तीन वर्षअघिसम्म प्रकाश दाहाल कतारमा थिए । त्यहाँ उनी आइटीसँग सम्बन्धित हार्डवयरका इएलबी, एक्सेस कन्ट्रोलसँगै निर्माणका काम पनि गर्थे ।
त्यहाँ छँदा नेपालमै फर्केर केही गर्नुपर्छ भन्ने हुटहुटी उनमा थियो । नेपाल फर्केर आइटीसँगै जोडिएर गर्न सकिने कामबारे साथीहरूसँग सल्लाह लिन्थे । एक दिन विदेशी साथीले आफूले लगाएको घडी देखाउँदै भने– ‘यो चलनचल्तिको भन्दा फरक ‘वालनट उड’को घडी हो ।’
यसपछि प्रकाशलाई ओखरबाट घडी बनाउने सोच आयो । त्यहीँ हुँदा ‘ओखर’ नाममा नेपाली उत्पादनका घडी उत्पादन गर्ने सोच पनि भयो । त्यही भएर उनी नेपाल फर्के । तर, त्यसबेला नेपाली बजारमा आयातित ‘स्मार्ट’ घडी चल्तिमा थियो । सबैको रोजाइमा स्मार्ट घडी नै पथ्र्यो । यस्तो अवस्थामा ओखरबाट बनाएका त्यो पनि नेपाली घडी मान्छेले किन्लान् र ? प्रकाशलाई लाग्थ्यो ।
त्यसैले उनले घडीसँगै अन्य घडीमा पनि प्रयोग गर्न मिल्ने चेन बनाए । उनलाई स्मार्टलगायत अन्य घडीको प्रयोगकर्ताले चेन मात्र भए पनि प्रयोग गर्न सक्छन् भन्ने लागेको थियो । नेपाल आएपछि दसैँ–तिहारलाई लक्षित गरेर ओखरको नेपाली घडीको उत्पादन सुरु गरे । उनलाई लागेको थियो कि तिहारसँग ओखरको प्रत्यक्ष सम्बन्ध भएकाले धेरै मान्छेले आफ्ना उत्पादन उपहारका निम्ति किन्ने छन् ।
‘ओखर’ ब्राण्ड अन्तर्गत प्रत्येक घडीलाई छुट्टै नाम दिने सोचमा उत्पादन सुरु गरे । ‘काष्ठमण्डप’ नामको पहिलो घडी तयार भयो । तर, उत्पादन सुरु गरेको केही महिनामै कोरोना महामारी आयो । तब प्रकाशको आसा निरासामा बद्लियो । योजनाअनुसार काम भएन । तर, पनि उनी आत्तिएनन् ।
दसैँको बेला बजारमा ‘ओखर’लाई ल्याउने उद्देश्यले काम गरे । निर्धारित समयमा ‘ओखर’ बजारमा ल्याउन भने सम्भव भएन । अन्ततः तिहारको लक्ष्मी पूूजाका दिन नेपाली ब्राण्डको घडी ‘ओखर’लाई अनलाइन माध्यबाट बजारमा ल्याउन प्रकाश सफल भए । ओखर घडीलाई ग्राहकले औधी रुचाए । पहिलो चरणमा तयार भएका करिब तीन सय घडी सो तिहारमा बिक्री भए ।
उसो त सुरुवाती दिनमा कला क्षेत्रमा रुचि राख्नेलाई प्रकाशले ‘ओखर’का ग्राहक ठानेका थिए । तर, लक्षित ग्राहकभन्दा अरुले नै बढी रुचाए । हाल नेपालमा रहेका विदेशी र विदेशमा रहेका धेरै नेपाली ओखरका ग्राहक छन् । उनीसँग पाँच हजारदेखि १२ हजारसम्मका ओखरका घडी छन् । तर, ग्राहकले भने घडीको मूूल्य बढी भएको गुुनासो गर्दै आएका छन् । यसपछि उनले दुुई हजार पाँच सयको घडी उत्पादन गर्न नखोजेका पनि होइनन् । तर, गुुणस्तर कायम गर्न सकेनन् । जसले गर्दा उनले त्यसलाई निरन्तरता दिन सकेनन् ।
ओखर घडीका लागि कच्चा पदार्थ चीनलगायत तेस्रो मुलुकबाट ल्याउनु पर्ने बाध्यता प्रकाशलाई छ । त्यसले गर्दा पनि ग्राहकको मागअनुसार सस्तो मुुल्यमा ओखर घडी उत्पादन गर्न नसकेको प्रकाश बताउँछन् । उनले हाल छ जनालाई रोजगारी दिइरहेका छन् । ओखरलाई विश्वव्यापी ब्रान्ड बनाउने उनको चाहना छ ।
जसका लागि ओखरलाई अमेरिका, अस्ट्रेलिया र बेलायतमा पुर्याउने कोशिसमा उनी छन् । उनले घडीका नाम काष्ठमण्डप, कालापत्थर, मण्डला, अष्ठमंगल र हिरण्य राखेका छन् ।
‘ओखर’ घडी कसरी तयार हुन्छ ?
- घडीको डिजाइन कम्प्युुटरमा तयार गरिन्छ ।
- इन्जिनियरिङ दृष्टिबाट पनि डिजाइनलाई अन्तिम रूप दिइन्छ ।
-डिजाइनअनुसार चीनबाट कच्चा पदार्थ मगाइन्छ ।
-कच्चा पदार्थलाई घडीको स्वरूपमा ढालिन्छ ।
-तयार भएपछि ‘ओखर’ घडी ग्राहकको मागअनुसार ‘डेलिबेरी’ गरिन्छ
प्रकाशित मिति: बुधबार, वैशाख २०, २०८० ०६:३१
-1743770902.jpeg)
-1743661115.jpg)
-1743579183-1743604118.jpg)
