एमसीसीमा अमेरिकाले व्याख्यात्मक टिप्पणी मानेको छैन, कार्यान्वयन नहुन पनि सक्छः देव गुरुङ (भिडियोर्वार्ता)

एमसीसीमा अमेरिकाले व्याख्यात्मक टिप्पणी मानेको छैन, कार्यान्वयन नहुन पनि सक्छः देव गुरुङ (भिडियोर्वार्ता)

A+ A A-

नेकपा (माओवादी केन्द्र) का महासचिव देव गुरुङले वर्तमान सत्ता गठबन्धनमा कुनै समस्या नआएको बताएका छन् ।

‘सरकार शुसासनमा केन्द्रित छ, कांग्रेस शसंकित हुनुपर्दैन,’ शिलापत्रसँगको कुराकानीमा उनले भने, 'समाजवादी मोर्चा बनाएकोमा कांग्रेस पनि खुसी नै छ, मोर्चा सरकारको विरोध गर्न बनाएको होइन ।'

आफैँ सरकारको नेतृत्व गर्ने अनि आन्दोलन गर्छु भन्ने प्रधानमन्त्रीको भनाइ अराजक भएन र भन्ने प्रश्नमा उनले भने, ‘अहिले नै आन्दोलन गर्छु भनेको होइन नि ।’

समाजवादी मोर्चाले आफ्ना कार्यक्रम जनताको बीचमा लैजाँदा अरुलाई किन आपत्ती ?, गुरुङले प्रश्न गरे ।

अनि प्रधानमन्त्रीले जातीय राज्य दिन्छु भन्न हुन्छ त ? यसमा त कांग्रेस झस्किएको छ नि भन्दा उनले भने, कोशी राज्य नामाकरण बेठिक छ त्यो सच्याउनुपर्छ ।’

कांग्रेसका केही नेताहरू गठबन्धनको विरोधमा लागे पनि सभापति शेरबहादुर देउवाको गठबन्धनप्रति प्रतिबद्धता नै रहेको उनले बताए । कांग्रेस केही नेताले भने जस्तो उनीहरूका प्रति यो सरकारको कुनै पूर्वाग्रह नभएको उनले बताए । गलत भएको ठाउँमा राज्यले गर्ने अनुसन्धानलाई शंका गर्नुभन्दा सहयोग गर्नुपर्ने उनको सुझाव थियो ।

यो गठबन्धन शुसासन र विकासका लागि भएका कारण यसमा माओवादीको कसैप्रति कुनै दुराग्रह नभएको उनले बताए ।

‘सीआईबीलाई अनुसन्धानमा सहयोग गर्छु भन्ने माओवादीलाई तपाईंहरू पूर्वाग्रह राख्नुहुन्छ । सीआईबीले होइन भन्दा भन्दै पनि माओवादी भएकै कारण प्रक्राउ गर्नुपर्ने हो ?' उनको प्रश्न थियो ।

सुन काण्डमा माओवादी नेताहरू नै संलग्न भएको देखियो, सीआईबीले होइन, उच्चस्तरीय सयन्त्र बनाएर अनुसन्धान गरौँ भन्दा मान्नुभएन, यसले शंका गर्ने ठाउँ त छ नि भन्दा उनले भने, 'राज्यलाई विश्वास गर्नुहुन्न भने अब हरेक ठाउँमा संयन्त्र बनाएर जाने त ? सीआईबीको काम हेरौँ आवश्यक परे सम्यन्त्र बनाएर जाऊँला त भनेकै छ त ।’

उनले अमेरिकी सहायता परियोजना एमसीसी व्याख्यात्मक घोषणासहित पारित गरिए पनि अमेरिकाले व्याख्यात्मक घोषणालाई नमानेको पनि बताए । जसका कारण एमसीसी कार्यान्वयन नहुन सक्ने पनि उनको भनाइ छ ।

नेता गुरुङसँग गरिएको भिडियोवार्ताः