म भानुभक्त सन्तति
गरिन्न लोकतन्त्रमा कुपात्र रोज दर्शन
सबै समान हुन् भनी म लेख्छु है बधूजन
म टेक्छु विश्वका कुना छरेर सभ्य संस्कृति
छ गर्व यो स्वजातिमा म भानुभक्त सन्तति
२९ असार, २०७७
Share
परदेशबाट
मरे म दूर भूमिमा रुनेछ मातृभूमि त्यो
मरे भने मुमाबुबा हुँदैन भेट प्रेमको
मुमा ! विपत्ति आउँदा हुँदो रहेछ सम्झना
म मर्न मातृभूमिमै पुगूँ यही छ चाहना
२७ वैशाख, २०७७
Share
पागल
मेरो पागल सभ्य मानव बनी भ्रातृत्व ल्याओस् अब
मेरो पागल विश्वमानव बनी धर्ती सिँगारोस् सब
मेरो पागलले विभेद नगरोस् फोरोस् सिमानाहरू
मेरो पागलले त मानव सबै एकै बनाओस् बरु
८ वैशाख, २०७७
Share
गान्धारी निस्क बाहिर
बोक्सी हुन् कसरी आमा मन्त्र त्यो सबले सिकौँ
बोक्सी बन्ने सिकी मन्त्र नारीका वेदना झिकौँ
जसकोे दूध खाएर बने बलिष्ठ पाखुरा
तिनैलाई भनी बोक्सी के चढ्नु स्वार्थटाकुरा
२५ फागुन, २०७६
Share
नेपाल दर्शन
राराताल घुमेर नाच्न म सकूँ त्यो देउडा तालमा
खप्तड् लेक पुगेर डुब्न म सकूँ त्यो ज्ञानभण्डारमा
१९ पुस, २०७६
Share