भारतको बजेट : नेपाललाई दिने अनुदान घट्यो, ३ लाख भारुसम्म कमाउनेलाई कर नलाग्‍ने

भारतको बजेट : नेपाललाई दिने अनुदान घट्यो, ३ लाख भारुसम्म कमाउनेलाई कर नलाग्‍ने

A+ A A-

भारतले बुधबार आर्थिक वर्ष २०२३/२४ को लागि बजेट सार्वजनिक गरेको छ । भारतकी वित्तमन्त्री निर्मला सितारमणले बुधबार आगामी आर्थिक वर्षका लागि बजेट सार्वजनिक गरेकी हुन् ।

बजेटमार्फत भारतले यस वर्ष नेपाललाई दिने अनुदान घटाएको छ । भुटानलगायतका देशलाई दिने अनुदान भारतले बढाए पनि नेपाललाई दिने अनुदान भने घटाएको हो । अघिल्लो आर्थिक वर्षमा नेपाललाई ७ अर्ब ५० करोड भारू अनुदानको घोषणा गरेकोमा यो वर्ष भने २६ प्रतिशतले घटाएको हो । यो वर्ष ५ अर्ब ५० करोड भारू अर्थात ८ अर्ब ८० करोड रुपैयाँ अनुदान दिने भएको हो ।

वित्तमन्त्री सितारमणले सार्वजनिक गरेको बजेटमा करमा दर र दायराहरूमा व्यापक हेरफेर गरिएको छ । भारतको बजेटले मध्‍यम न्यून आय भएको वर्गलाई केही राहत दिने प्रयास गरेको छ । अघिल्लो वर्ष २०२२/२३ को बजेटमा न्युनतम २ लाख ५० हजार भारूसम्म‍को आयमा आयकर नलगाउने व्यवस्था गरेकोमा अहिले बढाएर ३ लाख भारू पुर्‍याइएको भारतीय वित्तमन्त्री सितारमणले बताएकी छन् ।

सन् २०२१/२२ मा ५ लाख भारूसम्मको आयामा कर नलाग्‍ने गरेकोमा अघिल्लो बजेटमा मध्यम न्यून वर्गको आयमा असर पर्ने गरी एकपटक २ लाख ५० हजारमा झारिएको थियो । अहिले पुन: बढाइएको छ ।

नेपाली रूपैयामा भारतमा ४ लाख ८० रुपैयाँसम्मको आम्दानीमा कर लाग्दैन भने नेपालमा भने जतिसुकै आयामा पनि न्यूनतम १ प्रतिशत आयकर लाग्छ ।

नेपाल र भारतमा वार्षिक आयमा लाग्‍ने कर (नेरुमा)
नेपाल	आयकरको दर	भारत	आयकरको दर
५ लाखसम्म	१ प्रतिशत	४ लाख ८० हजारसम्म	शुन्‍य
५-७ लाखसम्म	१० प्रतिशत	४.८-८ लाखसम्म	५ प्रतिशत
७-१० लाखसम्म	२० प्रतिशत	९.६-१४.४ लाखसम्म	१० प्रतिशत
१०-२० लाखसम्म	३० प्रतिशत	१९.२४ लाखसम्म	२० प्रतिशत
२० लाखभन्दा माथि	३६ प्रतिशत	२४ लाखभन्दा माथि	३० प्रतिशत

यसले भारत र नेपालबीचको आयमा धेरै असन्तुल दखाएको छ । भारतले अति न्यून वर्गमथि कर उठाउँदैन । मध्‍यम न्यून आय भएकोलाई जम्मा ५ प्रतिशत आयकर लिएको छ । कुनै व्यक्तिले नेपालमा ५ देखि ७ लाख आम्दानी गर्दा १० प्रतिशत आयकर बुझाउनुपर्ने हुन्छ भने त्यस्तै आमन्दानी भारतमा गर्दा जम्मा ५ प्रतिशत बुझाए हुन्छ । माथिल्लो सिमामा पनि नेपालमा २० लाखमाथिको आयमा ३० प्रतिशत कर बुझाएनुपर्ने छ तर भारतमा नेपाली रुपैयाँमा यस्तो सीमा २४ लाख छ । तर त्यस्तो आयमा पनि ३० प्रतिशत मात्रै रहेको छ ।

सम्बन्धित समाचार

मासिक ४१ हजार ६ सय रुपैयाँसम्म कमाउनेले १ प्रतिशत कर तिरे पुग्ने, दम्पतीलाई थप राहत

विश्‍वका विरलै देशमा मात्रै अति न्यून वर्गमा पनि आयकर लिने गरेकोमा नेपालमा यस्तो कर लिने गरिएको छ । कर विज्ञ रुप खड्काले न्यून वर्गका लागि आयकर छुट दिन सरकारलाई पटक पटक सुझाब दिइए पनि कार्यान्वयन हुन नसकेको बताउँछन् । उनले माथिल्लो सीमा पनि बढी भएको तर्क गर्छ । विज्ञहरूले यसरी बढी करको दर लिँदा चुहावटको सम्मभावना बढी हुने तर्क गरेका छन् ।

कहाँ बढ्यो कर, कहाँ छुट

भारतले चुरोटमा एकैपटक १६ प्रतिशत कर बढाएको छ । त्यस्तै सुन, प्लेटिनम, चाँदी लगायतमा बस्तुको आयातम कर महसुल बढाइएको छ ।

विद्युतीय उपकरण तथा नयाँ ऊर्जामा आधारित सवारीसाधनलाई भने प्रोत्साहन गर्ने नीति भारतले लिएको छ ।

लिथियम ब्याट्रीका लागि आवश्‍यक पर्ने पुँजीगत बस्तु तथा मेसिनको आयातमा भन्सार महसुल छुट गर्ने उल्लेख गरिएको छ । कार, स्मार्टफोन, टेलिभिजन जस्ता सामानहरूमा लाग्दै आएको भन्सार महसुल घटाउने घोषणा वित्तमन्त्रीले गरेकी छन् ।

प्रकाशित मिति: बुधबार, माघ १८, २०७९ १५:०५