अरब तथा मुस्लिम मन्त्रीहरूको प्रतिनिधिमण्डल बेइजिङमा, गाजामा युद्धविराम गर्न आह्वान

अरब तथा मुस्लिम मन्त्रीहरूको प्रतिनिधिमण्डल बेइजिङमा, गाजामा युद्धविराम गर्न आह्वान

A+ A A-

अरब तथा मुस्लिम मन्त्रीहरू एक प्रतिनिधिमण्डल सोमबार बेइजिङ पुगेको छ । चिनियाँ विदेशमन्त्री वा यीसँगको भेटपछि अरब तथा मुस्लिम देशका मन्त्रीहरूले गाजामा तत्कालन युद्धविराम गर्न आह्वान गरेको छ । उनीहरूले शत्रुता अन्त्य गर्न भन्दै गाजामा मानवीय सहायतालाई अनुमति दिन मागसमेत गरेका छन् । इजरायल–हमास युद्ध अन्त्य गर्ने कूटनीतिक उपायको खोजीका लागि मन्त्रीहरूको टोली चीन पुगेको हो ।

सोमबार चीनका विदेशमन्त्री वाङ यीसँग साउदी अरेबिया, जोर्डन, इजिप्ट, इन्डोनेसिया, प्यालेस्टिनी अधिकारीहरू र इस्लामिक सहयोग संगठन लगायतका अधिकारीहरूले भेट गरेका छन् ।

साउदी विदेशमन्त्री प्रिन्स फैसल बिन फरहान अल साउदले भने, ‘हामी यहाँ स्पष्ट संकेत दिन आएका छौं, त्यो भनेको हामीले तुरुन्तै लडाइँ र हत्याहरू बन्द गर्नुपर्छ, हामीले गाजामा तुरुन्तै मानवीय आपूर्तिहरू पुर्‍याउनुपर्छ ।’

यस महिना रियादमा भएको असाधारण संयुक्त इस्लामिक–अरब शिखर सम्मेलनले प्यालेस्टाइन क्षेत्रमा इजरायलले गरिरहेको ‘युद्ध अपराध र मानवता विरुद्धको अपराध’को छानबिन गर्न अन्तर्राष्ट्रिय फौजदारी अदालतलाई आग्रह गरेको छ ।

साउदी अरेबियाले गाजामा शत्रुताको अन्त्यका लागि संयुक्त राज्य अमेरिका र इजरायललाई दबाब दिन खोजेको छ, र राज्यका वास्तविक शासक क्राउन प्रिन्स मोहम्मद बिन सलमानले त्यो सन्देशलाई सुदृढ पार्न अरब र मुस्लिम नेताहरूलाई भेला गरे ।