त्यसका लागि विद्यार्थीहरूलाई नै जिम्मेवार बनाइन्छ । विद्यार्थीहरूलाई निबन्ध लेखन प्रतियोगिता, वादविवाद प्रतियोगिता, कविता, भाषणकला, हस्तकला प्रतियोगिता, नाटक, कथा, हिज्जे, हस्तलेखन प्रतियोगिता, वक्तृत्वकला प्रतियोगितासँगसँगै विभिन्न खेलकुद प्रतियोगिता गराउँदै आएको छ । शिक्षा दिने हकमा आगामी पिँढीलाई कस्तो बनाउने भन्ने कुरामा ध्यान दिने गरेको उनी बताउँछन् । डिजिटलाइज भइसकेको दुनियाँमा अबको शिक्षा नेपाल केन्द्रित नभएर विश्व परिवेशलाई सुहाउने खालको हुनुपर्छ भन्ने मान्यता आफूहरूको रहेको संस्थापक अध्यक्ष राईको भनाइ छ ।

Gramar School (7)1713531730.jpg

उनले भने, ‘इनडोर, आउट डोरका साथै अन्य विद्यालयबाहिरका अतिरिक्त क्रियाकलापहरू पनि ग्रामर स्कुलले आफ्ना बालबालिकाहरूलाई दिँदै आएको छ । ग्रामर स्कुलले नृत्य, संगीत, आर्ट, क्राफ्ट, कराँते, फुटबल, बास्केटबल, भलिबल, टेबुलटेनिस, पौडी आदिजस्ता अतिरिक्त क्रियाकलापहरूमा आफ्ना विद्यार्थीहरूलाई अब्बल बनाएको छ । ग्रामर स्कुलले विभिन्न राष्ट्रिय र अन्तर्राष्ट्रिय दिवसहरूको कार्यक्रम आयोजना गर्दै आएको छ ।’

‘हामीले हाम्रा बाबुनानीलाई स्काउट, रेडक्रस र सामाजिक सेवाका कार्यक्रमहरूमा पनि सहभागी गराउँदै आएका छौँ, ताकि हाम्रा विद्यार्थी किताबी ज्ञानमा मात्र पोख्त हुने होइन । उनीहरूलाई सामाजिक परिवेशमा घुलमिल हुन सिकाउनु हाम्रो मुख्य दायित्व हो,’ स्कुलका संस्थापक निर्देशक राई बताउँछन् । यसका साथै ग्रामरले शारीरिक र मानसिक स्वास्थ्यका लागि नियमित योग ध्यानको अभ्याससमेत गराउँदै आएको छ । ग्रामर स्कुलका विद्यार्थीहरूले अनुशासन र कर्तव्य निर्वाहका लागि तालिम पनि प्राप्त गर्ने अवसर पाएका छन् । यस स्कुलले विद्यार्थीहरूको मनोबल उच्च राख्नका लागि हरेक क्रियाकलाप अर्थात् विभिन्न विधागत विषयहरूमा पुरस्कार र प्रमाणपत्रहरू प्रदान गर्दै आएको छ ।

निर्देशक राई भन्छन्, ‘आफ्ना विद्यार्थीहरूले विभिन्न विधाका पुरस्कारहरू प्राप्त गर्दा हामीले अर्को खुट्किला पार गरेको सम्झन्छौँ । विद्यार्थीको चाह जुन कुरामा छ, हामी त्यसलाई प्रस्फुटन गराउन मद्दत गर्छौं र हाम्रा विद्यार्थीहरू सफल पनि भएका छन् ।’

Gramar School (9)1713531752.jpg

बच्चालाई ल्याब, व्यावहारिक शिक्षामा जोड

'२१औँ शताब्दीमा किताबी ज्ञानले मात्र पुग्दैन । बढ्दो सूचना प्रविधिको विकाससँगै विद्यार्थीहरूमा व्यावहारिक ज्ञानको कमी आएको देखिन्छ । ग्रामरले विद्यार्थीहरूलाई किताबी ज्ञान, सूचना प्रविधिको ज्ञानसँगै व्यावहारिक ज्ञानलाई पनि जोड दिँदै आएको छ । कक्षा ३ देखि नै विद्यार्थीहरूलाई ल्याबको कुरा सिकाइन्छ । विद्यार्थीलाई प्राक्टिकल बेसमा पठनपाठन गराउँदै आएको राईले बताए । अब पूरै व्यावहारिक लैजान खोजिरहेका छौँ । त्यही आधारमा विद्यार्थीहरूलाई पढेको कुरा व्यवहारमै उतार्न लगाइरहेका छौँ,’ उनले भने ।

ग्रामर स्कुलले आफ्ना विद्यार्थीहरूलाई वार्षिक, अर्धवार्षिक, त्रैमासिक र दैनिक पाठ योजनाअनुसार पठनपाठन गराउँदै आएको छ । अतिरिक्त क्रियाकलापसँगै काममा आधारित शिक्षण सिकाइ गर्दै आएको ग्रामर स्कुलले कक्षाकार्य, अभ्यास, गृहकार्य, नोटसहित प्रोजेक्ट वर्क (परियोजना कार्य), समूहकार्य, पावर पोइन्ट प्रेजेन्टेसन गर्न विद्यार्थीहरूलाई लगाउँछ ।

Gramar School (10)1713531779.jpg

स्कुलले शैक्षिक भ्रमण, फिल्ड भिजिट, रिपोर्ट लेखन, प्रयोगात्मक कक्षाहरू सञ्चालन गर्दै आएको राई बताउँछन् । ग्रामर स्कुलले विद्यार्थीहरूको शिक्षण सिकाइमा सहजता ल्याउनका लागि आधुनिक स्मार्ट बोर्ड, इन्टर्‍याक्टिभ बोर्डद्वारा पठनपाठन गराउँदै आएको छ । विद्यार्थीहरूको क्षमता निरन्तर मूल्यांकन गर्दै कक्षाकार्य, अभ्यास, परियोजना कार्य, त्रैमासिक परीक्षा, पुन: परीक्षा सञ्चालन गर्ने स्कुलका संस्थापक अध्यक्ष राई बताउँछन् ।

तीन कुराको संयोजनमा ग्रामर
–   प्रत्येक विद्यार्थीको इच्छाअनुसारको शिक्षा
–   क्वालिटी वर्क, क्वालिटी सर्भिस, क्वालिटी लाइफ
–   क्वालिटी टिचर्स फर क्वालिटी एजुकेसन ।

Gramar School (11)1713531800.jpg

निर्देशक राई भन्छन्, ‘तीनवटा कुराको संयोजनमा ग्रामर स्कुल अगाडि बढेको छ । पहिलो हामीले विद्यार्थीको इच्छाअनुसारको शिक्षा दिने भन्ने कायम गरेका छौँ । दोस्रो, राम्रो काम गर्न, राम्रो सेवा दिने र हाम्रोमा उत्पादित विद्यार्थीले राम्रो ठाउँमा आफ्नो लाइफ सेटल गरून् भन्ने चाहना हो हाम्रो,’ उनले भने, ‘विद्यार्थीको सर्वाङ्गीण विकासका लागि शैक्षिक, भौतिक र इनपुट चाहिने हुँदा त्यसअनुसारको प्रोजेक्ट तयार बनाएर हामी अघि बढेका छौँ ।’

ग्रामर प्रकाशन

–   ग्रामर टाइम्स
–   साप्ताहिक भित्ते पत्रिका
–   ग्रामर भ्वाइस
–   ग्रामर कलेज शैक्षिक जर्नल ।

ग्रामर स्कुल र कलेज, ग्रामर फाउन्डेसनबाट सञ्चालित स्कुल हो । सुरुमा ३२ जना विद्यार्थीबाट विद्यालय शिक्षाको पठनपाठन थालेको यस स्कुलले पछि बिस्तारै प्लस टु र कलेजसम्म स्थापना गरियो । त्यही आधारमा शिक्षा क्षेत्रमा आफ्नो प्रभुत्व जमाउँदै आएको छ ग्रामरले,’ निर्देशक राईले भने ।

Gramar School (12)1713531819.jpg

संक्षिप्तमा ग्रामर स्कुल

स्थापना : वि.सं. २०५० सालमा ।
स्थान : कोटेश्वर, काठमाडौं ।
विद्यालय तह : मन्टेश्वरी प्रि–स्कुल, माध्यमिक तह, कलेज ।
प्लस टु : साइन्स र म्यानेजमेन्ट ।
ब्याचलर : बीबीएस (ब्याचलर अफ बिजनेस स्टडिज) ।
शुल्क : विद्यार्थी र अभिभावकले तिर्न सक्ने ।
छात्रवृत्ति : नेपाल सरकारले तोकेको १० प्रतिशत अनिवार्य ।
विद्यार्थी संख्या : ९ सय ५० माथि ।

प्रकाशित मिति: शुक्रबार, वैशाख ७, २०८१ २०:१९