अपराधमा संलग्न माओवादी नेतालाई कारबाही हुन्छ: सुरेश आलेमगर (भिडियो अन्तर्वार्ता)

अपराधमा संलग्न माओवादी नेतालाई कारबाही हुन्छ: सुरेश आलेमगर (भिडियो अन्तर्वार्ता)

A+ A A-

नेकपा माओवादी केन्द्रका नेता तथा राष्ट्रियसभा सदस्य सुरेश आलेमगरले सबै पार्टीले अपराधलाई संरक्षण गर्छन् भन्ने कुरा गलत भएको बताएका छन् । शिलापत्रसँगको कुराकानीमा नेता मगरले नेकपा माओवादी केन्द्रमा केही नेताहरू अपराधमा संलग्न भएको स्वीकार गरे पनि त्यसलाई पार्टीले कारबाही गर्ने बताएका छन् ।

पार्टी अध्यक्ष प्रचण्डले आफैँमाथि अनुसन्धान गर भनिरहेका बेला माओवादीले अपराधलाई संरक्षण गर्छ भन्ने कुरा गलत भएको उनको भनाइ छ । पार्टीका नेताहरू सुनकाण्डमा संलग्न रहेको सार्वजनिक भए पनि त्यसको अन्तिम अनुसन्धान नभएको हुँदा आरोप लाग्दैमा कसैलाई अपराधी भन्न नमिल्ने बताए । यद्यपि, पार्टीका नेताहरूमा लोभ पलाएका कारण विवादमा पर्दै गएको उनले स्वीकार गरे ।

राजनीतिले नै देश चलाउने भए पनि अहिलेको राजनीति पूर्णतया प्रदूषित भएको उनको भनाइ छ । यसैगरी, केन्द्रीय अनुसन्धान ब्युरो (सीआईबी) का पूर्वप्रमुख हेमन्त मल्लले प्रहरीले अपराधको जरैसम्म पुगेर अनुसन्धान गर्न सक्ने बताए । उनले भने, ‘प्रहरी हरेक अपराध तथा अनियमितताको अनुसन्धान गर्न सक्षम छ तर राजनीतिक नेतृत्वले स्वतन्त्र अनुसन्धानमा सहयोग गर्नुपर्छ ।’

‘प्रधानमन्त्री भइसकेकालाई समेत बयान गराउने अवस्थामा नेपाल प्रहरी पुगेको छ । यो उसको सफलता हो,’ उनले भने । प्रहरी अधिकृत सरुवा गर्दा मन्त्रीले हस्तक्षेप गर्ने अवस्थामा आज गृहमन्त्रीलाई नै पक्राउ गर्नु प्रहरीको व्यावसायिक क्षमतामा सुधार आएको उनी बताउँछन् । मल्लले भने, ‘मूलतः राजनीतिक प्रणालीमा नै सुधार हुनुपर्‍यो, अपराधको कनेक्सन पावर र पहुँचसम्मै हुने भएकाले राजनीतिले त्यसलाई संरक्षण गर्नु भएन ।’