२९ वर्षीय दिनेश खड्काले वनएक्स बेटमार्फत गरेका थिए ७४ करोडको कारोबार, पक्राउ गर्न पुगेको प्रहरी टोलीमाथि नै हातपात

२९ वर्षीय दिनेश खड्काले वनएक्स बेटमार्फत गरेका थिए ७४ करोडको कारोबार, पक्राउ गर्न पुगेको प्रहरी टोलीमाथि नै हातपात

A+ A A-

प्रहरीले ‘वनएक्स बेट’ सट्टेबाजी र अवैध क्रिप्टो करेन्सी कारोबारमा संलग्न पाँच जनालाई पक्राउ गरेको छ । उपत्यका अपराध अनुसन्धान कार्यालयको टोलीले उनीहरूलाई जोरपाटी नयाँबस्तीबाट पक्राउ गरेको हो ।

पक्राउ पर्नेमा कैलाली लम्कीचुहा– १० का २९ वर्षीय दिनेश खड्का, काभ्रे पाँचखालकी अनिता धिताल, भक्तपुर मध्यपुर ठिमी– ४ का २७ वर्षीय दिनेश श्रेष्ठ, कञ्चनपुर भीमदत्त नगरपालिका–१८ का २५ वर्षीय दिनेश चन्द र नुवाकोट ककनी गाउँपालिका– ७ का २४ वर्षीय आशिष लामिछाने छन् ।

विदेशी वनएक्स बेट कम्पनीमार्फत नेपालमा अवैध सट्टेबाजी कारोबार गरेको खुलेपछि उनीहरू पक्राउ परेका हुन् । पक्राउ परेकाहरूमध्ये दिनेश खड्का मुख्य योजनाकार रहेको खुलेको प्रहरीले जनाएको छ ।

प्रहरीको अनुसन्धानबाट खड्काले रामविलास थारू, तेजबहादुर कठायत खड्का, नवीन चौधरी, अनिता धितालसहित ६३ जनाको कागजातबाट विभिन्न बैंकमा खाता खोलेर कारोबार गरेको खुलेको छ ।

हाल खड्काले विभिन्न १२ वटा बैंकमा रहेका खातामार्फत ६४ करोडबराबरको कारोबार गरेको देखिएको उपत्यका अपराध अनुसन्धान कार्यालयका प्रमुख एसएसपी मनोज केसीले बताए ।

त्यस्तै, दीपेश श्रेष्ठको विभिन्न नम्बरबाट खाता खोलेको ई–सेवा आईडीमार्फत ५९ लाख २९ हजारको कारोबार गरेको देखिएको छ । त्योबाहेक उनको विभिन्न बैंक खातामार्फतसमेत कारोबार भएको देखिएको छ ।

प्रहरीका अनुसार उनीहरूले विभिन्न खेल र पछिल्लो समय भएको भारतीय आईपीएल लिग क्रिकेटमा ठूलो संख्यामा बेटिङ गरेको जनाएको छ ।

प्रहरीले खड्काको समूहले हालसम्म ७४ करोड १३ लाख ९६ हजारको कारोबार गरेको खुलेको छ । उसो त हाल पक्राउ परेका दिनेश खड्का र उनकी केटी साथी अनिता धितालविरुद्ध ११ माघ २०७८ मा अनलाइनमार्फत अमेरिकी डलरको अवैध कारोबार गरेको अभियोगमा राजस्व अनुसन्धान विभागले मुद्दा दायर गरेको थियो ।

विभागले खड्का परिवारविरुद्ध ३७ करोड ६४ लाख ११ हजार १ सय रुपैयाँबराबरको विगो दाबी गर्दै मुद्दा दायर गरेको थियो । सो प्रकरणमा उनी धरौटीमा छुटेका हुन् ।

प्रहरीमाथि नै हातपात

उपत्यका अपराध अनुसन्धान कार्यालयको टोली मंगलबार साँझ दिनेश खड्का बस्दै आएको जोरपाटी नयाँबस्तीको एक घरमा पुगेको थियो । त्यहाँ खड्काले बेटिङ तथा अवैध क्रिप्टो करेन्सी कारोबार गर्न प्रयोग गर्ने ल्यापटपदेखि विभिन्न ब्रान्डका मोबाइल फोन, सीमकार्डहरू भेटिएका थिए ।

प्रकाउ गर्न पुगेको प्रहरी टोलीमाथि नै खड्काले हातपात गरेका थिए । सो क्रममा एक प्रहरी सहायक निरीक्षक घाइते नै भएका थिए ।

अनुसन्धानमा खटिएका एक प्रहरी अधिकारीले भने, ‘खड्काले पक्राउ गर्न पुगेको हाम्रो टोलीमाथि नै हातपात गरे । खड्काले अवैध कारोबारमा प्रयोग गरेको ल्यापटपले असइलाई प्रहार गर्दा उनी घाइते हुन पुगे ।’

प्रहरीका अनुसार उनले प्रमाण नष्ट गर्ने उद्देश्यले मोबाइल र ल्यापटप फोड्न खोजेका हुन् । प्रहरीले पछिल्लो समय बेटिङमार्फत ठूलो मात्रामा रकम हारजित गर्ने उद्देश्यले अवैध कारोबार भइरहेको दाबी गरेको छ ।

हाल पक्राउ परेका खड्कासहितको समूहबाट प्रहरीले ३७ लाख रुपैयाँ नगद, विभिन्न कम्पनीका मोबाइल फोन, ल्यापटप, एटीएम कार्ड तथा विभिन्न बैंकका चेकबुकहरू बरामद गरेको छ ।

पक्राउ परेकाहरूमाथि प्रहरीले थप अनुसन्धान जारी रहेको बताएको छ ।

प्रकाशित मिति: बुधबार, जेठ ३१, २०८० १८:२७

कृष्णसिंह लाेथ्याल

प्रतिक्रिया दिनुहोस्

भर्खरै

कांग्रेस गृहमन्त्रीलाई संसदमा बोल्न दिनुपर्छ भन्ने ठाउँमा आएको रास्वपाकाे दाबी

कांग्रेसलाई एमालेको जवाफ- व्यक्तिलक्षित संसदीय समिति बनाउन सम्भव छैन

गृहमन्त्री लामिछानेमाथि छानबिन गर्न संसदीय समिति बनाउनुपर्ने कांग्रेसको अडान कायम

सरकारी डाक्टरहरूलाई स्वास्थ्य मन्त्रालयको चेतावनी- बिदा लिएर निजी अस्पतालमा काम गर्न गए कारबाही हुन्छ

संसदमा बाेल्न पाउँ भन्दै गृहमन्त्री रवि लामिछानेले सभामुखलाई लेखे पत्र

लोकप्रिय

केपी ओलीलाई शेखर काेइरालाकाे प्रस्ताव- पहिले तपाईं प्रधानमन्त्री हुनुस्, त्यसपछि मलाई बनाउनुस्

सत्ता गठबन्धनमा माधव नेपालको कचकचलाई एमालेले सुदूरपश्चिमबाट फर्काएकाे जवाफ

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

जसपा विभाजनसँगै वैकल्पिक गठबन्धनको च्याप्टर क्लोज, अब के गर्छ कांग्रेस ?

विचार

स्थानीय तहमा योजना तर्जुमा पद्धत्ति र प्रवृत्ति

वाम से रामः इलाम र बझाङकाे उपचुनावले कम्युनिस्टको पश्चिम बङ्गाल यात्रामा अस्थायी विरामकाे संकेत

को थिए जनमतसङ्ग्रहका हिरो ? (भिडियो)

ब्लग

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

शिक्षा

संस्कृत विश्वविद्यालयमा सञ्चारमन्त्री शर्मालाई शिक्षाविद्को कोटा, एमाले र माओवादीबीच भागवण्डा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि