इरान र इजरायलमा को कति शक्तिशाली ?

A+ A A-

इरानले इजरायलमा मिसाइल तथा ड्रोन आक्रमण गरेपछि महाससँग लडिरहेको इजरायलका लागि युद्धको अर्को मोर्चा खुलेको छ । परम्परागत दुस्मन इरान र इजलायलबीच १९७९ देखि तिक्ततापूर्ण सम्बन्ध छ । तर, यो लामो समयसम्म कहिल्यै पनि इरानले इजरायलमाथि सिधा आक्रमण गरेको थिएन । इरानले सधैँ प्रोक्सी वार गर्दै आएको थियो । तर, यसपटक इरानले सिधा आक्रमण गरेपछि यी दुई मुलुकबीच शक्ति सन्तुलन कस्तो छ भन्ने चासो बढेको छ ।

मिलिट्री शक्तिशाली संसारका १४५ मुलुकमध्ये इरान १४औँ स्थानमा पर्छ भने इजरायल १७ स्थानमा छ । यस हिसाबले पनि यी दुई मुलुकबीच शक्तिको हिसाबले खासै अन्तर छैन । इरानको जनसंख्या ८ करोडभन्दा बढी छ भने इजरायलको जनसंख्या करिब ९० लाख मात्र छ । यस हिसाबले इरान इजलायलभन्दा निकै माथि छ । इरानसँग मिलिट्री फोर्समा काम गर्न सक्ने जनसंख्या ४.११ करोड छ भने इजरायलसँग ३१.५६ लाख मात्र छ ।

यस्तै इरानसँग ११.८० लाख सेना रहेको छ भने इजरायलसँग ६.७० लाख मात्र छ । इरानसँग सक्रिय सेना ६.१० लाख छ भने इजरायलसँग यस्तो संख्या १.७० लाख मात्र छ । इरानको रिजर्भस फोर्सको संख्या ३.५० लाख छ भने इजरायलको यस्तो संख्या ४.६५ लाख छ ।

इरानसँग २.२० लाख प्यारामिलिट्री फोर्स छ भने इजरायलसँग ३५ हजार मात्र छ । इरानी वायु सेनाको संख्या ४२ हजार छ भने ८९ हजार छन् । यस्तै इरानसाथ थल सेनाको संख्या ३.५० लाख छ भने इजरायलसँग ५.२६ लाख छ ।

यस्तै इरानसँग जलसेनाको संख्या १८, ५०० छ भने इजरायलसँग यस्तो सेनाको संख्या १९५०० छ । इरानसँग ५५१ रिजर्भ एरक्राफ्ट र ३५८ एक्टिभ एयरक्राफ्ट छन् । यस्तै इजरायलसँग ६१२ रिजर्भ र ४९० एक्टिभ एयरक्राफ्ट छन् ।

यस्तै इरानसँग १८६ फाइटर जेट छन् भने इजरायलसँग २४१ फाइटर जेट छन् । यस हिसाबले यहाँ इजरायल बलियो देखिएको छ । यस्तै इरानसँग १९९६ ट्यांक छन् भने १३७० छन् । इरानसँग ६५७६५ सैन्यवाहन छन् भने इजरायलसँग ४३४०७ सैन्यवाहन छन् ।

इरानसँग सेल्फ प्रेपोल्ड लोड आर्टिलरी ५८० छन् भने इजरायलसँग ६५० छन् । यस्तै इरानसँग ७७५ रकेट लन्चर छन् भने इजरायलसँग १५० मात्र छन् ।

इरानसँग १०१ नौसैनिक एसेट्स छन् भने इजरायलसँग ६७ मात्र छन् । इरानसँग ७ फ्रिगेट छन् भने इजरायलसँग छैन । यस्तै इरानसँग १९ सबमरिन छन् भने इजरायलसँग ५ मात्र छन् ।

यसहिसाबले सैन्य क्षमतामा इरान इजरायलमाथि हाबी देखिए पनि हवाई शक्तिमा इजरायल निकै अगाडि छ । यति मात्र होइन, इजरायलको पक्षमा संसारकै शक्तिशाली मुलुक अमेरिका, बेलायत र फ्रान्स छन् । तर, इरानको समर्थन खुला रुपमा कसैले पनि गरेका छैनन् । तर, इरानको पक्षमा लड्ने लडाकुहरू विभिन्न देशमा छन् । इजरायलसँग ३ हजारभन्दा धेरै मिसाइल रहेको बताइन्छ । उता इजरायलको आइरडोम रक्षा कवजलाई निकै सुरक्षित मानिन्छ । इजरायलसँग पनि मिसाइलको संख्या कमी छैन ।

प्रकाशित मिति: आइतबार, वैशाख २, २०८१ १५:१३