अबको ध्यान : चीनसँग विद्युत व्यापार

A+ A A-

२०७५ बैशाखदेखि ‍औद्योगिक वर्गका ग्राहकलाई समेत लोडसेडिङ्ग पूर्णरुपमा अन्त्य गरी ग्राहकहरुलाई निरन्तर विद्युत आपूर्ति गर्न प्राधिकरण सफल भएको छ। यद्यपि विविध प्राविधिक कारणले यदाकदा विद्युत सेवा अवरुद्ध हुने गरेकोले सोको दिर्घकालिन समाधानका लागि प्राधिकरणद्वारा तदारुकताका साथ प्रसारण तथा वितरण संरचनाहरुको सुदृढीकरण गर्ने कार्य भइरहेको छ।

विगत केही वर्ष अगाडीदेखि ठूलो आर्थिक नोक्सानी व्यहोर्दै आएको प्राधिकरणले आ।ब।२०७३/७४ देखि लगातार मुनाफा आर्जन गर्दै आएको छ। नियमित विद्युत आपूर्ति, विद्युत चुहावट न्यूनिकरण, खर्च कटौती र बाँकी बक्यौता असूली समेतका कारण प्राधिकरणले आ.ब. २०७५/७६ मा रु. ७ अर्ब २० करोड मुनाफा आर्जन गर्न सफल भएको छ।

विद्युत चुहावट न्यूनिकरण गर्ने कार्यलाई सशक्तरुपमा अगाडि बढाएको कारण गत वर्ष विद्युत चुहावट इतिहासमै कम अर्थात १५.३२५ मा ल्याउन प्राधिकरण सफल भएको छ।

आधुनिक प्रविधिसहितको एकिकृत कार्ययोजना, जनचेतना अभिवृद्धि लगायतका चुहावट नियन्त्रणका कृयाकलापलाई प्रभावकारीरुपमा सञ्चालन गरी आगामी दिनहरुमा विद्युत चुहावटलाई अन्‍तराष्‍ट्रिय तहको स्वीकार्य सीमा भित्र ल्याउन प्राधिकरण प्रयासरत रहने छ।

माननीय ऊर्जा, जलस्रोत तथा सिँचाइ मन्त्रीज्यू एवम् श्रीमान् सचिवज्यूको मार्ग निर्देशन, व्यवस्थापनको कार्यकुशलता र आयोजनामा संलग्‍न कर्मचारीहरुको अथक प्रयासको फलस्वरुप विगतमा विविध कारणले लामो समयदेखि सम्पन्‍न हुन नसकेका निर्माणाधिन आयोजनाहरु सम्पन्‍न गर्न प्राधिकरण सफल भएको छ। ३० मेगावाटको चमेलिया जलविद्युत आयोजना र ६० मेगावाटको माथिल्लो त्रिशुली ३ए जलविद्युत आयोजना सम्पन्‍न भई सञ्‍चालनमा आएका छन्। शुरुवाती दिनदेखिनै विविध समस्यासंग जुधिरहेको १४ मेगावाटको कुलेखानी तेश्रो जलविद्युत आयोजनासमेत निमार्ण सम्पन्‍न भै सञ्‍चालनको अन्तिम चरणमा रहेको छ।

समस्यै समस्याले थलिएर रुग्ण बनेको कावेली करिडोर १३२ के.भी. प्रसारण लाइन आयोजना लगायतका ३८ वटा रुग्ण आयोजनाहरु सम्पन्‍न गर्न सफल भएका छौं। यसबाट आगामी दिनहरुमा देशमा ठूलो परिवर्तन ल्याउन सक्ने उत्पादन, प्रसारण तथा वितरण सम्बन्धी आयोजनाहरु द्रुत गतिमा सञ्‍चालन गर्न प्राधिकरणलाई बाटो खुलेको छ।

गत वर्ष विद्युत दुर्घटनामा परी ज्यान गुमाउनु हुने कर्मचारी एवम् सर्वसाधारण प्रति हार्दिक श्रद्धान्जली अर्पण गर्दछु। आगामी दिनहरुमा यथासक्य विद्युत दुर्घटना हुन नदिन पर्याप्‍त सुरक्षा व्यवस्था एवम् सर्तकता अपनाइने, जनचेतना अभिवृद्धि गरिने र संरचनाहरुको सुदृढीकरण गरिने प्रतिवद्धतासमेत व्यक्त गर्न चाहन्छु।

गत आ.व. २०७५/७६ मा प्राधिकरणले सम्पादन गरेका मुख्य मुख्य कार्य र सोबाट प्राप्‍त उपलब्धिहरु देहायबमोजिम रहेका छन्ः

सञ्‍चालन उपलब्धि

प्राधिकरणको कूल ग्राहक संख्‍या ३५ लाख ७० हजारमा ९.३८ प्रतिशतले वृद्धि भई ३९ लाख १० हजार पुगेको छ। सामुदायिक संस्थाहरु र बुटवल पावर कम्पनी अन्तर्गतका ग्राहकहरुसमेत गर्दा करिव ४५ लाख घरपरिवारले राष्‍ट्रिय ग्रीडबाट विद्युत आपूर्ति पाइरहेका छन् । हालसम्ममा कुल जनसंख्‍याको करिव ७८ प्रतिशतलाई राष्‍ट्रिय विद्युत प्रणालीको विद्युत उपलब्ध गराउन सफल भएका छौं।

गत आबदेखि मनाङ, सोलुखुम्बु, बझाङ र दार्चुला जिल्लाहरुमा समेत राष्‍ट्रिय विद्युत प्रणालीबाट विद्युत आपूर्ति गरिएको छ। रुकुम पूर्व, कालिकोट, बाजुरा र जुम्ला जिल्लालाई चालु आबभित्रमा, मुगु र डोल्पा जिल्लालाई आगामी २ वर्ष भित्रमा र तत्पश्‍चात हुम्ला जिल्लालाई राष्‍ट्रिय विद्युत प्रणालीमा आवद्ध गर्ने गरी कार्य अगाडी बढाइएको छ।

गत आबमा प्राधिकरणको प्रणालीमा कुल ७ अर्ब ५५ करोड युनिट बराबरको विद्युत उपलब्ध भएको छ। जुन अघिल्लो आव २०७४/७५ को तुलनामा करिव ७५ ले बढि रहेको छ।

साथै गत आवमा प्रणालीमा उपलब्ध विद्युत मध्ये कुल ६ अर्व ३८ करोड युनिट विद्युत खपत भएको छ। अघिल्लो आवको तुलनामा यो खपत १४.७५ प्रतिशतले बढी हो।

यसवर्ष पनि विद्युत चुहावट न्यूनिकरण गर्न प्राधिकरणलाई उल्लेख्य सफलता प्राप्‍त भएको छ। आव २०७२/७३ मा २५.७८ प्रतिशत रहेको विद्युत चुहावट प्राधिकरणको निरन्तर प्रयासको परिणाम स्वरुप आव २०७५/७६ मा १५.३२ प्रतिशतसम्म ल्याउन सफल भएका छौं।

लोडसेडिङ्ग अन्‍त्य गरी नियमित विद्युत आपूर्ति गर्न सम्भव भए पश्‍चात पेट्रोलियम पदार्थ, ब्याट्री, इन्भटर, डिजेल जेनेरेटर आदिको आयातमा कमी आर्इ वैदेशिक मुद्रा वचतको साथै राष्‍ट्रिय अर्थतन्त्रसमेतमा सकारात्मक योगदान दिन प्राधिकरण सफल भएको छ।

वित्तिय उपलब्धिः

प्राधिकरणले उपलब्ध स्रोत साधनको अधिकतम उपयोग गरी आव २०७३/७४ मा १ अर्ब ५१ करोड, आव २०७४/७५ मा रु। २ अर्ब ८९ करोड तथा आव २०७५/७६ मा रु. ७ अर्ब २० करोड रुपैयाँ खुद नाफा आर्जन गर्न सफल भएको छ।

साथै, आव ०७२/७३ मा प्राधिकरणको कुल सञ्‍चित नोक्सानी रु। ३४ अर्ब ६० करोड रहेकोमा सोलाइ क्रमशः घटाई आ.व. ०७५।७६ सम्म आइपुग्दा रु. १५ अर्ब २२ करोडमा सीमित गर्न प्राधिकरण सफल भएको छ।

प्राधिकरणले आव २०७५/७६ मा नेपाल सरकारको दीर्घकालिन ऋण, रोयल्टी र व्याजको बक्यौता बापत कुल रु. १५ अर्ब ६५ करोड जम्मा गर्न सफल भएको छ।

प्रशासनिक गतिविधिहरुः

प्राधिकरणले साविकको कर्मचारीका सेवा, शर्त सम्बन्धी व्यवस्थामा समसामयिक सुधार गर्न आवश्यक भएकोले लोक सेवा आयोगको परामर्शमा कर्मचारी सेवा, शर्त विनियमावली, २०७५ लागू गरेको छ।

प्राधिकरणले गत आ।व। ०७५।७६ मा विभिन्‍न तह र पदमा जम्मा ५३४ जना कर्मचारीहरु नयाँ नियुक्ति गरेको छ भने संस्थागत सुधार एवम् जनशक्ति व्यवस्थापनका लागि संगठन तथा व्यवस्थापन सर्वेक्षण सम्पन्‍न गरेको छ।

आयोजना सम्बन्धी गतिविधिहरुः

गत आ.व. मा प्रसारण लाइनतर्फ १३२ के.भी. र सो भन्दा माथिल्लो भोल्टेजको कुल ७५८ सर्किट कि.मी. प्रसारण लाइन निर्माण सम्पन्‍न भएका छन् भने ६०६ सर्किट कि.मि. प्रसारण लाइनहरु चार्ज भइ सञ्‍चालनमा आएका छन् । साथै ७३८ एम.भी.ए. क्षमता बराबरका २० वटा ग्रिड सवस्टेशनहरु प्रणालीमा थप भएका छन्।

हाल १३२ के.भी. र सो भन्दा माथिल्लो भोल्टेजको कुल ३२६१ सर्किट कि।मी। प्रसारण लाइन र ९,५०० एम.भी.ए. बराबरको सवस्टेशनहरु प्राधिकरणबाट निर्माणाधिन रहेका छन्।

वितरण लाइनतर्फ गत आ.व. मा १८० एम.भी.ए वरावरको २० वटा वितरण सवस्टेशनहरु निर्माण सम्पन्‍न भइ सञ्‍चालनमा आएका छन् भने ९७२० सर्किट कि।मी वितरण लाइन निमार्ण सम्पन्‍न भएका छन्।

आ.व. २०७५/७६ मा कुल ७०० एम.भी.ए. वितरण क्षमता बराबरका ७,००० थान वितरण ट्रान्सफरमरहरु वितरण प्रणालीमा जडान भएका छन् ।

प्राधिकरणका सहायक कम्पनीहरुः

जलविद्युतमा जनताको सहभागिता सुनिश्‍चित गरी प्राधिकरणले विभिन्‍न सहायक कम्पनीहरुमार्फत जलविद्युत आयोजनाहरुको निर्माण गर्ने कार्य अगाडि बढाएको छ।

चिलिमे हाइड्रोपावर कम्पनी लिमिटेडका सहायक कम्पनीहरुबाट प्रवर्द्धित १११ मेगावाटको रसुवागढी, १०२ मेगावाटको मध्य भोटेकोशी, १४.८ मेगावाटको माथिल्लो साञ्‍जेन र ४२.५ मेगावाटको सान्जेन जलविद्युत आयोजनाहरु निर्माणको अन्तिम चरणमा रहेका छन्।

साथै, १४० मेगावाटको तनहुँ, ४० मेगावाटको रघुगंगा र ३७ मेगावाटको त्रिशुली ३बि जलविद्युत आयोजनाहरु निर्माणाधिन छन्।

त्रिशुली ३ बी, रसुवागढी र सान्जेन जलविद्युत आयोजनाहरु नेपाल सरकारको ‘नेपालको पानी जनताको लगानी हरेक नेपाली विद्युतको शेयरधनी’ कार्यक्रममा समेत समावेश गरिएको छ ।

माथिल्लो तामाकोशी हाइड्रोपावर कम्पनी लिमिटेडबाट प्रवर्धिदित ४५६ मेगावाटको माथिल्‍लो तामाकोशी जलविद्युत आयोजना चालु आ।व। २०७६÷७७ मा सम्पन्‍न गरी सञ्‍चालनमा ल्याइने छ।

१०६० मेगावाटको अपर अरुण, ३० मेगावाटको इखुवा खोला, ६३५ मेगावाटको दुधकोशी, ९९.८ मेगावाटको तामाकोशी(५,२२ मेगावाटको रोल्वालिङ्ग खोला, १०४ मेगावाटको तल्लो सेती, ४२ मेगावाटको मोदी र १८.२ मेगावाटको मोदी ए, ८०० मेगावाटको उत्तरगंगा, १८० मेगावाटको आँधिखोला जलविद्युत आयोजनाहरुको विस्तृत इन्जिनियरिङ्ग डिजाइन तथा बोलपत्र तयार पार्ने कार्य बिभिन्‍न चरणमा रहेका छन्। यसमध्ये अपर अरुण, दुधकोशी र तामाकोशी(५ जलविद्युत आयोजनाहरुलाई नेपाल सरकार र प्राधिकरणको प्राथमिकता प्राप्‍त आयोजनाको रुपमा अगाडी बढाइएको छ।

इन्जिनियरिङ्ग तथा परामर्श सेवामा मुलुकलाइ आत्मनिर्भर बनाउने उद्देश्यले स्थापित एनइए इन्जिनियरिङ्ग कम्पनी लिमिटेडले परामर्शदाताको रुपमा ५ वटा जलविद्युत आयोजनाको अध्ययन तथा ४०० के.भी. ढल्केबर सवस्टेशनको सुपरिवेक्षण लगायतका कार्य गरिरहेको छ।

नेपाल र भारतबीच उच्च भोल्टेजको प्रसारण लाइनको संरचना निर्माण तथा सञ्‍चालन गर्ने उद्देश्यले स्थापित पावर ट्रान्समिशन कम्पनी नेपाल लिमिटेडले हाल ४०० के.भी. अन्‍तर्देशीय ढल्केवर(मुजफ्फरपुर प्रसारण लाइनको नेपाल खण्ड सञ्‍चालन गर्दै आएको छ।

मुलुकभित्र तथा बाहिर विद्युत व्यापार गर्ने उद्देश्यले स्थापित नेपाल विद्युत व्यापार कम्पनी लिमिटेडको व्यापारिक योजना र सञ्‍चालन विधि तयार गरी कार्यान्वयनमा ल्याउन आवश्यक कार्य भइरहेको छ।

निजी क्षेत्रको सहभागिता

ऊर्जा विकासमा निजी क्षेत्रको महत्वपूर्ण योगदान रहँदै आएको छ। जलविद्युत आयोजना निर्माणमा निजी क्षेत्रको सहभागिता वृद्धि गर्न तथा लगानीको अनुकुल वातावरण श्रृजना गर्न प्राधिकरण सदैव सकारात्मक रहेको छ।

गत आ.व.मा निजी क्षेत्रबाट कुल ४८ मेगावाट बराबरका ८ जल विद्युत आयोजनाहरु सम्पन्‍न भई हाल सञ्‍चालनमा रहेका ८३ वटा आयोजनाहरुको कुल जडित क्षमता ५६० मेगावाट पुगेको छ।

निजी क्षेत्रबाट कुल २,६१३ मेगावाट बराबरको विभिन्‍न १२० जलविद्युत आयोजनाहरुको आर्थिक स्रोत सुनिश्‍चित भई निर्माण भइरहेको छ भने २,८६९ मेगावाट बराबरका विभिन्‍न १३७ जलविद्युत आयोजनाहरु कार्यान्वयनको विभिन्‍न चरणमा रहेका छन्।

आ।व। २०७५र७६ मा प्राधिकरणले विभिन्‍न प्रबर्द्धकहरुसँग ८५ वटा आयोजनाको कुल १,४८० मेगावाट बराबरको विद्युत खरीद सम्झौता गरेको छ। हालसम्म प्राधिकरणले कुल ३४० स्वतन्त्र विद्युत उत्पादनकर्ताहरुसंग ६,०४४ मेगावाट बराबरको विद्युत खरिद सम्झौता गरिसकेको छ।

अन्‍तर्देशीय विद्युत व्यापार

अन्‍तर्देशीय विद्युत व्यापार अन्तर्गत गत आ.ब.मा प्राधिकरणले विभिन्‍न लाइनहरुमार्फत भारतबाट २ अर्ब ८१ करोड युनिट विद्युत आयात गरेको छ भने ३४ करोड युनिट निर्यात गर्न सफल भएको छ।

भारतले जारी गरेको अन्‍तर्देशीय विद्युत व्यापार सम्बन्धी निर्देशिका अनुसार निकट भविष्यमा नै नेपाललाई इन्डियन इनर्जी एक्सचेन्ज लिमिटेड तथा पावर एक्सचेन्ज इन्डिया लिमिटेडको इलेक्ट्रोनिक प्लेटफर्ममार्फत विद्युत व्यापार गर्ने अवसर प्राप्‍त हुनेछ।

नेपाल विद्युत प्राधिकरण र भारतको केन्द्रीय विद्युत प्राधिकरणले इनर्जी बैंकिङ्ग गर्ने सम्बन्धी कार्यविधि तयार गरेको छ। भारतको विद्युत नियमन आयोगबाट इनर्जी बैंकिङ्ग कार्यान्वयन गर्ने सम्बन्धमा आवश्यक निर्देशिका जारी भए पश्‍चात यो कार्यान्वयनमा आउने छ। नेपालको विद्युत माग र आपूर्तिको मौसमी असन्तुलन सम्बोधन गर्न इनर्जी बैंकिङ्ग कोशेढुङ्गा सावित हुनेछ।

नेपाल र चीन बीच विद्युत व्यापार गर्ने उद्देश्यले प्राधिकरणले नेपालतर्फको रातामाटे रसुवागढी(केरुङ्ग ४०० के.भी. प्रसारण लाइनको संभाव्यता अध्ययन गरिरहेको छ।

नेपाल र बंगलादेश बीचको विद्युत व्यापार सम्बन्धमा विभिन्‍न तहका संयन्त्रहरुमा छलफल भइरहेका छन्।

भावी कार्यदिशाः

उपलब्ध स्रोतको एकीकृत तथा योजनाबद्ध परिचालन तथा समुचित व्यवस्थापनबाट दशकौं लामो लोडसेडिङ्ग अन्‍त्य गर्न सफल भएसंगै निकट भविष्यमा विद्युत उत्पादन तथा आपूर्तिमा आत्मनिर्भर बन्‍ने बाटोमा हामी अगाडि बढिसकेका छौं। भोलिका दिनहरुमा नियमित, भरपर्दो र गुणस्तरीय विद्युत सेवा उपलब्ध गराउनु नै प्रमुख चुनौतीकोरुपमा रहने यथार्थलार्इ आत्मसाथ गरी सोही बमोजिम प्राधिकरणको कार्यक्रम तथा योजनाहरु केन्द्रीत गरिनेछ।

प्राधिकरणको पुनःर्संरचना सम्बन्धी योजनाको कार्यान्वयन एवम् प्रादेशिक कार्यालय मातहत सम्बन्धित वितरण केन्द्रहरु सञ्‍चालन गरी चालु आबदेखि प्रादेशिक कार्यालयहरुको व्यवसायगत छुट्टाछुट्टै वित्तिय विवरण राख्‍ने व्यवस्था मिलाइने छ।

विद्युत खरीद दर, प्राधिकरणको खर्च तथा सेवाको लागत र सोमा उचित प्रतिफलसमेतका आधारमा विद्युत महशुल निर्धारण गरिदिने व्यवस्थाका लागि विद्युत नियमन आयोगसमक्ष अनुरोध गरिनेछ। प्राधिकरणको संस्थागत विकास योजनालाई अन्तिमरुप दिने कार्य भइरहेकोले सो योजनालाई उच्च प्राथमिकताका साथ कार्यान्वयन गरिने र यसबाट आगामी दिनमा प्राधिकरणको कार्यसम्पादनमा अझ गुणात्मक सुधार आउने अपेक्षा गरिएको छ।

ऊर्जा जलस्रोत तथा सिँचाइ मन्त्रालयबाट जारी श्‍वेतपत्र, २०७५ मा उल्लेखित मिश्रित ऊर्जा उत्पादनको अनुपात अनुसार सबै किसिमका विद्युत आयोजनाको विकास गर्न प्राधिकरण प्रतिबद्ध छ। मुलुकको दिर्घकालिन विद्युत मागलार्इ दृष्‍टिगत गर्दै प्राधिकरणले पिकिङ रन अफ रिभर प्रकृतिको १,०६० मेगावाटको अपर अरुण र ६३५ मेगावाटको जलाशययुक्त दुधकोशी जलविद्युत आयोजनालार्इ प्राथमिकतामा राखी निर्माण गर्ने प्रकृया अगाडि बढाएको छ।

नेपाल र भारतबीच विभिन्‍न अन्‍तर्देशीय प्रसारण लाइनहरु योजनाबद्धरुपमा निर्माण गरिने छ। नेपाल सरकार तथा दातृ( निकायहरुको सहयोगमा पूर्व(पश्‍चिम र उत्तर(दक्षिणका ४०० तथा २२० के.भी. प्रसारण संजालको निर्माण सम्पन्‍न गरिने छ। बुटवल(गोरखपुर दोश्रो ४०० के।भी। अन्‍तर्देशीय प्रसारण लाइन निर्माणको मोडेल सम्बन्धमा छिट्टै टुङ्गोमा पुगी आगामी ५ वर्ष भित्र निर्माण सम्पन्‍न गरिने छ। त्यस्तै नेपालको रातमाटेदेखि चीनको केरुङ्गसम्मको ४०० के।भी। प्रसारण लाइनको संभाव्यता अध्ययन छिट्टै सम्पन्‍न हुने र यस प्रसारण लाइनको निर्माणसंगै आगामी दिनमा नेपाल र चीन बीच विद्युत व्यापारको ढोका खुल्ने छ।

नेपाल सरकारको मार्ग निर्देशन अनुरुप प्रत्येक घर धुरीमा आगामी सन् २०२३ सम्ममा विद्युत सेवा पुर्‍याउन देशभरी नै पर्याप्‍त विद्युत वितरण संजालको विस्तार योजनाबद्धरुपमा गरिने छ। शहरको सौन्दर्यलार्इसमेत ध्यानमा राखी काठमाडौं उपत्यकामा प्रारम्भ गरिएको विद्युत वितरण प्रणाली भूमिगत गर्ने कार्यलार्इ आगामी दिनमा अन्य शहरमासमेत क्रमिकरुपमा विस्तार गरिने छ।

कार्य सञ्‍चालन दक्षता अभिवृद्धि गर्न, विद्युत चुहावट न्यूनिकरण गर्न तथा ग्राहकहरुलाई उत्कृष्‍ट सेवा प्रदान गर्न प्राधिकरणले आधुनिक प्रविधिको प्रयोगमा जोड दिनेछ। स्मार्ट मिटर तथा स्मार्ट ग्रीड प्रविधिको जडान गरी प्रणालीलाई स्वचालित गरिने छ। अनलाइन केन्द्रिकृत बील भुक्तानी प्रणालीलार्इ थप विस्तार गरिनेछ। माग व्यवस्थापन तथा ऊर्जा दक्षता सम्बन्धी कार्यक्रमलार्इ निरन्तरता दिँदै उच्च विद्युत मागको व्यवस्थापन गरिने छ।

प्राधिकरणको अतिरिक्त आम्दानी वृद्धि गर्न अप्टिकल फाईवर नेटवर्क तथा उपलब्ध स्रोत साधनको अधिकतम उपयोग गरिने छ।

अपर तामाकोशी तथा चिलिमे जलविद्युत कम्पनी लिमिटेडको सहायक कम्पनीहरुबाट निर्माणाधिन जलविद्युत आयोजनाहरु सम्पन्‍न भई विद्युत उत्पादन शुरु भए पश्‍चात नेपालको विद्युत प्रणालीमा वर्षातको मौसममा आवश्यकता भन्दा बढि विद्युत उपलब्ध हुने अवस्था देखिएकोले सो को व्यवस्थापनका लागि आन्‍तरिक खपत तथा अन्‍तर्देशीय विद्युत व्यापार अभिवृद्धि गरिने छ।

भारतसंगको इनर्जि बैंकिङ्ग र डे अहेड मार्केट को माध्यमबाट छोटो अवधि र मध्यम अवधिको विद्युत व्यापार गरिनेछ भने छिमेकी राष्‍ट्रका निकायहरुसंग विद्युत खरीदरविक्री सम्झौताको आधारमा लामो अवधिको विद्युत व्यापार प्रवर्द्धन गरिनेछ। अन्‍तर्देशीय विद्युत व्यापारलार्इ उप क्षेत्रीय र क्षेत्रीय तहसम्म विस्तार गरिने छ।

चार्जिङ्ग स्टेशनहरु निर्माण गरी विद्युतीय सवारी साधनको प्रबर्द्धन गर्ने, खाना पकाउने ग्यासलाई विद्युतीय चुल्होले प्रतिस्थापन गर्ने लगायतका कार्यक्रम कार्यान्वयन गरी स्वदेशमा विद्युतको आन्तरिक खपत वृद्धि गर्नेतर्फ प्राधिकरणले विशेष जोड दिनेछ। औद्योगिक तथा सहरी क्षेत्रमा बढ्दो विद्युत माग व्यवस्थापन गर्न प्रसारण तथा वितरण प्रणालीको सुदृढीकरण एवम् विस्तार गर्ने कार्यलाई उच्च प्राथमिकतामा राखिने छ।

सूचना प्रविधिको विस्तार, इन्टरप्राइज रिसोर्स प्लानिङको कार्यान्वयन र प्रणालीलाई स्वचालित बनाई प्राधिकरणको सञ्‍चालन दक्षता अभिवृद्धि गरिने छ। यस किसिमका कृयाकलापहरुलार्इ कार्यान्वयन गरी प्राधिकरण क्रमशः डिजिटल प्राधिकरणतर्फ उन्मुख हुनेछ, जसले सरकारको डिजिटल नेपालको अभियानलार्इ समेत सहयोग पुर्‍याउने छ।
प्राधिकरणको कार्यक्रम र योजनाहरु कुशलतापूर्वक कार्यान्वयन गर्न कार्यरत सबै तहका कर्मचारीहरुको सीप तथा दक्षता अभिवृद्धि गर्न प्राधिकरण भित्र र आवश्कता अनुसार विदेशमासमेत उपयुक्त तालिमको व्यवस्था गरिने छ।

ऊर्जा जलस्रोत तथा सिँचाइ मन्त्रालयबाट जारी गरिएको श्‍वेतपत्र(२०७५ ले आगामी दशकको ऊर्जा क्षेत्रको मार्ग चित्र प्रस्तुत गरेअनुरुप सोलाई मूल दस्तावेज मानी विद्युत क्षेत्रको विकासको लागि भावी योजनाहरुको निर्माण र कार्यान्वयन गरिने छ।

(प्राधिकरणको ३४औं वार्षिकोत्सवमा कार्यकारी निर्देशक घिसिङले व्यक्त गरेको विचारको सम्पादित अंश)

प्रकाशित मिति: सोमबार, भदौ २, २०७६ ०४:०३