'रेन्बो ग्यादरिङ' भन्दै रामारोशन जान लागेका ३५ देशका पर्यटक रोकिए, प्रशासन भन्छ– आयोजकसमेत थाहा नपाई कसरी अनुमति दिने ?

'रेन्बो ग्यादरिङ' भन्दै रामारोशन जान लागेका ३५ देशका पर्यटक रोकिए, प्रशासन भन्छ– आयोजकसमेत थाहा नपाई कसरी अनुमति दिने ?

बान्नीगढी जयगढ गाउँपालिकामा अलपत्र रहेका विदेशी पर्यटकहरू ।

A+ A A-

सुदूरपश्चिमको प्रसिद्ध पर्यटकीय गन्तव्यमध्ये एक हो, अछामको रामारोशन । उच्च पहाडी क्षेत्रमा रहेको यो पर्यटकीय क्षेत्र प्राकृतिक सौन्दर्यको रस्वादनका लागि उत्कृष्ट गन्तव्य हो । यहि पर्यटकीय क्षेत्रमा जान लाग्दा अहिले सयौँ विदेशी पर्यटकलाई अछाम प्रशासनले रोकेको छ ।

अछामको जयगढ र छोकखुट्टे क्षेत्रमा करिब २ सय जना विदेशी पर्यटक रोकिएको अछामका प्रमुख जिल्ला अधिकारी शरदकुमार पोखरेलले जानकारी दिए । 'यहाँ करिब दुई हजार विदेशी आउने कुरा छ । यति ठूलो संख्यामा एक महिनाभन्दा धेरै बस्ने बताउँदा हामीले सुरक्षाका दृष्टिकोणले चासो लिएका हौँ', उनले शिलापत्रसँग भने, ‘रामारोशन जानका लागि उनीहरूले अनुमति लिएकाे पनि पाइएको छैन । त्यसैले अहिले उनीहरूलाई हामीले रामारोशन जान रोकेका छौँ ।’

अमेरिका, यूरोप र भारतलगायत विभिन्न ३५ देशका दुई हजार पर्यटक रामारोशन क्षेत्रमा जान लागेका हुन् । उनीहरूलाई रामारोशन ल्याउन बुटवलका सुजन खनालले समन्वय गरेको जानकारी प्रशासनले पाएको छ । प्रजिअ पोखरेलले भने, ‘सामाजिक सञ्जालबाट आह्वान गरेर उनीहरू आएको भन्ने सुनिएको छ । सुजन खनालले उनीहरूलाई ल्याएको भन्ने छ ।’

यति ठूलो संख्यामा उनीहरू किन जान लागेका हुन् भन्ने प्रशासनलाई यकिन जानकारी छैन । तर, संगित र याेगाका लागि रेन्बो ग्यादरिङ भन्दै उनीहरू रामारोशन आएको बताएको प्रजिअ पोखरेलले बताए ।

उनले केन्द्रको कुनै निर्देशन नआई उनीहरूलाई रामारोशन जान दिनसकिने अवस्था नरहेको पनि बताएका छन् । प्रजिअ पाेखरेलले भने, ‘यहाँको अवस्थाबारे सबै कुरा लेखेर गृह मन्त्रालयलाई पठाएका छौँ । गृहले भनेअनुसार हुन्छ ।’ उनका अनुसार, रामारोशन गाउँपालिका र पर्यटन समितिले उनीहरूलाई रामारोशन क्षेत्रमा प्रवेश दिन अनुरोध गरेको छ ।

तर, सुरक्षा चुनौतीलगायतका विषय महत्वपूर्ण रहेको प्रजिअ पोखरेल बताउँछन् । उनले भने, ‘एक महिनासम्म बस्ने पर्यटकले आफैँ खाना बनाउने, टेन्टमा बस्ने कुरा छ । जंगलबाट दाउरा काट्ने कुरा होला । फोहोर व्यवस्थापनको कुरा होला । सुरक्षाको कुरा छ । हामीसँग प्रहरी जनशक्ति थोरै छ । यी सबै कुरा लेखेर गृह मन्त्रालयमा पठाएका छौँ ।’

अछामका प्रहरी उपरीक्षक (डीएसपी) सन्तोष पाठकले पनि सुरक्षा चुनौती देखिएकाले अहिलेलाई उनीहरूलाई रामारोशन जान रोकिएको बताए । उनले शिलापत्रसँग भने, ‘विभिन्न देशका नागरिक आउने कुरा छ । यति ठूलो संख्यामा मानिसहरू आउने कुराले सुरक्षाको कुरा हुन्छ ।’ स्थानीय प्रशासनले सुरुमा जानकारी नपाउँदा रामारोशन क्षेत्रमा अहिले करिब ६० जना विदेशी नागरिक पुगिसकेको बताइएको छ ।

गृह मन्त्रालयले याे भेलाकाे आयाेजक निश्चित हुनुपर्ने बताएकाे छ । गृह प्रवक्ता नारायणप्रसाद भट्टराईले शिलापत्रसँग भने, 'चारवटा विषयमा कम्प्रमाइज गर्न सकिँदैन । एक सुरक्षा, दुई फाेहाेर व्यवस्थापन, तीन निषेधित क्षेत्र, चार जिम्मेवारीकाे विषय । यी विषय बुझ्न मैले सीडीओ साबलाई भनेकाे छु ।' काेही आयाेजकले जिम्मेवारी लिए याे कार्यक्रम हुने अन्यथा राेक्नुपर्ने उनी बताउँछन् । अहिले रामाराेशन गाउँपालिका र पर्यटन विकास समितिले आफू आयाेजक हुने बताइरहेका छन् । 'आयाेजक र उद्देश्य प्रष्ट हुनुपर्छ । त्यसकाे जिम्मा काेही न काेहीले लिनैपर्छ', भट्टराईले भने ।

प्रकाशित मिति: सोमबार, असोज १, २०८० १७:१८

खेमराज थापा

प्रतिक्रिया दिनुहोस्

भर्खरै

हतियार इजाजतबारे छानबिन गर्न गठित समितिले गृहमन्त्रीलाई बुझाएकाे प्रतिवेदनमा के छ ?

कर्णाली प्रदेशसभाको अधिवेशन अन्त्य

शेखर कोइरालाको प्रश्न- राजनीतिक स्थायित्व नभएको देशमा कसरी लगानी भित्रिन्छ ?

आधुनिक युद्ध जित्न चिनियाँ सेनामा विशेष सैन्य युनिट (भिडियाे)

राष्ट्रिय बज्र फूल कन्ट्याक्ट कराँते वैशाख २४ देखि हुने

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

इलाम २ अपडेटः यस्तो छ प्रारम्भिक मतपरिणाम

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

शिक्षा

टेकस्पायर कलेजका विद्यार्थी अन्तर्राष्ट्रिय एक्सपोजरका लागि मलेसिया भ्रमणमा

युवा विद्यार्थी लक्षित परिसंवाद गर्दै हिमालयन ह्वाइटहाउस स्कुल, एमाले अध्यक्ष ओली पनि सहभागी हुने

बौद्धिक पलायन रोक्न पाठ्यक्रम समय सान्दर्भिक बनाऔँ : प्रधानमन्त्री