भारतीय बसलाई चिनियाँ प्रमाणित नगर्दा सरुवा !

A+ A A-

भारतबाट ल्याइएका इलेक्ट्रिक बसलाई चीनबाट ल्याएको प्रमाणित गर्न नमान्दा सचिव कृष्णप्रसाद देवकोटाले आफू संस्कृति, पर्यटन तथा नागरिक उड्डयन मन्त्रालयबाट सरुवामा परेको दाबी गरेका छन् । गत वर्ष मन्त्रालयमा सरुवा भएर आएका देवकोटालाई अहिले युवा तथा खेलकुद मन्त्रालयमा पठाइएको हो ।

मन्त्रालयमा बुधबार बिदाइ कार्यत्रममा देवकोटाले इलेक्ट्रिक बसको दबाब नमान्दा आफू सरुवामा परेको पर्यटनमन्त्री रवीन्द्र अधिकारीकै सामुन्ने बताएकोसमाचार आजको कान्तिपुरले प्रकाशित गरेको छ । कसले दबाब दिएको भन्नेबारे उनले खुलाएनन् । सरकारले २ करोडमा खरिद गरेका बीवाईडी इलेक्ट्रिक बसलाई चीनबाट आयात गरिएको प्रमाणित नगरिदिएका कारण आफू सरुवामा परेको उनको भनाइ थियो ।

त्यस्तै कान्तिपुरले सुनकाण्डको शंकास्पद आदेश ः न्यायपरिषद् मौन शीर्षकमा अर्काे प्रमुख समाचार प्रकाशित गरेको छ । न्यायपरिषद्ले सुन तस्करी मुद्दामा शंकास्पद आदेश गरेको भनी उच्च अदालत विराटनगरका ८ न्यायाधीशमाथि प्रारम्भिक छानबिनपछि समिति नै गठन गरेर विस्तृत अनुसन्धान सुरु गरेको छ ।

दुई वर्षअघिको त्यस्तै घटनामा शंकास्पद आदेश गर्ने न्यायाधीशहरूले भने ‘उन्मुक्ति’ पाइरहेको समाचारमा छ । उनीहरूमाथि प्रारम्भिक छानबिनसमेत हुन सकेको छैन । ‘दुई वर्षअघि ३३ किलो सुनकाण्डमा भएको आदेश अहिलेको भन्दा कम छैन,’ सर्वोच्च अदालत स्रोतले भन्यो, ‘अनुसन्धानक्रममा पेस भएका प्रमाण न्यायाधीशले नदेख्ने, न्यायाधीशका यस्ता आदेश न्यायपरिषद्ले थाहा नपाउने अवस्था बनेको छ । यस्ता आदेशमाथि गम्भीरतासाथ छानबिन हुनुपर्छ ।’

कान्तिपुरले एडल्ट साइट खोल्न सरकारी इमेल शीर्षकमा पहिलो पृष्ठमा समाचार प्रकाशित गरेको छ । इमेल व्यवस्थापनसम्बन्धी निर्देशिका २०७५ भन्छ– सरकारी इमेलमा निजी कारोबार गर्न पाइन्न । तर भइरहेको छ ठ्याक्कै उल्टो । साइबर सुरक्षामा काम गर्ने एक कम्पनीले गरेको अध्ययनअनुसार एडल्ट र पोर्न वेबसाइटमा खाता खोल्न सरकारी इमेल प्रयोग भएको भेटिएको छ ।

वैकल्पिक ऊर्जा प्रवर्द्धन केन्द्र, नेपाल कृषि अनुसन्धान परिषद् ९नार्क०, आन्तरिक राजस्व विभाग, सशस्त्र प्रहरी बल, नेपाल टेलिकमका संस्थागत इमेल प्रयोग गरी एडल्ट र डेटिङ साइटमा प्रोफाइल तयार पारेको भेटिएको हो । सूचना प्रविधि सुरक्षामा कार्यरत कम्पनी ‘थ्र्रेटनिक्स’ले गरेको अध्ययनबाट सरकारी इमेलबाटै एडल्ट साइटमा प्रोफाइल बनाएको तथ्य फेला परेको हो ।

जसरी पनि अस्टे«लियोको दुष्परिणाम शीर्षकमा कान्तिपुरले सम्पादकीय लेखेको छ भने शासकको पाठशाला कुन शीर्षकमा श्रीकृष्ण अनिरुद्र गौतमले लेखेको लेख प्रकाशित छ ।

प्रकाशित मिति: शुक्रबार, फागुन १०, २०७५ १८:४९