कसले मच्चायाे ‘महाप्रलय’ को हल्ला ?

A+ A A-

सन् २००० सुरु हुनै लाग्दा पृथ्वी ध्वस्त हुन लागेको खबर व्यापक भयो । त्यसपछि पनि सञ्चारमाध्यममा विभिन्न रिपोर्टको हवाला दिँदै पृथ्वी ध्वस्त हुने विभिन्न तिथिमितिहरू सार्वजनिक भइनै रहे । यद्यपि हालसम्म यस्ता सबै दाबीहरू गलत सावित हुँदै आएका छन् ।

तर फेरि एक पटक पृथ्वी ध्वस्त हुने आशंका बाहिर आएको छ । यो पटक कुनै धार्मिक नेता या जादूगरले यस्तो दाबी गरेका हैनन्, बरु सोधकर्ताले नै पृथ्वी ध्वस्त हुने दाबी अध्ययनका आधारमा गरेका हुन् ।

शोधकर्ताले करिब २५ करोड वर्षअघि पृथ्वीमा पहिलो पटक महाप्रलय भएको र त्यसपछि ६ पटक यस्तो भइसकेको बताएका छन् ।

शोधमा ६ पटक आएको प्रलयका कारण पृथ्वी जीवजन्तुविहीन बनिसकेको पनि पत्ता लागेको छ । अमेरिकाको न्यूयोर्क युनिभर्सिटीका प्राध्यापक मिशेल रेम्पिनोले शोधको रिपोर्ट पेश गरेकी हुन् ।

शोधको मुख्य विषय

रिपोर्टअनुसार सृष्टिको विनाशका कारणको जाँचपछि पृथ्वी पटकपटक जीवजन्तुविहीन बनेको निष्कर्षमा पुग्न सकिन्छ ।

सामूहिक विनाशका सबै घटना पर्यावरणीय उथलपुथलका कारण भएका थिए, जसअनुसार बाढी र ज्वालामुखी विस्फोटजस्ता घटनाका कारण पृथ्वीमा महाप्रलय भएको थियो ।

पछिल्लो शोधअनुसार ज्वालामुखी विस्फोटनपछि पृथ्वीका लाखौं किलोमिटरसम्म लाभा फैलिएको थियो र यसैका कारण जीवजन्तुको विनाश भएको थियो ।

यसअघि पृथ्वीमा पाँच पटक विनाश भइसकेको वैज्ञानिकको दाबी थियो । यसै कारण पृथ्वीमा केही जीवजन्तुका प्रजाति पूर्ण रूपमा विनाश भएका थिए ।

भूवैज्ञानिकले सामूहिक विनाशको यो अवधिलाई आर्डोविशियन (४४.३ करोड वर्षअघि), लेट डेभोनियन (३७ करोड वर्षपहिले) पर्मियन (२५.२ करोड वर्षपहिले) ट्रायसिक (२०.१ करोड वर्ष पहिले) र क्रेटेसियस (६.६ करोड वर्ष पहिले) मा बाँडेका छन् ।

शोधको अनुमान

शोधको रिपोर्टमा पृथ्वीमा बढ्दो तापमानका आधारमा सातौं पटक महाप्रलय हुनसक्ने उल्लेख गरिएको छ ।

जसमा अहिले नै केही जीवजन्तु लोप भइसकेको पनि उल्लेख गरिएको छ । शोधकर्ताले यस्तो अवस्था बनेपछि महाप्रलयका घटनाहरू भएको र फेरि पृथ्वीमा विनाश नजिकिएको दाबी गरेका छन् ।

हिस्टोरिकल बायाेलोजीमा प्रकाशित रिपोर्टमा २७.२ करोडदेखि २६ करोड वर्षदेखि लिएर २६ करोड वर्षपछि महाप्रलय हुन्छ ।

अब यो अवधि पूरा हुने समय भएको छ । यस्तो अवस्थामा फेरि महाप्रलय हुन सक्ने र त्यस समयमा सबैभन्दा बढी जमिन तथा महासागरीय क्षेत्र प्रभावित बनेको उनीहरूको दाबी छ ।

प्रकाशित मिति: मंगलबार, भदौ ३१, २०७६ २२:२७