हेलो, प्राइम मोन्स्टर ! (भिडियो कविता)

A+ A A-

हेलो,
प्राइम मोन्स्टर !

तिम्रो
सरकारको अब
हामीलाई अलिकति पनि भर छैन

तिम्रो सरकार मर्दा मलामी जाने
हामीलाई रत्तिभर
रहर छैन ।

०००

हामी
जनजाति हौँ
न्यायका पक्षपाती हौँ

तिम्रो
सरकार भन्छ :
हामी आत्मघाती हौँ

हामी
दलित हौँ
पात्र अलिखित हौँ

तिम्रो
सरकार भन्छ :
हामी आत्म–स्खलित हौँ

हामी
अछुत हौँ
देह र आत्माका राजदूत हौँ

तिम्रो
सरकार भन्छ :
हामी आत्मच्यूत हौँ

हामी
मधिशे हौँ
तिमीजत्तिकै स्वदेशी हौँ

तिम्रो
सरकार भन्छ : हामी देश
अनि भेष बदल्ने छद्मभेषी हौँ

हामी
आदिवासी हौँ
धर्तीका मूल निवासी हौँ

तिम्रो
सरकार भन्छ :
हामी नियतिका दास–दासी हौँ

हामी
महिला हौँ
सृष्टिको प्रथम पाइला हौँ

तिम्रो
सरकार भन्छ :
हामी फगत फोहोर–मैला हौँ

हेलो,
प्राइम मोन्स्टर !
सुन्दै छौ ? हाम्रो आवाज सुन्दै छौ ?

या,
हामीमाथि
षड्यन्त्रको जाल बुन्दै छौ ?

०००

हामीलाई सधैँको चिन्ता गाँस–बास–कपासको / ‘सयौँ थुङ्गा फूलका माला’ लगाई तिमी भाषण गर्छाै ULTRA MODERN विकासको–

हामी त भोका–नाङ्गा, अन्न छैन धन्सारमा / तिमी भने मख्ख–मखलेल छौ आफ्नै सरकारको भ्रष्टाचारमा–

हामी त सधैँको प्यासी–तिर्खालु, पानी आउँदैन हाम्रा धाराहरूमा / पल्टाएर हेर्ने गर
कहिलेकाहीँ के लेखिएको छ संविधानका धारा, उपधाराहरूमा–

सिंहदरबारमा बस्ने तिम्रो सरकारलाई हाम्रो घरबारको कुनै दरकार छैन / पतझरको मौसम झैँ हाम्रो जिन्दगीमा कहिल्यै पनि वसन्त बहार छैन–

हामी
सुकुम्बासी
हाम्रो कतै घर छैन

तिम्रो
सरकारको
अब हामीलाई
अलिकति पनि भर छैन

तिम्रो
सरकार मर्दा
मलामी जाने
हामीलाई रत्तिभर रहर छैन

हेलो,
प्राइम मोन्स्टर !
सुन्दै छौ ? हाम्रो आवाज सुन्दै छौ ?

या,
हामीमाथि
षड्यन्त्रको जाल बुन्दै छौ ?

०००

पुर्खाले आर्जेको हाम्रो जमिनमा
तिम्रै जग्गा दलालहरूको
मन–साटासाट
छ

अलिकति जङ्गल छ हामीसित
त्यही जङ्गलमा समेत
तिनीहरूकै कित्ताकाट
छ

खेत–खलिहान
बन्जर
छ

हाम्रो जलमा समेत
जल–माफियाको
नजर
छ

जल–जमिन–जङ्गल
हाम्रो जिन्दगी थियो
बन्धकी
राखे तिनलाई
तिम्रै ठेकेदारहरूले

हाम्रो थलो
तहस–नहस पारे
भू–माफियाका सरदारहरूले

हामी रुखका चरा भयौँ न जरा
उजाड–उदास छन् बरा
हाम्रा धरा–कन्दरा

हामी राउटे
कुसुण्डा/भुईं मान्छे
हाम्रो कुनै ठाउँ–ठहर छैन

तिम्रो
सरकारको
अब हामीलाई
अलिकति पनि भर छैन

तिम्रो सरकार मर्दा मलामी जाने
हामीलाई रत्तिभर
रहर छैन

हेलो,
प्राइम मोन्स्टर !
सुन्दै छौ ? हाम्रो आवाज सुन्दै छौ ?

या,
हामीमाथि
षड्यन्त्रको जाल बुन्दै छौ ?

०००

सत्ता–सम्भोगमा लिप्त तिम्रा आसेपासे–कार्यकर्ताहरू मालमाल हुने / रोग–भोक र शोकमा चाहिँ हाम्रो जिन्दगी बेहाल हुने–

बिचौलिया–दलाल र तस्करहरूले तिम्रो सरकारमा लगानी गर्ने / हामीले चाहिँ आँसु–रगत र पसिनाको मूल्य राज्यलाई तिर्‍यातिर्‍यै गर्नुपर्ने–

बैंकमा हामीले आफैँलाई धितो राख्नुपर्ने / अस्पतालको बिल तिर्न नसक्दा अस्पतालकै छतबाट फाल हालेर आत्महत्या गर्नुपर्ने–

किड्नी बेचेर गुजारा चलाउनुपर्ने / बीच सडकमा पेट्रोल छर्केर आत्मदाह गर्नुपर्ने ।
पटक–पटक हामीले आफ्नै भाग्यको किरिया बस्नुपर्ने–

हामी त सर्वहारा, सधैँ–सधैँ हार्नुपर्ने / अनि हामीले नै पटक–पटक तिम्रो मृत सरकारको बर्खी बार्नुपर्ने–

हामी
बेसहारा
फगत सर्वहारा
हाम्रो कुनै नाम–थर छैन

तिम्रो
सरकारको
अब हामीलाई
अलिकति पनि भर छैन

तिम्रो सरकार मर्दा मलामी जाने
हामीलाई रत्तिभर
रहर छैन

हेलो,
प्राइम मोन्स्टर !
सुन्दै छौ ? हाम्रो आवाज सुन्दै छौ ?

या,
हामीमाथि
षड्यन्त्रको जाल बुन्दै छौ ?

०००

हामी त नादान–निमुखा जनता / मरता क्या नहीं करता ! तिमी नै त हौ, प्राइम मोन्स्टर, यो देशको कर्ताधर्ता–

हाम्रो भान्सामा नुन छैन / तिम्रो सत्तासित एयरपोर्टको सुनै–सुन छ / हाम्रो दुःख त के हो, के हो / कानुनले पनि तिम्रै कुरा सुन्छ–

हामी
रोजगार माग्छौँ
हाम्रै छातीमा तिमी गोली दाग्छौ

तिमीसित छाना–नाना, एक छाक
खाना माग्छौँ / बदलामा
तिमी हामीलाई नै
झ्यालखानामा
जाक्छौ

तिमीलाई घमण्ड छ बन्दुक र झ्यालखानामा / हामी पनि तिम्रो हिसाब–किताब राख्नेछौँ मनका सन्दुक र किताबखानामा–

पिर्नु पनि कति पिरेको / गिर्नुको पनि हद हुन्छ, कति गिरेको ! हेलो प्राइम मोन्स्टर, जुन जोगी आए पनि तिमीजस्तै कानै चिरेको–

हामी
लाचार बेरोजगार
पिउनलाई हामीसित जहर छैन

तिम्रो
सरकारको
अब हामीलाई
अलिकति पनि भर छैन

तिम्रो सरकार मर्दा मलामी जाने
हामीलाई रत्तिभर
रहर छैन

हेलो,
प्राइम मोन्स्टर !
सुन्दै छौ ? हाम्रो आवाज सुन्दै छौ ?

या,
अझै पनि/हामीमाथि
षड्यन्त्रको अर्काे जाल बुन्दै छौ ?

प्रकाशित मिति: शनिबार, पुस २८, २०८० १९:०७

कुमार नगरकोटी

प्रतिक्रिया दिनुहोस्

भर्खरै

नेपालले गुमायो पहिलो विकेट, अनिल साह ५ रन बनाएर आउट

अध्यादेश ल्याउन लागेकोमा कांग्रेसको आपत्ति

टी-२० सिरिज: वेस्ट इन्डिज ‘ए’ ले नेपाललाई दियो २०५ रनको लक्ष्य

कोशी प्रदेशका तराई जिल्लामा अचाक्ली बढ्यो गर्मी, दिउँसोमा घरबाहिर निस्कन कठिन

सेतो परेवा

लोकप्रिय

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

२५ अर्ब किलोमिटर टाढाबाट आयो पृथ्वीमा सन्देश, उत्साहित भए नासाका वैज्ञानिक

प्रचण्ड सरकारमा सहभागी हुँदै नाउपा, रञ्जितानिकट चौधरी मन्त्री बन्ने

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

एक जनमुखी प्रधानपञ्चको नाममा

शिक्षा

कक्षा १२ को परीक्षा आजदेखि, तीन लाख ९० हजार परीक्षार्थी सहभागी हुँदै

बालेनको प्रयाससँगै काठमाडौंका सामुदायिक विद्यालयमा आकर्षण, गुणस्तर धान्न भने चुनौती

डीएभी विद्यालयमा राग र तालमिश्रित सांस्कृतिक कार्यक्रम ‘तरङ्ग’ सम्पन्न