जसरी निर्वाचन हुनुपर्ने हो, त्यसरी हुन नसकेकोमा तमाम कार्यकर्तामा चिन्ता छः कृष्णप्रसाद दाहाल [अन्तर्वार्ता]

जसरी निर्वाचन हुनुपर्ने हो, त्यसरी हुन नसकेकोमा तमाम कार्यकर्तामा चिन्ता छः कृष्णप्रसाद दाहाल [अन्तर्वार्ता]

A+ A A-

नेकपा एमाले बागमती प्रदेशको प्रथम अधिवेशनबाट अध्यक्षमा कैलाश ढुंगेल निर्वाचित भएका छन् । अध्यक्षमा ढुंगेलसँग प्रतिस्पर्धा गरेका कृष्णप्रसाद दाहाल २५७ मतले पराजित भए । ढुंगेल ६९६ मत ल्याएर अध्यक्षमा निर्वाचित हुँदा दाहालले ४३९ मत पाए ।

अध्यक्षमा पराजित भएपछि दाहालले कार्यक्षेत्रमा भेट हुने प्रतिबद्धता जनाएका छन् । उनले प्रणालीमार्फत एमालेलाई बलियो बनाउने अभियानमा सफल भएको दाबीसमेत गरे । निर्वाचन परिणामपछि दाहालसँग गरिएको कुराकानीः

पार्टीको पहिलो प्रदेश अधिवेशनमा अध्यक्षमा पराजित हुनुभयो । कस्तो लागिरहेको छ ?

यो हाम्रो आन्तरिक लोकतान्त्रिक प्रक्रिया हो । पार्टीमा विभिन्न कारणले समस्या उत्पन्न हुँदा यो अलिकति अवरुद्धको अवस्थामा थियो । त्यसलाई सुचारु बनाउने केही चुनौतीहरू थिए । ती चुनौतीहरूलाई पार गर्दै फेरि एउटा स्वस्थ लोकतान्त्रिक परम्परा, जुन हाम्रो असल परम्परा हो, त्योचाहिँ स्थापित भएको रूपमा लिएको छु मैले ।

बागमतीमा एमालेलाई कस्तो बनाउने योजनासहित निर्वाचनमा होमिनुभएको थियो ?

योजनाहरू धेरै नै थिए । यति मात्रै भन्न चाहन्छु कि बागमती प्रदेशमा पार्टीको काम खस्किएको अवस्था थियो । त्यो खस्किएको पार्टीको कामलाई अगाडि बढाउन हाम्रा सांगठनिक चुनौतीहरू थिए, पार्टी सदस्यहरूको सबलीकरण गर्नुपर्ने अर्को चुनौती थियो, ती सबल पार्टी सदस्यहरूलाई जनताको बीचमा पुर्‍याउनुपर्ने आवश्यकता थियो र आवश्यकता छ । तिनै सबै योजनासहित निर्वाचनको मैदानमा गएको थिएँ ।

सहमतिको धेरै प्रयासका बाबजुद तपाईं अध्यक्षमै लड्न किन अग्रसर हुनुभयो ?

अध्यक्षमा निर्वाचित हुनुभएका कैलाश ढुंगेल र म दुवै केन्द्रीय सदस्य हौँ । केन्द्रीय सदस्य भए पनि हाम्रो कार्यक्षेत्र सीमित नै हुन्छ । निकै मजबुत हुँदाहुँदै पनि गत चुनावमा हामी बागमती प्रदेशमा कमजोर भयौँ र तेस्रो स्थितिमा पुग्यौँ । यो चुनौतीलाई सामना गरेर बागमतीको कामलाई फेरि अगाडि बढाउन र हाम्रो विरासतलाई जोगाएर बागमतीमा एमालेलाई एक नम्बर पार्टी बनाउन म कस्सिएको थिएँ । ४ सय ३९ जनाभन्दा धेरै प्रतिनिधिहरूले मलाई भरोसा पनि गर्नुभयो ।

तर, विभिन्न कारणले गर्दा यसलाई सामान्य प्रक्रिया नै भनौँ भन्न त केही प्रश्नहरू पनि छन् मेरो मनमा, ती प्रश्नहरूको बिस्तारै उत्तरहरूको खोजी गर्दै जाऊँला । तर पनि कमसेकम प्रतिस्पर्धाको प्रणाली स्थापित भएको छ । यसले कार्यकर्ताको मनोबल उच्च बनेको छ । र, यसबाट पार्टी स्वस्थ प्रतिस्पर्धा हुँदा त्यस्तो केही समस्या त थिएन । केहीकेही समस्याहरू देखिए । ती समस्याहरू बिस्तारै हटाउँदै जानुपर्छ र एउटा निर्वाचनचाहिँ निर्वाचनजस्तो बनाउने जुन चुनौती छ, ती चुनौतीलाई पार गर्दै जानुपर्छ । यसले पार्टीलाई अरु मजबुत बनाउने कुरामा योगदान गर्छ भन्ने मलाई लाग्छ ।

पार्टी अध्यक्ष केपी शर्मा ओलीको सहमतिबाट अध्यक्ष चयन गर्ने योजनामा सहमत नभएकै कारण तपाईंलाई हराउन एउटा समूह नै परिचालित भएको कतिपयको आशंका छ, यो सत्य हो ?

अब यो कति सत्य हो कति होइन, म पनि खोजी गर्ने क्रममै छु । र, मलाई मतदान गर्नुहुने र नगर्नुहुने साथीहरूमा पनि यो कुरा केही आशंकाको रूपमा आएका छन् । केही जिम्मेवार नेताहरूबाट जुन स्वस्थ प्रतिस्पर्धाविपरीतका गतिविधिहरू भए, ती गतिविधिहरूलाई निगरानीमा पनि राखिएको छ । मैले अघि पनि भने प्रणालीमा सुधारको निम्ति एउटा कुरा हो ।

अर्को नेतृत्वमा पुगिसकेको हाम्रा केही पदाधिकारी तहका साथीहरूबाट समेत यस्ता स्वस्थ प्रतिस्पर्धा प्रतिकूलका जुन कुराहरू आएका छन् । त्यो नोटिसमा छ । म यति मात्रै अहिले भन्छु, जो यो निर्वाचनबाट जित्नुभयो, उहाँप्रति मेरो केही भन्नु छैन । मैले उहाँहरूलाई सफल कार्यकालको शुभकामना पनि दिइसकेको छु । म यही पार्टीको हितको निम्ति जहिले पनि रहनेछु । तर, निर्वाचन जसरी हुनुपर्ने थियो त्यसरी हुन नसकेकोमा मलाई मात्रै होइन, तमाम कार्यकर्तामा चिन्ता छ । त्यो चिन्ताको मैले उत्तरहरू खोज्नुपर्ने आवश्यकता छ ।

नवनिर्वाचित अध्यक्ष कैलाश ढुंगेललाई पार्टी अध्यक्षको गुटको नेता भन्ने चर्चा थियो, तपाईंचाहिँ कुन गुटको पर्नुभयो ?

हो, म त्यसकै उत्तरको खोजीमा छु ।

अध्यक्ष ओलीले किन सहमति मात्रै खोजिरहनुभएको छ ? पार्टीमा गुट जन्मिन्छ भन्ने चिन्ता हो ?

अध्यक्ष ओली कमरेडले नै भन्नुभयो भन्ने मलाई लाग्दैन । ओली कमरेडको नाममा अरु नै केही भइरहेको छ कि मैले यी समग्र कुराहरूको उत्तर खोज्नुपर्ने आवश्यकता जन्मिएको छ । यो अधिवेशनबाट असल पार्टी निर्माणको निम्ति ती समग्र उत्तरहरू चाहिन्छ, खोज्नुपर्छ र त्यो उत्तरपछाडि पार्टीलाई मजमुद बनाउने अभियानमा पनि लाग्नुपर्छ ।

अब कसरी अगाडि बढ्नुहुन्छ ?

प्रदेशमा पराजित भए पनि अझ धेरै जिम्मेवारीको महसुस गरेको छु । पार्टीभित्र उत्पन्न हुने यस्ता खालका समस्या समाधान गर्न मैले केही अनुभवहरू गरे । ती अनुभवहरूका आधारमा यो पार्टीलाई बलियो बनाउन मैले केही दायित्व महसुस गरेको छु । त्यो दायित्व पूरा गर्न सधैँ सकारात्मक ढंगले यो पार्टीलाई अगाडि बढाउन आफ्नो ठाउँमा क्रियाशील रहिरहनेछु ।

मतगणना सकिएपछि एमालेलाई प्रणालीमार्फत बलियो बनाउने अभियानमा सफलता मिलेको प्रतिक्रिया दिनुभएको थियो, के भन्न खोज्नुभएको ?

हामीले लोकतान्त्रिक जुन आन्तरिक प्रतिस्पर्धाको प्रणाली छ । त्यो प्रणाली हामीले स्थापित गर्दै सुरु त गर्‍यौँ तर, त्यसलाई परिमार्जन गर्ने क्रमचाहिँ हाम्रो छैन । निर्वाचन प्रणालीलाई स्वस्थ लोकतान्त्रिक प्रक्रियालाई कसरी अगाडि बढाउने भन्ने कुरामा हाम्रो असल पराम्परा बसेको छैन । प्रणाली व्यक्तिमा केन्द्रित भएर जाने र नोमिनेटेड प्रणालीचाहिँ हामीकहाँ अलि देखिन्छ ।

सिस्टम बलियो बनाएर गएनौँ भने कुनै पनि पार्टीको भविष्य अप्ठ्यारोमा जान्छ । त्यसैले त्यो प्रणाली बलियो बनाउने कुरामा, विधि बनाउने कुरामा र विधि विश्वासनीय विधि निर्माण गर्ने कुरामा हाम्रो ध्यान केन्द्रित हुनुपर्छ । पार्टीको ध्यान केन्द्रित हुनुपर्छ र महाधिवेशनहरूका ध्यान केन्द्रित हुनुपर्छ । हाम्रो वैधानिक व्यवस्था एकदमै विश्वासिलो भरपर्दो बनाउनका निम्ति यस्ता निर्वाचनहरू फलदायी हुन्छन् भन्ने विश्वासका आधारमा मैले त्यो कुरा भनेको हो ।

प्रकाशित मिति: आइतबार, असोज १४, २०८० २०:३०

नवीन तिमल्सिना

प्रतिक्रिया दिनुहोस्

भर्खरै

बझाङमा मतगणनाका लागि सर्वदलीय बैठक जारी

लगानी सहजीकरणसम्बन्धी अध्यादेश जारी

नेपालमा अवसर नै अवसर छन्, लगानी गर्नुस् : अध्यक्ष ढकाल

तेस्रो लगानी सम्मेलन सुरुः १ हजारभन्दा बढी विदेशी लगानीकर्ता सहभागी, ११३ वक्ताले सम्बोधन गर्ने

बझाङको मतपेटिका सदरमुकाम ल्याइयोः ११ बजे सर्वदलीय बैठक, १२ बजेदेखि मतगणना हुँदै

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

२५ अर्ब किलोमिटर टाढाबाट आयो पृथ्वीमा सन्देश, उत्साहित भए नासाका वैज्ञानिक

प्रचण्ड सरकारमा सहभागी हुँदै नाउपा, रञ्जितानिकट चौधरी मन्त्री बन्ने

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

एक जनमुखी प्रधानपञ्चको नाममा

शिक्षा

युवा विद्यार्थी लक्षित परिसंवाद गर्दै हिमालयन ह्वाइटहाउस स्कुल, एमाले अध्यक्ष ओली पनि सहभागी हुने

बौद्धिक पलायन रोक्न पाठ्यक्रम समय सान्दर्भिक बनाऔँ : प्रधानमन्त्री

कक्षा १२ को परीक्षा आजदेखि, तीन लाख ९० हजार परीक्षार्थी सहभागी हुँदै