चुनावी अन्तर्घातका कुराहरू केन्द्रीय समितिको लाइभमा होइन अर्कै हाइ सेक्रेट मिटिङमा गर्नुपर्छ- जीवन बहादुर शाही (अन्तर्वार्ता)

चुनावी अन्तर्घातका कुराहरू केन्द्रीय समितिको लाइभमा होइन अर्कै हाइ सेक्रेट मिटिङमा गर्नुपर्छ- जीवन बहादुर शाही (अन्तर्वार्ता)

A+ A A-

नेपाली कांग्रेसका मनोनीत केन्द्रीय सदस्य हुन् जीवनबहादुर शाही । कर्णाली प्रदेश सरकारको पूर्वमुख्यमन्त्रीसमेत रहेका शाहीले साउन २ गतेबाट जारी कांग्रेस केन्द्रीय समिति बैठकमा आफ्नो धारणा राखिसके । बैठकमा उनले प्रत्यक्ष प्रशारणले गर्दा आफूले राखेको कुरा हुम्लाको लिमी उपत्यकाबाट समेत कार्यकर्ताले फोन गरेर प्रतिक्रिया दिएको बताएका थिए ।

पूर्वमन्त्रीसमेत रहेका शाही संसदमा आफ्ना कुरा राख्दा प्रत्यक्ष प्रशारणमार्फत जनताले थाहा पाउने भए पनि पार्टी बैठकमा के कुरा राखेको कार्यकताले थाहा नपाउने बताउँछन् । जारी केन्द्रीय समिति बैठक प्रत्यक्ष प्रशारण भएपछि राजनीतिक रुपमा फाइदा रहेको उनले बताए । बैठकको सन्दर्भमा शाहीसँग शिलापत्रका दिपेन्द्र अधिकारीले गरेकाे कुराकानीको सम्पादित अंश :

कार्यकर्ता तहबाट प्रतिक्रिया आएको प्रसंगबाट बैठकमा सम्बोधन सुरु गर्नुभयो । कार्यकर्ताको प्रतिक्रियाबाट बन्द कोठाको बैठक र प्रत्यक्ष प्रशारणको बैठकमा के के फरक पाउनुभयो ?

पहिले र अहिलेको बैठकमा फरक छ । पहिला के भयो कसो भयो भन्ने चासो पनि राख्दैनथे । मिडियामा कसले के बोले हुबहु आउँथ्यो । लाइभ भैसकेपछि हुम्लाको लिमी उपत्यकाका साथीहरूले पनि राम्रो बोल्नुभयो, ठीक भयो भएन भन्ने प्रतिक्रिया तुरुन्तै दिएका छन् । समग्रमा के भैरहेको छ सबैभन्दा पुरानो पार्टीमा भनेर कार्यकर्ताले हेरिरहेका छन् । लाइभले पार्टी समयसापेक्ष भयो र दुर्गम क्षेत्रका मानिसहरूले पनि बुझ्न पाउने भयो । तुरुन्तै रियाक्सन आउने भयो ।

दोहोरो सञ्चार भएर कार्यकर्ताको प्रतिक्रिया पाउदा कस्तो लाग्यो र ?

एकदम राम्रो । आधुनिक विश्वमा कसैले लुकाएर केही राख्न सक्दैन । गुपचुप गरेजस्तो हुन्थ्यो अब दोहोरो सञ्चार भयो । अर्कोपटक बोल्दा यी कुराहरू नछुटुन् भनेर प्रतिक्रिया आउँछ । हिजोको दिनमा भित्र एउटा बोल्ने बाहिर अर्को बोल्ने हुन्थ्यो ।

पारदर्शी कुरा पनि भयो । प्रत्येक ठाउँका मानिसहरूले बुझ्ने भए । सही काम गर्नुपर्छ राम्रो काम गर्नुपर्छ । दुईजिब्रे हुनुहुन्न भन्ने कुरा लाइभले सिकायो ।

पारदर्शी त हुने भयो तर खुलेर बोल्न नपाएको गुनासो पनि उत्तिकै छ नि ?

आन्तरिक कुरा विस्तारै आउँला । यी कुराहरू आन्तरिक रुपमा बोल्ने यी कुरा बाहिर बोल्ने भन्ने पाठ सिक्नुपर्‍याे । बाहिर अर्को बोल्ने कुरा नियन्त्रणमा आयो । चुनावी अन्तर्घातका कुराहरू लाइभ बैठकमा होइन अर्कै हाइ सेक्रेट मिटिङमा गर्नुपर्छ । समग्रमा गर्दा लाइभ गर्नुपर्छ । आन्तरिक रणनीति र योजनाका कुराहरू गोप्य रुपमा गरिनुपर्छ । संवेदनशील कुराहरू लाइभ गर्नुहुँदैन । कस्तो बैठक लाइभ गर्ने कस्तो नगर्ने भन्ने कुराहरू आगामी दिनमा थाहा हुदैँ जाला । यो कुराहरू पब्लिक डकुमेन्ट हो ।

अरु पार्टीभन्दा डिजिटल रुपमा कांग्रेस अघि बढ्यो भन्ने दाबी आइरहँदा चुनावमा मतपत्र नै प्रयोग हुन्छ । अरु कुराहरू पनि परम्परागत छ । साँच्चै डिजिटल बनाउन के के गर्नुपर्छ ?

हामीले डिजिटलमा जान सुरु गर्‍याैँ । चुनावमा विद्युतीय भोटिङ मेसिन प्रयोग गर्नुपर्छ । पहिला हामीले विश्वास गरेका थिएनौं अब गर्नैपर्छ । क्यूआर कोडमार्फत भुक्तानी जहाँ पनि हुन्छ । हामी पनि विश्वसँगसँगै अघि जानुपर्छ । हरेक कुरामा डिजिटाइज गर्नुपर्छ । हामी ब्याक हुने अवस्था छैन । जहाँ जहाँ सुधार्नुपर्ने हो त्यहाँ सुधार्नुपर्छ । यसको विकल्प छैन ।

केन्द्रीय सदस्यहरूले उठान गर्ने विषयवस्तु प्रस्तुतिमा फरक आएको हो ? बैठकमा कस्ता कस्ता परिवर्तन आएका छन् ?

पदाधिकारीका एजेण्डा र प्रस्तावहरू आएकै छन् । लाइभ भैसकेपछि मान्छेले वाच गर्छन् । मैले बोलेको के हो ? गुणस्तर कस्तो छ भनेर बुझ्छन् । केन्द्रीय सदस्यहरूमा पुरुष कस्ता छन् ? महिला कस्ता छन् भन्ने कुराहरू त आउँछन् । कस्ता विषयवस्तुलाई उठाए त्यो सान्दर्भिक थियो कि थिएन भनेर तुरुन्तै मूल्याकंन हुन्छ । यो कुरामा अध्ययनशील हुनुपर्छ बन्द कोठामा बोलेको जस्तो हुँदैन ।

एकातिर अनुशासन भएन । अनुशासन समितिले काम गरेन भनिन्छ । अर्को तिर अनुशासन समितिको कामलाई मात्र ध्यान दिएर कारबाही गरियो भनिन्छ । यस्ता कुराहरू आए । एग्रेसिभ्ली भन्ने कुरामा फरक छ । एजेण्डा त राखेकै छन् ।

जथाभावी बोल्न हुँदैन विरोध गर्दा पनि सभ्य भाषामा बोल्नुपर्छ भन्ने भयो । चर्का कुरा गरेर ठूलो आवाजमा बोल्दैमा नेता भइँदैन । तार्किक र बौद्धिक कुरा गर्नुपर्छ भन्ने दबाब भयो ।

पार्टीका केन्द्रीय सदस्यसँगसँगै अरु पार्टीबाट कस्तो प्रतिक्रिया आएको छ ?

महिला, जनजाती भन्ने समावेशी कुरा कांग्रेसले ल्यायो । यसले अरु पार्टीलाई पनि दबाब दियो । अरु पार्टीलाई हामी एड्भान्स लेभलमा छौं भन्ने थियो । कांग्रेसले लाइभ गरेपछि अरु पार्टीलाई पनि दबाब परेको छ ।

हाम्रो पार्टीमा पदाधिकारी, कार्यसम्पादन समिति, केन्द्रीय समितिलगायत विभिन्न फोरममा छलफल हुन्छ । कार्यसम्पादन र पदाधिकारी बैक पनि लाइभ हुने हो कि होइन भन्ने कुरा छ । सार्वजनिक रुपमा भाषण गर्नु र रणनीति बनाउन फरक कुरा हो । कतिपय सदस्यहरूमा यो बेकारको कुरा हो । पार्टीको आन्तरिक कुरा लाइभ गरेर केही हुँदैन भन्ने पनि छ ।

अहिलेको फरक तरिकाले भैरहेको केन्द्रीय समिति बैठकले तपाईंलाई कुन रुपमा फाइदा दिइरहेको छ ?

कर्णालीबाट म काठमाडौं आउँदा, आयो गयो भन्ने मात्र हुन्थ्यो । कहाँ गएको भन्दा काठमाडौंमा केन्द्रीय समितिमा गएको के बोल्यो के भयो भन्ने हुन्थ्यो । हरेक व्यक्तिलाई यो बोलेँ भन्ने जवाफ दिनुपर्ने थियो । अब त त्यस्तो छैन ।

हिजो हाउसमा बोल्दा के के कुरा राखेको भन्ने त थाहा हुन्थ्यो । पार्टी बैठकमा के कुरा राख्यो भन्ने थाहा हुँदैनथ्यो । अहिले पार्टीमा के बोल्ने रहेछ भन्ने थाहा भयो । पार्टीभित्र पनि एक समूहमा झुकाव राख्ने होला तर, पार्टीभित्र मेरो समस्या राख्यो कि राखेन भन्ने कार्यकर्ताले पनि बुझ्ने मौका पाएकाले फाइदा भयो ।

गठबन्धन गर्दा यो ठाउँमा अप्ठ्यारो पर्‍याे भन्ने कुरा बोल्न पाइँदैन । गठबन्धन गरेर जान हुँदैन भन्ने पनि थियो । अहिले त गठबन्धन गरेको कारणले जितेको देखिन्छ । नयाँ प्रणालीमा काम गर्दा नकरात्मक पक्षसँगै कमजोरी पनि हुन्छ ।

प्रकाशित मिति: शनिबार, साउन ६, २०८० १७:२७

दिपेन्द्र अधिकारी

प्रतिक्रिया दिनुहोस्

भर्खरै

लुक्लामा हवाई उडान प्रभावित हुँदा पर्यटकहरू समस्यामा

६९ हजार मत खसेको इलाममा मतगणनाको तयारी

लगानी सम्मेलनः विगतको तुलनामा यसपटक फरक के ?

सङ्खुवासभामा आगलागीबाट १९ लाख बढीको क्षति

मुख्यमन्त्री कार्यालयमा कार्यरत बलात्कार आरोपित उपसचिव फरार

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

२५ अर्ब किलोमिटर टाढाबाट आयो पृथ्वीमा सन्देश, उत्साहित भए नासाका वैज्ञानिक

प्रचण्ड सरकारमा सहभागी हुँदै नाउपा, रञ्जितानिकट चौधरी मन्त्री बन्ने

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

एक जनमुखी प्रधानपञ्चको नाममा

शिक्षा

कक्षा १२ को परीक्षा आजदेखि, तीन लाख ९० हजार परीक्षार्थी सहभागी हुँदै

बालेनको प्रयाससँगै काठमाडौंका सामुदायिक विद्यालयमा आकर्षण, गुणस्तर धान्न भने चुनौती

डीएभी विद्यालयमा राग र तालमिश्रित सांस्कृतिक कार्यक्रम ‘तरङ्ग’ सम्पन्न