तीन दशक आफैँ मात्र चुनाव लड्ने यी २६ नेता, १३ लाई जनताले गरे अस्वीकृत

A+ A A-

नुवाकोट २ बाट विजयी भएका अर्जुनरसिंह केसी २०३८ साल अर्थात् पञ्‍चायतकालमा नै चुनाव जिते । त्यसै वर्ष उनी सूर्यबहादुर थापाको मन्त्रिपरिषद्‌मा स्वास्थ्य राज्यमन्त्री नियुक्त भए ।

७५ वर्षको उमेरमा यसपटक पनि चुनाव जितेका उनी राष्ट्रिय पञ्‍चायतमा चुनाव जित्दा ३४ वर्षका थिए । त्यसपछि उनले आफू निर्वाचनमा उठेको क्षेत्रमा अर्कोलाई अवसर कहिल्यै दिन चाहेनन् । निरन्तर सबै निर्वाचनमा आफैँ उठेका छन् । २०३८ यताका नौवटा चुनावमध्ये पाँचवटामा उनी विजयी भएका छन् ।

उनीजस्तै २०४८ मा चुनाव जितेका र अहिले पनि प्रत्यक्षतर्फ प्रतिस्पर्धा गरेकाहरूको संख्या कुल २६ जना छ । तीमध्ये १३ जनालाई जनताले रिजेक्ट गरेका छन्, अर्थात् उनीहरू जनताबाट अनुमोदित हुन सकेनन् ।

कसले कहाँबाट हारे चुनाव ?

२०४८ मा विजेता भएको नि.क्षे.	नेता	२०७९ मा पराजित भएको नि.क्षे.
इलाम १	झलनाथ खनाल	इलाम, १
तेह्रथुम १	विजय सुब्बा	तेह्रथुम
मोरङ ६	लालबाबु पण्डित	मोरङ ६
सोलुखुम्बु १	बलबहादुर केसी	सोलुखुम्बु
सिरहा १	पद्युमनरायण चौधरी	सिराहा ञ
मकवानपुर २	विरोध खतिवडा	मकवानपुर २
तनहुँ २	गोविन्दराज जोशी	तनहुँ १
नवलपरासी ३	हृदयेश त्रिपाठी	नवलपरासी १
रुपन्देही ३	बालकृष्ण खाँण	रुपन्देही ३
झापा १ (२०४८ उ.नि)	कृष्णप्रसाद सिटौला	झापा ३
पर्सा ३	सुरेन्द्रप्रसाद चौधरी	पर्सा ३
हुम्ला	छक्कबहादुर लामा	हुम्ला ख
कैलाली २	रामजनम चौधरी	केलाली १

तर, जसले जिते

२०४८ मा चुनाव जितेको निर्वाचन क्षेत्र	विजेता	२०७९ मा चुनाव जितेको निर्वाचन क्षेत्र
डडेल्धुरा	शेरबहादुर देउवा	डडेल्धुरा
झापा ६	केपी शर्मा ओली	झापा ५
खोटाङ ३	अशोककुमार राई	सुनसरी १
सर्लाही ५	महन्थ ठाकुर	महोत्तरी ३
नुवाकोट ३	अर्जुनरसिंह केसी	नुवाकोट २
तनहुँ १	रामचन्द्र पौडेल	तनहुँ १
सुर्खेत १	पूर्णबहादुर खड्का	सुर्खेत १
दार्चुला १	दिलेन्द्र बडू	दार्चुला
पाँचथर १	वसन्त नेम्वाङ	पाँचथर
पर्सा ४	रमेश रिजाल	पर्सा ४
कैलाली २	राजेन्द्र पाण्डे	कैलाली १

२०४६ को जनआन्दोलनपछि २०४७ मा संविधान जारी भयो । सोही संविधानको जगमा २०४८ मा भएको निर्वाचनलाई नेपालको संसदीय राजनीतिक इतिहासमा महत्त्वका साथ लिइन्छ ।

२०४७ को संविधानले निर्वाचन आयोगको संवैधानिक स्वरूपलाई यथावत् राखेपछि आयोगले संवैधानिक अङ्गका रूपमा निरन्तरता पायो । निर्वाचन आयोगको भूमिका र जिम्मेवारीलाई संविधानले थप स्पष्ट पार्‍यो । यही संवैधानिक व्यवस्थाअनुसार २०४८ मा प्रतिनिधिसभाको निर्वाचन भएको हो ।

यो निर्वाचन मुलुकको संसदीय इतिहासमा दोस्रो र बहुदलीय प्रजातन्त्रको पुनर्स्थापनापछिको पहिलो चुनाव हो । २०४८ सालयता छवटा संसदीय चुनाव भइसकेका छन् । गत मंसिर ४ मा सातौँ निर्वाचनमा अर्थात् ३१ वर्षयताका यी सात चुनावमा करिब तीन दर्जन प्रतिस्पर्धी अनुहारहरू रहेका थिए ।

२०४८ सालको निर्वाचनमा विजयी भएकाहरूले अहिले पनि उम्मेदवारी दिएका छन् । त्यसमध्ये करिब एक दर्जन उम्मेदवार लगातार मैदानमा छन् भने दुई दर्जन उम्मेदवार बीचमा छुटेका देखिन्छन् ।माथि उल्लेखित विजेताहरूमध्ये कांग्रेस सभापति शेरबहादुर देउवा अहिलेसम्म कुनै पनि निर्वाचन नजितेको उदाहारण छैन ।

अहिलेको चुनाव हारेका कांग्रेस नेता विजय गच्छादारले यसअघिका छवटा निर्वाचन लगातार जितेका थिए । एमाले अध्यक्ष केपी शर्मा ओली, नेकपा एसका अध्यक्ष माधवकुमार नेपाल, नेपाली कांग्रेसका नेता रामचन्द्र पौडे २०४८ यता भएका सातवटा निर्वाचनमध्ये ६ वटामा विजयी भएका छन् ।

यो पनि :

संसदीय यात्रामा देउवाको एकल कीर्तिमान

प्रकाशित मिति: मंगलबार, मंसिर १३, २०७९ १९:५१