९८ प्रतिशत अन्‍नको आयात घट्दा निर्यात ११ गुणाले बढ्‍यो, ४३ करोड केजी कमी हुँदा के परेको छ प्रभाव ?

९८ प्रतिशत अन्‍नको आयात घट्दा निर्यात ११ गुणाले बढ्‍यो, ४३ करोड केजी कमी हुँदा के परेको छ प्रभाव ?

A+ A A-

नेपालमा अन्‍नको अन्तर्राष्ट्रिय व्यापार उल्लेखनीय रूपमा घटेको छ । नेपालमा मात्रै नभएर विश्‍वभर नै अन्नको आयातनिर्यात घटेको विज्ञहरूले बताएका छन् ।

चालु आर्थिक वर्षको ५ महिना अर्थात् साउनदेखि मंसिरसम्ममा अन्नको आयातमा करिब दोब्बरले गिरावट आएको छ । यो अवधिमा ९८ प्रतिशत खाद्यान्न आयात घटेको छ ।

तर, ठीक विपरीत खाद्यान्न निर्यात पनि ११ गुणाले बढेको छ । भलै निर्यातको अंश न्यून छ । गत वर्षसम्म खाद्यान्न निर्यात २८ प्रतिशतले बढेकोमा चालू वर्षमा मूल्यगत हिसाबले हेर्दा ४३ प्रतिशतले बढेको छ ।

गत वर्ष साउनदेखि मंसिरसम्म ३४ अर्ब रुपैयाँबराबरको अन्न आयात भएकोमा अहिले घटेर २० अर्बमा सीमित भएको छ । सरकारले खाद्यान्न आयात हरेक वर्ष घटाउँदै जाने लक्ष्य राखेकोमा यो तथ्यांकले सहयोग गरेको देखिए पनि मुलुकभित्र खाद्य उद्योगहरू बढेको र उत्पादनमा वृद्धि भएका कारणले भने यो तथ्यांकमा कमी आएको देखिँदैन ।

चालु आर्थिक वर्षको ५ महिनामा ४६ करोड ५० लाख केजी अन्न २० अर्ब ३१ करोड १७ लाख रुपैयाँमा आयात भएको छ । यस हिसाबले १ केजी खाद्यान्नको आयात मूल्य ४३ रुपैयाँ पर्न जान्छ ।

गत आर्थिक वर्षमा भने ८९ करोड ७६ लाख १२ हजार केजी खाद्यान्न ३३ अर्ब ९४ करोड २७ लाख रुपैयाँमा आयात भएको छ । एक केजी खाद्यान्न खरिदका लागि ३७ रुपैयाँ परेको देखिन्छ । यस हिसाबले मूल्य वृद्धिदर १६ प्रतिशत छ ।

गहुँको आयात ९ करोड ३६ लाख केजी घटेको छ । मकैको आयात ११ करोड ३७ लाख केजी घटेको छ ।

त्यस्तै, धान चामलको आयात २२ करोड ४८ लाख रुपैयाँले घटेको छ । अन्‍नको आयातमा यी तीन वस्तुको आयातको हिस्सा मात्रै ८० प्रतिशत छ ।

खाद्यान्नको नाम	२०७८/७९	२०७९/८०	घटेको रकम
गहुँ	१३ करोड ४५ लाख	२ अर्ब ९५ करोड ५ लाख	२ अर्ब ४८ करोड
मकै	१० अर्ब १५ करोड रुपैयाँ	७ अर्ब २५ करोड रुपैयाँ	२ अर्ब ९० करोड रुपैयाँ
धान/चामल	२० अर्ब ४९ करोड रुपैयाँ	१२ अर्ब ६५ करोड रुपैयाँ	७ अर्ब ८३ करोड रुपैयाँ

अन्य देशले सञ्चिति गर्दा आयात घट्यो

सरकारी अधिकारी र उद्योगी व्यापारी दुवैको बुझाइ के छ भने नेपालमा खाद्यान्न उत्पादन वृद्धि भएका कारण आयात घटेको होइन । सरकारी अधिकारी तथा विज्ञहरूका अनुसार अझै पनि खाद्यान्न आयातको परिमाण यथार्थ देखिएको छैन । खाद्यान्न आयातको नाममा रकम पठाइने र त्यस्तो आयात परिमाण देखाइने आशंका गरिएको छ ।

यसका बाबजुद भारतले खाद्यान्न निर्यातमा गरेको निरुत्साहनको प्रभाव पनि देखिएको विज्ञहरूको भनाइ छ । पूर्ववाणिज्य सचिव चन्द्र घिमिरे भारतले खाद्यान्न निर्यातमा लगाएको प्रभावका कारण यस्तो कमी देखिएको बताउँछन् ।

भारतले खाद्यान्न निर्यातमा लगाम लगायो । त्यसको सोझो प्रभाव नेपाललाई परेको थियो । हालै भारतले नेपालका लागि गहुँको निर्यात खुलाएको छ । अर्थात् अब गहुँको आयात गर्ने बाटो खुलेको छ ।

सम्बन्धित समाचार

भारतबाट नेपाललाई गहुँ आयात गर्न अनुमति

ठूला देशहरू र उत्पादन गर्ने देशले स्टोरेज क्षमता बढाएर स्टोरेज बढी गरेका कारण ठूलो मात्रामा गिरावट आएको विज्ञहरूले बताएका छन् ।

नेपाल उद्योग परिसंघले हालै गरेको एक सर्वेक्षेणले कृषिक्षेत्रको ३० प्रतिशत माग घटेको र ३१ प्रतिशत कारोबार घटेको देखिएको छ ।

निर्यात बढ्यो

नेपालबाट खाद्यान्नको निर्यात प्रतिशतका आधारमा उल्लेख्य बढेको देखिएको छ । गत वर्ष ५ महिनामा ३ लाख ३३ हजार रुपैयाँकाे वस्तु मात्रै निर्यात भएकोमा यो वर्ष ३५ लाख ६७ हजार रुपैयाँबराबरको निर्यात भएको छ ।

सम्बन्धित समाचार