भूपेन्द्र बडुवाल हत्याकाण्डका अभियुक्तहरूको कारागारभित्र रजगज, भित्रै हुन्छ खैरो हिरोइनसम्मको कारोबार (भिडियोसहित)

भूपेन्द्र बडुवाल हत्याकाण्डका अभियुक्तहरूको कारागारभित्र रजगज, भित्रै हुन्छ खैरो हिरोइनसम्मको कारोबार (भिडियोसहित)

A+ A A-

कारगारभित्र कैदीबन्दीहरूबीच झगडा भएपछि जिल्ला कारागार कैलालीले एकैसाथ ठूलो संख्यामा कैदीबन्दीहरूको सरुवा गरेको छ । कैलाली कारागारले कैदीबन्दीहरूलाई वीरगञ्ज, झुम्का र चितवन कारागारमा सारेको हो ।

कारगारभित्र कुटपिटको घटनामा संलग्नमध्ये केहीलाई मात्रै सरुवा गरिएको छ । कारागार स्रोतका अनुसार कैदी खगेन्द्र बममाथि कुटपिट भएको थियो । बमलाई सरुवा गरिएको छ तर बममाथि हातपात गर्नेलाई भने सरुवा गरिएको छैन । जेलर पदम तिमल्सिनाले योजनाबद्ध रूपमा सरुवा गरेको आरोप लागेको छ ।

कारागार स्रोतका जेलर तिमल्सिनाले २४ जना कैदीको सरुवा गर्ने प्रयास गरेकोमा अहिलेसम्म १६ जना मात्रै सरुवा भएका छन् । शिलापत्रसँगको कुराकानीमा तिमल्सिनाले २४ जनाको सरुवाका लागि विभागमा पत्र लेखेको भए पनि १६ जनाको मात्रै स्वीकृत भएको बताए । तिमल्सिनाका अनुसार बममाथि कुटपिट गर्ने कैदीलाई भने सरुवा नगरेर कानुनी प्रक्रिया सुरु गरेको दाबी गरे ।

त्यसरी कारागार सरुवा हुनेहरूमा गणेश भट्ट, पुष्प साउद, तोयनाथ बडू, खगेन्द्र बम, सुवाभ चन्द, दिवेश गुप्तासहित १६ जना छन् । कैलाली कारागार स्रोतका अनुसार, टीकापुरका भूपेन्द्र बडुवाल हत्याकाण्डका अभियुक्तहरूसँगको मिलोमतोमा जेलर तिमल्सिनाले उनीहरूको सरुवा गरेका हुन् ।

कारागार स्रोतका अनुसार, बडुवाल हत्या अभियोगमा पुर्पक्षका लागि जेल चलान भएका नवीन रावल, अशोक रावल, महेश रावल, विकास शेरचन, विकास खड्कासहितको समूहले जेलर तिमल्सिनालाई प्रभावमा पारेर उनीहरूको सरुवा गराएका हुन् ।

तर, जेलर तिमल्सिनाले आफूमाथि लगाइएको आरोप निराधार रहेको बताए । ‘मैले शान्ति सुरक्षाको हिसाबले केही कैदीहरूलाई स्थानान्तरणका लागि विभागलाई २४ जनाको सिफारिस गरेको हो तर, १६ जनाको सरुवा भएको छ,’ तिमल्सिनाले भने ।

हाल सरुवा गरिएका कैदीहरूमध्ये केही कारागारभित्र चमेनागृह सञ्चालन गरिरहेका कैदीबन्दीहरू छन् । एक्कासि उनीहरूको सरुवा हुँदा मारमा परेको गुनासो कैदीबन्दीका आफन्तहरू बताउँछन् । हाल सरुवा भएका एक कैदीका आफन्तले भने, ‘हाम्रो मान्छे जेलभित्र दैनिक गुजाराका लागि सामान्य व्यवसाय चलाउँथे । व्यवसाय गर्दा धेरै समान उधारोमा छन् । त्यो कसरी व्यवस्थापन गर्ने ? हाम्रो मान्छेलाई बिनाकारण सरुवा गरिएको छ ।’

२३ कात्तिक २०७८ मा लम्कीचुहा नगरपालिका–१ का २२ वर्षीय बडुवालको धारिलो हतियार प्रयोग गरी टीकापुरमा हत्या भएको थियो । घटनामा संलग्नता रहेको भन्दै जिल्ला अदालतमा प्रहरीले २१ जनाविरुद्ध मुद्दा दायर गरेको थियो । जसमध्ये १६ जना कारागार चलान भएका थिए ।

कारागारभित्रै लागुऔषध कारोबार

कारागार स्रोतका अनुसार भूपेन्द्र हत्याका अभियुक्तहरूसहितको समूहले कारागारभित्रै अवैध कारोबारसमेत गर्ने गरेको खुलेको छ । उक्त अवैध कारोबार नियन्त्रणमा जेलर तिमल्सिना असफल भएको पनि आवाज उठिरहेको छ । स्राेतकाे दाबीमा कैलाली कारागारभित्र लागुऔषधको कारोबार भइरहेकाे छ । शिलापत्रलाई प्राप्त भिडियोअनुसार कारागारभित्रै लागुऔषध खैरो हिरोइनको कारोबार हुने गरेको देखिन्छ ।

भिडियोमा देखिएका एक अर्धनग्न युवाले लागुऔषध बिक्रीपछि नगद कारोबार गरेको देखिन्छ । कारागारभित्र हरेकजसो कैदीसँग मोबाइल फोन देखिन्छ । कानुनत: कारागारभित्रका कैदीलाई मोबाइल राख्न प्रतिबन्ध हुन्छ । तर, कैलाली कारागारका कैदीहरूले भने कारागारभित्रबाट अवैध कारोबार गर्न मोबाइल फोन प्रयोग गर्ने गरेका छन् ।

जेलर तिमल्सिनाले समेत कारागारभित्र अवैध काम हुने गरेको तथ्यलाई अस्वीकार गर्न सकेनन् । उनले भने, ‘मैले पनि विभिन्न व्यक्तिहरूबाट अवैध क्रियाकलाप हुन्छ भन्ने सुनेको छु । तर, हामीले भित्र खोजतलास गर्दा केही भेटिएको छैन ।’

प्रकाशित मिति: मंगलबार, जेठ ३०, २०८० २०:०५

कृष्णसिंह लाेथ्याल

प्रतिक्रिया दिनुहोस्

भर्खरै

बझाङमा चट्याङ लागेर चार जना घाइते

सगरमाथा आरोहण गर्न चार सय १४ जनाले लिए अनुमति

गण्डकीमा विश्वासको मत असंवैधानिक भएको भन्दै सर्वोच्चमा रिट, बिहीबार पेसी

घटना घटाइएकाे दाबी गर्दै सन्दीपले लेखे– म त फसेँ बाेलेकै भरमा, अरु कोही नफसोस्

२०४७ यताका सबै भ्रष्टाचारकाे छानबिन माग्ने रास्वपा सहकारी प्रकरणमा किन डरायाे ?

लोकप्रिय

केपी ओलीलाई शेखर काेइरालाकाे प्रस्ताव- पहिले तपाईं प्रधानमन्त्री हुनुस्, त्यसपछि मलाई बनाउनुस्

सत्ता गठबन्धनमा माधव नेपालको कचकचलाई एमालेले सुदूरपश्चिमबाट फर्काएकाे जवाफ

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

जसपा विभाजनसँगै वैकल्पिक गठबन्धनको च्याप्टर क्लोज, अब के गर्छ कांग्रेस ?

विचार

स्थानीय तहमा योजना तर्जुमा पद्धत्ति र प्रवृत्ति

वाम से रामः इलाम र बझाङकाे उपचुनावले कम्युनिस्टको पश्चिम बङ्गाल यात्रामा अस्थायी विरामकाे संकेत

को थिए जनमतसङ्ग्रहका हिरो ? (भिडियो)

ब्लग

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

शिक्षा

संस्कृत विश्वविद्यालयमा सञ्चारमन्त्री शर्मालाई शिक्षाविद्को कोटा, एमाले र माओवादीबीच भागवण्डा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि