प्रदेशको अधिकार खोसियो, संघीय सरकारविरुद्ध मुद्दा हाल्छौँ: कानुनमन्त्री श्रेष्ठ (अन्तर्वार्ता)

प्रदेशको अधिकार खोसियो, संघीय सरकारविरुद्ध मुद्दा हाल्छौँ: कानुनमन्त्री श्रेष्ठ (अन्तर्वार्ता)

A+ A A-

बागमती प्रदेशका आन्तरिक मामिला तथा कानुनमन्त्री गंगानारायण श्रेष्ठले संघीय सरकारविरुद्ध मुद्दा दायर गर्ने बताएका छन् । संघीय सरकारले प्रदेशका अधिकार कुण्ठित गरेकाले अदालत जाने तयारी गरेको उनले बताए ।

शिलापत्रसँगको कुराकानीमा मन्त्री श्रेष्ठले संघीयता ऐतिहासिक राजनीतिक कारणले आएको बताउँदै यसलाई बदनाम नगर्न चेतावनी दिए । दलहरूले नेता–कार्यकर्ता भर्ती गर्न संघीयता ल्याएको भन्नेहरूप्रति लक्षित गर्दै उनले भने, ‘यो देशको विशिष्टता, इतिहास र पहिचानको सामान्य जानकारी पनि नभएकाहरूले गरेको तर्कको कुनै तुक छैन ।’

‘समान अवसर, समान प्रतिनिधित्व र सम्मानका खातिर लामो समय केन्द्रीय सत्ताले गरेको उपेक्षाविरुद्ध संघीयता आएको हो । यसको अनर्गल प्रचार नगरियोस्,’ उनले भने । प्रयोग र अभ्यासका हिसाबमा नयाँ भएका कारण कतिपय कमजोरी भएको उनले बताए । ‘त्यसमा हामी मात्रै दोषी छैनौँ । संघीय सरकारका कारण पनि प्रदेशले गति लिन सकेको छैन,’ उनले भने ।

ganga shrestha1697366549.png

प्रदेशले आफ्नो प्राथमिकताका आधारमा योजना र कार्यक्रम बनाएको मन्त्री श्रेष्ठले बताए । बागमती प्रदेशले भर्खरै मात्र यो क्षेत्रको जनसांख्यिक बनोटलाई महत्त्व दिँदै तामाङ र नेपाल भाषालाई सरकारी कामकाजको भाषा बनाउने विधेयक पास गरेको पनि उनले जानकारी दिए ।

एक अर्को प्रंसगमा नेपाल समाजवादी पार्टीका नेतासमेत रहेका श्रेष्ठले माओवादीसँगको पार्टी एकता छिट्टै हुने बताए । पछिल्लो समय प्रचण्ड र बाबुराम भट्टराई एकताका निम्ति इच्छुक नदेखिएको हो भन्ने प्रश्नमा उनले भने, ‘अब उहाँहरूको कारणले एकता नहुने भन्ने हुँदैन । नेताका कारण पार्टी एकता वा विघटन हुने होइन । हामीले माओवादीसँग एकता गर्ने केन्द्रीय कार्यकारिणीबाटै निर्णय गरिसकेका छौँ ।’

हेर्नुस् मन्त्री श्रेष्ठसँग गरिएको भिडियो अन्तर्वार्ता :