कांग्रेससँगकाे गठबन्धन ठीक भएन भन्ने प्रचण्डकाे अभिव्यक्तिमा हाम्राे धारणा के हाे ?

कांग्रेससँगकाे गठबन्धन ठीक भएन भन्ने प्रचण्डकाे अभिव्यक्तिमा हाम्राे धारणा के हाे ?

A+ A A-

महासमिति बैठकको पूर्वसन्ध्यामा तीनवटा प्रस्तावमाथि छलफल गरिराखेका छौँ । यहीबीचमा राजनीतिक, नीति र सांगठनिक प्रस्तावहरू आएका छन् । खासगरी माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्डले कांग्रेससँगको गठबन्धनका बारेमा उहाँको पार्टीको विधान अधिवेशनमा माओवादीका कार्यकर्ताभन्दा चर्को कुरा गरेर जुन अभिव्यक्ति दिनुभएको छ, यसबारेमा हाम्रो धारणा के हो ? यस विषयमा उपप्रधानमन्त्री तथा पार्टी उपसभापति पूर्णबहादुर खड्काले प्रचण्डसँग कुरा गरेको मिडियामा मुखरित भएको छ ।

खासगरी, आफ्ना कार्यकर्तालाई खुसी पार्न कार्यकर्ताहरूको भन्दा चर्को स्वरमा बोल्नुपर्ने बाध्यताका बारेमा पनि उहाँले गर्नुभएको टिप्पणी पनि मिडियामा आएको छ । प्रचण्ड आफैँ नेपाली कांग्रेसलाई भड्काएर कांग्रेसले पनि यो महासमिति बैठकमा गठबन्धनका बारेमा थप राजनीतिक टिप्पणी गरोस् भन्नका लागि यो टाइमिङ प्रयोग गर्नुभएको छ भने यसबारेमा महासमितिमा पेस गर्ने अफिसियल डकुमेन्टमा हाम्रो धारणा के हो, यो म यहाँ सोध्न चाहन्छु । यसलाई हाम्रो महासमितिको यो डकुमेन्टमा समावेश गरियोस् भन्ने कुरा पनि आग्रह गर्न चाहन्छु ।

२०८२ मंसिर मसान्तभित्र हाम्रो १५औँ महाधिवेशन गर्ने कुरा आएको छ । २०८४ का तीनवटा तहका चुनावलाई हेर्ने हो भने 'कुलिङ पिरियड' कम्तीमा एक डेढ वर्ष दुई वर्ष चाहिने वाला थियो । त्यस कारण यो टाइमिङ उपयुक्त लागेको छ । त्यही हिसाबले हामीले कार्यान्वयनतर्फ लैजान सकियो भने यो उपयुक्त हुन्छ भन्ने मेरो बुझाइ छ । यो कार्यान्वयन गर्नेतर्फ यो हलले, सँगसँगै महासमिति र सिङ्गो पार्टीपंक्ति यसमा तयार रहोस् भन्ने पनि आग्रह गर्न चाहन्छु ।

योबीचमा समुदायमा कांग्रेसको अभियानका क्रममा म आफू रौतहटमा प्रतिनिधिको रूपमा खटिएको थिएँ । र त्यसवरिपरिका जिल्लाहरू पनि घुम्ने अवसर पाएको थिएँ । त्यो घुम्दैगर्दा केही चित्रहरू देखिएका छन् । तराई मधेशमा चित्रहरू धार्मिक रूपमा बदलिएका छन् । कोशीको चित्र जातीय रूपमा बदलिएको छ । र अन्य क्षेत्रहरूमा पनि जातीय र धार्मिक चित्रहरू बदलिएका छन् ।

डेमोक्रेसी बचाउने भनेको यो अटेरी पुस्ताले अवलम्बन गरिरहेको अटेरीतन्त्रले नै हो । अटेरीतन्त्रमा ‘इन्जोए’ गर्ने अटेरी नयाँ पुस्ताका साथीहरूलाई सम्बोधन गर्ने गरी कसरी अगाडि बढ्छौँ भन्ने पनि ध्यान दिन जरुरी छ, यो नीतिगत निर्णय गर्ने फोरम मार्फत ।

बदलिएको यो चित्रसँगसँगै जुन ध्रुवीकरण हामी देखिरहेका छौँ, यसले ‘मिडिल स्पेस’हरू खुम्चाइरहेको छ । हामीलाई थाहा छ मिडिल स्पेसमा नै ‘डेमोक्रेसी सर्भाइभ’ गर्छ र मिडिल स्पेस कमजोर हुँदै गयो भने डेमोक्रेसी पनि ‘श्रृंक’ हुन्छ । खुम्चिन्छ । यसले अप्ठेरो पार्न सक्छ । यसबारेमा एकपटक यो महासमिति बैठकले यसलाई ध्यान दिनुपर्ने अवस्था छ ।

पछिल्लो समयमा अटेरी पुस्ताहरू जन्मिरहेको छ । डेमोक्रेसी बचाउने भनेको यो अटेरी पुस्ताले अवलम्बन गरिरहेको अटेरीतन्त्रले नै हो । अटेरीतन्त्रमा ‘इन्जोए’ गर्ने अटेरी नयाँ पुस्ताका साथीहरूलाई सम्बोधन गर्ने गरी कसरी अगाडि बढ्छौँ भन्ने पनि ध्यान दिन जरुरी छ, यो नीतिगत निर्णय गर्ने फोरम मार्फत ।

स्थानीय तहदेखि केन्द्रसम्म

आफूवरिपरि भएको भ्रष्टाचारलाई देखेर आमनागरिक सबैभन्दा धेरै रिसाइरहेको छ । प्रत्येक तहका नागरिकहरूको कुरा सुन्दा खास गरी समुदायमा कांग्रेस जाँदै गर्दा भ्रष्टाचारका अनेक कथा सुनिए । विकासे कार्यक्रम बजेटमा पार्नुअगाडि सरकारी संयन्त्रमा पहिले नै कमिसन दिनुपर्ने र अन्तिममा निकासा निकाल्दा पनि कमिसन दिनुपर्ने । कमिसनको चक्करबाट जबसम्म हामीले यो सिस्टमलाई बाहिर निकाल्न सक्दैनौँ, डेमोक्रेसी यही नाममा खतरामा पर्नेछ । अहिले सबैभन्दा बढी आक्रमण भ्रष्टाचार र कुशासनको विषयलाई लिएर भइरहेको छ । भ्रष्टाचार रोक्ने काम गर्न सकेनौँ भने व्यवस्थामाथि यो आक्रामण अझ बढ्छ भन्ने कुरालाई पनि ध्यान दिनु जरुरी छ ।

(४ फागुन २०८० को केन्द्रीय समितिमा केन्द्रीय सदस्य अजयबाबु शिवाकोटीले प्रस्तुत गरेको विचार)

प्रकाशित मिति: शुक्रबार, फागुन ४, २०८० २१:१७