सिलिन्डर विस्फोट नहुँदै कसरी लाग्यो आगो ? यस्ताे छ घटनास्थल (भिडियाे/तस्वीर)

सिलिन्डर विस्फोट नहुँदै कसरी लाग्यो आगो ? यस्ताे छ घटनास्थल (भिडियाे/तस्वीर)

A+ A A-

ग्यास सिलिन्डर विस्फोटमा परी घाइते नेपाली कांग्रेसका नेता एवं सांसद चन्द्र भण्डारीकी आमा हरिकलाको उपचारका क्रममा निधन भएको छ । उनको कीर्तिपुर अस्पतालमा उपचारका क्रममा बिहीबार बिहान निधन भएको हो ।

बधुबार राति बुद्धनगरस्थित निवासमा खाना पकाउने ग्यास सिलिन्डर पड्किँदा भण्डारीका आमाछोरा गम्भीर घाइते भएका थिए ।

उनीहरू दुवैलाई तत्काल कीर्तिपुरस्थित बर्न अस्पताल लगिएको थियो । नेता भण्डारीको अवस्था स्थिर रहे पनि उनकी आमाको भने उपचार सम्भव भएन । कांग्रेस नेताहरूका अनुसार घाइते सांसद भण्डारीलाई थप उपचारका लागि भारतको मुम्बई लैजाने तयारी भइरहेको छ ।

घटनाको प्रकृति हेर्दा ग्यास सिलिन्डर भने विस्फोट भएको देखिँदैन । प्रहरीले समेत सिलिन्डर विस्फोट नभएको बताएको छ । बुद्धनगर प्रहरी प्रभाग स्रोतका अनुसार सिलिन्डर विस्फोट भएको होइन । ग्यास लिक भइरहेको बेला आगो बाल्न खोज्दा उक्त घटना भएको हो ।

‘ग्यास सिलिन्डर विस्फोट भएको होइन । सिलिन्डर हामीले राति भण्डारीको भान्साबाट प्रहरी कार्यायलमै ल्याएर राखेका छौँ,’ प्रभाग स्रोतले भन्यो, ‘ग्यास लिक भइरहेको भान्सामा आगो बाल्ने प्रयास भएको देखिन्छ । त्यही कारण उनीहरूको शरीरमा आगो लाग्न पुगेको हो ।’

भण्डारी र उनकी आमा घरको पहिलो फ्ल्याटमा बस्दै आएका थिए । आगोले भण्डारीको भान्साको झ्यालको पर्दा र सिसा फुटेको देखिन्छ । भण्डारीले लगाएको ट्राउजर जलेको छ ।

भण्डारीलाई राति साढे ७ बजे कांग्रेस नेता एनपी साउदले घरसम्म पुर्‍याएका थिए । साउदले भने, ‘मैले साँझ साढे ७ बजेतिर घरमा ड्रप गरेर पर्किएको हुँ । घरभित्र त पसिनँ ।’ दिनभर संसद भवनमा रहेका भण्डारी राति मात्रै घर फर्किएका थिए ।

भिडियाे हेर्नुहाेस् :

प्रकाशित मिति: बिहीबार, फागुन ४, २०७९ १३:२४