जजिराले मार्च ९ देखि गौतम बुद्ध विमानस्थलबाट सेवा दिने, दुई महिनादेखि रोकिएको अन्तर्राष्ट्रिय उडान सुचारु हुने आशा

जजिराले मार्च ९ देखि गौतम बुद्ध विमानस्थलबाट सेवा दिने, दुई महिनादेखि रोकिएको अन्तर्राष्ट्रिय उडान सुचारु हुने आशा

A+ A A-

त्रिभुवन विमानस्थलपछिको ठूलो भैरहवामा रहेको गौतम बुद्ध अन्तर्राष्ट्रिय विमानस्थलबाट अन्तर्राष्ट्रिय हवाई सेवाका लागि जजिरा एयरवेजले नयाँ मिति दिएको छ । माघको पहिलो हप्तादेखि उडान गर्ने मिति तोके पनि सो समयमा सेवा सुरु नगरेको जजिराले पुनः मार्च ९ को मिति तय गरेको हो । जजिराले मिति तोकेपछि दुई महिनादेखि रोकिएको गौतम बुद्ध अन्तर्राष्ट्रिय विमानस्थलबाट अन्तर्राष्ट्रिय उडान हुने आशा पलाएको छ ।

गौतम बुद्ध अन्तर्राष्ट्रिय विमानस्थल स्रोतका अनुसार कुवेतको जजिरा एयरलाइन्सले आगामी मार्च ९ देखि पुनः उडान सुरु गर्ने जनाएको छ । सात महिना कुवेत–भैरहवा अन्तर्राष्ट्रिय उडान गरेको जजिराले गत पुस ६ गतेबाट आफ्नो उडान रोकेको थियो । गत जेठ २ गते विमानस्थल उदघाटनकै दिनबाट जजिराले भैरहवास्थित गौतम बुद्ध अन्तर्राष्ट्रिय विमानस्थलबाट उडान भर्न सुरु गरे पनि सात महिनापछि रोकेको थियो ।

२०२२ मे १६ देखि २०२२ डिसेम्बर १८ सम्म सो विमानस्थलमा अन्तर्राष्ट्रिय उडान १५४ वटा र त्यत्तिकै संख्यामा अवतरण भएका थिए । उक्त अवधिमा १३ हजार ५९३ जना यात्रुहरू भैरहवा ओर्लिएका थिए र १८ हजार २५ जना यात्रुहरू यहाँबाट विदेश उडेका थिए । यसबाट जम्मा ३१ हजार ६१८ जना यात्रुहरूले सेवा लिएका थिए । पछिल्लो समयमा मौसमको कारण देखाउँदै जजिराले उडान–अवतरण स्थगित गरेको थियो । अहिले उसको सेवा काठमाडौंकेन्द्रित छ ।

निजीक्षेत्रको तदारुकता

गौतम बुद्ध अन्तर्राष्ट्रिय विमानस्थलबाट अन्तर्राष्ट्रिय उडान नहुँदा समस्यामा परेको निजीक्षेत्रले तादरुकता बढाएको छ । जजिराले उडान रोकेपछि भैरहवामा रहेका निजीक्षेत्रका संघसंस्था, पर्यटन व्यवसायीलगायतले पुनः उडान सुरु गर्न भन्दै पहल थालेका थिए । यस विषयमा सिद्धार्थ उद्योग वाणिज्य संघ रुपन्देही र जजिरा एयरलाइन्सका प्रतिनिधिबीच भैरहवामा छलफलसमेत भएको थियो । यस्तै, नेपाल ट्राभल्स टुर्स संघ लुम्बिनी प्रदेश (नाट्टा) ले पनि पहल थालेको थियो।

जजिराका प्रतिनिधिसँग दुई संस्थाले गरेको छलफलमा पुनः सेवा सुरु गर्न एयरलाइन्स तयार भएको उद्योग वाणिज्य संघका अध्यक्ष भीष्मप्रसाद न्यौपानेले जानकारी दिएका छन् ।

जजिरा एयरलाइन्सको नेपालस्थित कमर्शियल व्यवस्थापक अमित नागरथले आगामी मार्च ९ तारिखदेखि पुनः उडान सञ्चालन गर्ने जानकारी दिएको छलफलमा सहभागी संघका अध्यक्ष न्यौपानेले बताए ।

उनले भने, ‘विमानस्थल हाम्रो आशा र भरोसा हो, यही विमानस्थललाई लक्षित गरेर व्यवसायीले अर्बौं लगानी गरेका छन् तर उडान रोकिँदा धेरै चिन्तित छौँ । लगानी डुब्न नदिन पनि विमानस्थल पूर्ण रूपमा सञ्चालनमा आउनुपर्छ । यसमा हाम्रो निरन्तर पहल रहन्छ ।’

नाट्टा लुम्बिनी प्रदेश अध्यक्ष रचना पन्त भट्टराईले कुनै पनि हालतमा विमानस्थल सञ्चालन हुनुपर्ने बताइन् । ‘विमानस्थल सञ्चालन र नियमित उडानका लागि निजी क्षेत्रबाट सक्दो पहल गरेका छौँ, सरकारले पनि अलि बढी यो विमानस्थललाई प्राथमिकता राख्नुपर्छ’, उनले भनिन्, ‘पुनः विमानस्थलबाट जजिराले उडान सुरु गर्ने संकेत गरेको छ । यो सुखद् हो । अब पूर्ण क्षमतामा विमानस्थल सञ्चालन गर्नुपर्छ ।’

यस्तो छ समस्या

अन्तर्राष्ट्रिय उडानका लागि भारतले सिधा एयर रुटको अनुमति दिएको छैन । भारतसँग हाल एकतर्फी मात्र रुट भएकोले समस्या भएको विमानस्थलका अधिकारी बताउँछन् । यस्तै, भारतीय नागरिकलाई गौतम बुद्ध अन्तर्राष्ट्रिय विमानस्थलबाट अन्तर्राष्ट्रिय उडानका लागि आवश्यक पर्ने नो अब्जेक्सन सर्टिफिकेट (एनओसी) दिने व्यवस्था पनि छैन । इन्स्टुमेन्ट ल्याण्डिङ सिस्टम (आईएलएस) सञ्चालनमा ल्याउन पनि भारतका कारण समस्या छ । आईएलएस कम भिजिविलिटीमा पनि विमान उडान–अवतरण गर्न सकिने प्रणाली हो ।

पछिल्ला दिनमा विमानस्थलको भविष्यलाई लिएर सर्वत्र चिन्ता छ । सञ्चालनमा आएको छोटो समयमै बिजनेसबिहीन भएपछि चिन्ता बढेको हो । विमानस्थल लक्षित गरेर व्यवसायीले गरेको अर्बौं लगानीबारे पनि अहिले बहस भइरहेको छ ।

प्रकाशित मिति: आइतबार, फागुन ७, २०७९ १८:१९

प्रदीप आचार्य

प्रतिक्रिया दिनुहोस्

भर्खरै

सेफिल्डमाथि म्यानचेस्टर युनाइटेडको पुनरागमन जित

प्रिमियर लिगमा एभर्टनसँग लिभरपुल स्तब्ध, उपाधि होडमा लाग्यो धक्का

महोत्तरीको मटिहानीमा आगलागी: डेढ सय घर जलेर खरानी, पीडितहरूको बिचल्ली

कसरी हटाउने सार्वजनिक सवारीको बेथिति ?

उपनिर्वाचनका लागि इलाम र बझाङमा मौन अवधि सुरु, मत माग्न र प्रचारप्रसार गर्न निषेध

लोकप्रिय

डेढ महिनामै प्रचण्डले भन्न थाले- उता अप्ठेरो भयो भनेर यता आइयाे, यता झन् टाल्नकै हैरान

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

२५ अर्ब किलोमिटर टाढाबाट आयो पृथ्वीमा सन्देश, उत्साहित भए नासाका वैज्ञानिक

इरान र इजरायलः कसको शक्ति कति ?

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

एक जनमुखी प्रधानपञ्चको नाममा

शिक्षा

डिस्कोर्स डबलीले काठमाडौंमा दुईदिने ‘विचार उत्सव’ आयोजना गर्ने

कोहलपुरमा आठ कक्षाको परीक्षामा अनियमितताः शाखा प्रमुखसहित दर्जन बढी कारबाहीमा

शिक्षामन्त्री सुमनाले थाहा पाऊन्- नि:शुल्क शिक्षा ऐनले यसरी बनाउँदै छ नागरिकलाई ‘बेसहारा’