अमेरिकाबाट अवैध रकम भित्र्याउने प्रकरणमा जोडिएकी थिइन् सानु भण्डारीकी श्रीमती अञ्जना, पृथ्वी शाह व्यापारिक साझेदार

अमेरिकाबाट अवैध रकम भित्र्याउने प्रकरणमा जोडिएकी थिइन् सानु भण्डारीकी श्रीमती अञ्जना, पृथ्वी शाह व्यापारिक साझेदार

A+ A A-

नेपालीलाई नक्कली भुटानी शरणार्थी बनाएर अमेरिका पठाउने धन्दामा संलग्न आरोपित सानु भण्डारीको परिवारको ‘धन्दा कनेक्सन’ पृथ्वीबहादुर शाहसँग पनि जोडिएको छ ।

अमेरिकाबाट अवैध रूपमा नेपालमा पैसा ल्याउने प्रकरणमा मुछिएका शाहसँग भण्डारीकी श्रीमती अञ्जना रजक भण्डारीको व्यापारिक कनेक्सन देखिएको हो । प्रहरी स्रोतका अनुसार शाह र रजकको संयुक्त लगानीको कम्पनी पनि रहेको छ । सोही कम्पनीबाट उनीहरूले अन्य धन्दा चलाएको हुन सक्ने प्रहरी स्रोतको भनाइ छ ।

शाहले स्रोत नखुलेको ४० करोड रुपैयाँ अमेरिकाबाट नेपाल भित्र्याउन लागेपछि विवादमा तानिएका थिए । उक्त रकमको स्रोत खुलाउन नसकेपछि राष्ट्र बैंकले शाहको रकम रोकेको थियो । उक्त रकम खुलाउन तत्कालीन अर्थमन्त्री जनार्दन शर्माले शाहका लागि अर्थमन्त्रीको हैसियतमा राष्ट्र बैंकमाथि दबाब बढाएका थिए ।

तिनै शाहसँग सानु भण्डारीकी श्रीमती अञ्नना रजक भण्डारीको व्याापरिक सम्बन्ध खुलेको छ । शाहले नेपालमा विभिन्न कम्पनी खडा गरेर नेपालमा अवैध रकम भित्र्याएको खुलेको थियो । आर्थिक अपराधमा सानु भण्डारीकी श्रीमती अञ्जना रजक भण्डारीसमेत जोडिएको प्रहरी स्रोतको भनाइ छ । भण्डारी र शाहको संयुक्त रूपमा सञ्चालन गरेका वर्ल्ड फस्ट होलिडे प्रालिमार्फत् उनीहरूले अवैध रकम कारोबार गरेको खुलेको हो ।

हाल अञ्जना प्रहरीको फरार सूचीमा छिन् । उनीमाथि समेत प्रहरीको केन्द्रीय अनुसन्धान ब्युरो (सीआईबी)ले संगठित अपराध मुद्दा चलाएको थियो । प्रहरी उच्च स्रोतका अनुसार सानु भण्डारीसहितको टिमले अवैध सुनको कारोबारसमेत गर्ने गरेको पाइएको छ ।

अमेरिकाबाट अवैध ४० करोडभन्दा बढी रकम नेपाल भित्र्याएका अछामका शाह प्रहरीको केन्द्रीय अनुसन्धान ब्युरो (सीआईबी) ले २२ पुस २०७९ मा पक्राउ गरेको थियो । हाल उनी पुर्पक्षका लागि जेल चलान भएका छन् । शाहविरुद्ध अमेरिकी फाइनान्सियल क्राइम इन्फोर्समेन्ट नेटवर्कले नेपाल राष्ट्र बैंकलाई पत्राचार गरेको थियो । सो प्रकरणबारे अनुसन्धान गरेको सीआईबीले उनले अवैध रकम नेपाल भित्र्याएको पुष्टि भएपछि पक्राउ गरेको थियो ।

एक अनुसन्धान अधिकारीका अनुसार भण्डारीको समूहले अवैध सुनको समेत कारोबार गरेको आशंका छ । ती अधिकारीले भने, ‘यसबारे थप अनुसन्धान गर्दैछौँ ।’ शाहसहित भण्डारीकी श्रीमती अञ्जनामाथि सम्पत्ति शुद्धीकरण विभागले समेत हाल अनुसन्धान गरिएको छ । प्रहरीका अनुसार सानु भण्डारीकी श्रीमती र पृथ्वी शाहले संयुक्त रूपमा विभिन्न ठाउँमा जग्गा खरिद गरेका छन् ।

नक्कली भुटानी शरणार्थी बनाएर अमेरिका पठाउने प्रकरण जिल्ला अदालत पुगेको छ । हाइ प्रोफाइल जोडिएको उक्त प्रकरणको मुद्दा सरकारी वकिलले मंगलबार जिल्ला अदालत काठमाडौंमा दर्ता गराएका हुन् । सो प्रकरणमा प्रहरीले हाइ प्रोफाइल पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाँण, नेपाल सरकारका सचिव टेकनारायण पाण्डेसहित १६ जनालाई पक्राउ गरेको थियो । त्यस्तै, विचौलियाको भूमिका खेल्ने मोरङका केशवप्रसाद दुलाल, ललितपुरका सानु भण्डारीविरुद्ध पनि मुद्दा दर्ता भइसकेको छ । उनीहरूमाथि पाँचवटा कसुर र २८ करोड ८४ लाख ७४ हजार ५ सय जरिवानाको माग दाबी गरिएको छ ।

सरकारी वकिल कार्यालयले उनीहरूमाथि संगठित अपराध, ठगी, किर्ते, राष्ट्रहित र एकीकृत मुद्दामा कसुर हुने गरी मुद्दा दायर भएको हो । सो प्रकरणमा ३० जना प्रतिवादी बनाइएका छन् । प्रहरीको अनुसन्धानले सो प्रकरणका ललितपुरका विचौलिया सानु भण्डारीकै प्रभावमा परेर टोपबहादुर रायमाझी संलग्न भएको खुलाएको छ ।

प्रकाशित मिति: बिहीबार, जेठ ११, २०८० १४:५६

कृष्णसिंह लाेथ्याल

प्रतिक्रिया दिनुहोस्

भर्खरै

कोशीको सदनमा सङ्कल्प प्रस्ताव टेबल, शुक्रबार छलफल हुने

पर्यटन बोर्डको सीईओका लागि ११ जनाले दिए निवेदन (सूचीसहित)

उत्साहका साथ जन्मिएका स्टार्टअप, जो बजारमा टिकेनन्

अर्थतन्त्रमा सुधार आउन थालेको छः मन्त्री भण्डारी

पदाधिकारी बैठकमा देउवाले वैकल्पिक गठबन्धनबारे के भने ?

लोकप्रिय

पितृसत्तात्मक समाजसँग लडेर स्टेजमा फर्केकी समीक्षा

सत्ता गठबन्धनमा भूकम्प ल्याएर माधव नेपाल कोटेश्वरमा फिल्म सुटिङ गर्दै

महानगरको कडाइपछि धमाधम विदेशी नाम फेर्दै निजी विद्यालय, कसले के राखे ?

एकीकृत समाजवादीले माग्याे प्रधानमन्त्रीकाे ग्यारेन्टी, गृहकार्यमा जुटे कांग्रेस नेताहरू

गठबन्धनमा गडबडीः सुदूरपश्चिममा एमालेले दीर्घ सोडारीलाई मुख्यमन्त्री नस्वीकार्ने

विचार

काखे छोरा लिएर रोजीको बिलौना– युक्रेन युद्धमा श्रीमान् मारिए, पुष्टि गरिदेऊ सरकार

३३ केजी सुन र निर्मला हत्याकाण्डजस्तै छानबिनको नाममा प्रहरीको हुर्मत नलिइयोस्

विकासको उल्टो कथा : सडकले बजार बनाउँछ भन्थे निर्भरता बढायो

ब्लग

एक प्रधानपञ्चकाे नाममा

सोध्नुस् त, एसईई दिएर बसेका तपाईंका छोराछोरी के सोच्दै छन् ?

कस्ता विद्यालय राम्रा ?

शिक्षा

निजी विद्यालयको छात्रवृत्ति पारदर्शी बनाउन माग गर्दै नेविसंघले बुझायो सबै स्थानीय तहमा ज्ञापनपत्र

महानगरको कडाइपछि धमाधम विदेशी नाम फेर्दै निजी विद्यालय, कसले के राखे ?

राजनीतिक दलमा लागेका शिक्षकप्रति शिक्षा मन्त्रालय निर्मम, पदबाट हटाउनेसम्मकाे कारबाही गर्न परिपत्र