ब्रिक्स सम्मेलनमा जब चिनियाँ राष्ट्रपति सीका अनुवादकलाई ढोकामै यसरी बलपूर्वक रोकियो

ब्रिक्स सम्मेलनमा जब चिनियाँ राष्ट्रपति सीका अनुवादकलाई ढोकामै यसरी बलपूर्वक रोकियो

A+ A A-

दक्षिण अफ्रिकाको जोहानेसबर्गमा बिहीबार ब्रिक्स सम्मेलन समापन हुँदैछ । मंगलबारदेखि जारी ब्रिक्सको सम्मेलनमा भाग लिन चीनका राष्ट्रपति सी चिनफिङ पनि दक्षिण अफ्रिका पुगेका छन् ।

ब्राजिल, रुस, भारत, चीन र दक्षिण अफ्रिका सम्मिलित ब्रिक्स समूहले एकअर्काको शान्ति, सुरक्षा, विकास र सहयोगलाई प्रवर्द्धन गर्ने लक्ष्य राखेको छ ।

चीन दक्षिण अफ्रिकाको राम्रो आर्थिक साझेदार राष्ट्र हो । पहिलेजस्तै यसपटक पनि चिनियाँ राष्ट्रपति आफ्ना सुरक्षाकर्मी र अनुवादकसहित दक्षिण अफ्रिका पुगे । सीले अहिलेसम्म चिनियाँ भाषाबाहेक अन्य भाषा बोलेको सुन्न पाइएको छैन । अंग्रेजी भाषा बोल्न आए पनि विश्वकै दोस्रो आर्थिक राष्ट्र चीनका राष्ट्रपतिले अंग्रेजी नियोजित रूपमै बोल्दैनन् ।

यसपटक ब्रिक्सको एक बैठकमा भाग लिनका लागि सी आफ्ना अनुवादकसहित बैठकस्थल पुगेका थिए । तर दक्षिण अफ्रिकाका सुरक्षागार्डले ती अनुवादकलाई बलपूर्वक प्रवेशद्वारमै रोकेको देख्न सकिन्छ । भिडियोमा सीले आफ्ना अनुवादकलाई नदेखेपछि विरोध त गर्दैनन् तर उनी कतै हराएको जस्तो हाउभाउ देखाउँछन् ।

#XiJinping's translator stopped by South African Security officers from entering #BRICS main venue...Xi Jinping looks quite lost.
Seems he also has problem walking steadily.
His absence from yesterdays's key event also caused a lot of speculations. pic.twitter.com/T3WDVW6PiX

— Inconvenient Truths by Jennifer Zeng 曾錚真言 (@jenniferzeng97) August 23, 2023

हाल सीका अनुवादलाई प्रवेशद्वारमै रोकेको भिडियो निकै भाइरल भइरहेको छ । यस कार्यले चिनियाँ राष्ट्रपतिको अपमान भएको टिप्पणी भइरहँदा अन्यले सुरक्षागार्डलाई अनुवादबारे ज्ञान नहुँदा उनलाई रोकिएको बताइरहेका छन् ।

सीएनएनको रिपोर्टअनुसार चीनका राष्ट्रपति सीले मंगलबारको ब्रिक्स आर्थिक फोरममा विशेष सम्बोधन गर्ने कार्यक्रम थियो तर उनी त्यो कार्यक्रममा बिनाकुनै जानकारी अनुपस्थित भएका छन् ।

यो कार्यले ब्रिक्समा उपस्थित प्रतिनिधिहरू अचम्ममा परेका छन् । यद्यपि आफ्ना अनुवादकलाई ब्रिक्स सम्मेलनमा प्रवेश गर्न नदिएपछि मंगलबारको कार्यक्रममा सीले सम्बोधन नगरेको पनि टिप्पणी भइरहेको छ ।

प्रकाशित मिति: बिहीबार, भदौ ७, २०८० १४:०९