तिलोत्तमा लगानी सम्मेलनमा १६ अर्बको लगानी प्रतिबद्धता

A+ A A-

संघीय सरकारले गरेको लगानी सम्मेलनमा सहभागी भएर आयोजना गरेको तिलोत्तमा लगानी सम्मेलनमा १६ अर्ब रुपैयाँको प्रतिबद्धता छ । तिलोत्तमा नगरपालिकाले आयोजना गरेको लगानी सम्मेलनमा ५ अर्बको लगानी भित्र्याउने लक्ष्य भएपनि लगानी सम्मेलनमा दुईवटा परियोजनाका सम्झौता पत्रमा हस्ताक्षर भएको छ ।

स्वदेशी तथा विदेशी लगानी भित्र्याउने उद्देश्यले आयोजना गरिएको लगानी सम्मेलनमा युकेआइडीको सीप र रोजगार प्रर्बद्धन कोष तथा नेपाल बैकद्वारा प्रदान गरिने सहुलियत कर्जा परियोजनाको सम्झौता पत्रमा हस्ताक्षर गरिएको तिलोत्तमा नगरपालिकाका नगरप्रमुख वासुदेव घिमिरेले जानाकारी दिए ।

सम्मेलनका क्रममा ३० वटा परियोजनाका प्रस्ताव आएका मध्ये २४ वटाको आशयपत्र खोलिएको छ । बाँकी ६ वटाको आशय पत्र खोल्दा लगानीको प्रतिबद्धता बढ्ने अपेक्षा नगरपालिकाको रहेको छ ।

हस्ताक्षर भएका दुई परियोजनामा युकेआईडीको सिप र रोजगार प्रर्वद्धन कोष स्थापना तथा नेपाल बैकद्वारा प्रदान गरिने सहुलियत कर्जामा (महिला उद्यमशिलता, बिपन्न बर्ग कर्जा, सिमान्तकृत वर्गका लागि कर्जा, वैदेशिक रोजगारबाट फर्किएका युवाहरुलाई कर्जा, कृषि सामूहिक जमानी कर्जा) रहेको घिमिरेले जानकारी दिए ।

सम्झौता अनुसार नगरपालिकाको सिफारिसमा दिइने कर्जाको ब्याजदर दुई–दुई प्रतिशत मात्रै कायम गर्ने उल्लेख छ । सम्मेलनमा यी बाहेकका १० वटा परियोजनामा लगानीकर्ता र नगरपालिकाबीच लगानीको प्रारम्भिक सम्झौता भएको नगरपालिकाले जनाएको छ ।

यस्ता छन् लगानी प्रतिबद्धता भएका योजना
प्रारम्भिक समझदारी भएका परियोजनामा कृषि, पर्यटन, उद्योग लगायतका क्षेत्रमा लगानीको प्रतिबद्धता भएको छ ।

रिडी हाइडो पावर, अन्नपूर्ण एग्रो, स्मार्ट एएसी नेपाल, उत्तम एग्रो प्रोडक्सन, सन आउटडोर प्रा.लि. लगायतका कम्पनीले लगानी प्रतिबद्धता जनाएका छन् ।

तिलोत्तमा क्यान्सर अस्पताल, तिलोत्तमा रिङरोड रेल्वेजस्ता परियोजनामा समेत लगानीकर्ताले चाँसो देखाएका । त्यस बाहेक निजी क्षेत्रले विभिन्न २० परियोजना प्रस्ताव गरेका छन् ।

यस्तै द्वारिका उदय इन्टरटेनमेन्ट प्रा.लि.ले मिनी नेपाल नामक परियोजनाका लािग डेढ अर्बको प्रारम्भिक सम्झौता गरेको छ । बाटा रिर्सोट प्रा.लि.ले एक अर्ब ६० करोडमा होटल खोल्ने प्रारम्भिक सम्झौता गरेको छ ।

रिडी हाइड्रो पावर डेभलप्मेन्ट कम्पनीले सौर्य ऊर्जामा करिब ८० करोड लगानी प्रतिबद्धताको प्रारम्भिक सम्झौता गरेको छ । लियन क्राष्ट पोखराले लाउन्ड्री सर्भिस प्रोजेक्टमा पाँच करोड लगानी गर्ने प्रतिबद्धता जनाएको छ ।

प्रकाशित मिति: शुक्रबार, असोज १०, २०७६ २२:३७