भारतको विहार राज्य स्थित समस्तीपुरमा एक महिलाले हालसम्म १३ हजार भन्दा बढी शवको चिरफार गरिसकेकी छिन ।
सामान्यतया पोष्टमार्टमा पुरूष कर्मचारी खटिने भएपनि बिहार समस्तीपुरकी ४५ वर्षीय मन्जुदेवीले १४ वर्षदेखी पोष्टमार्टम गर्ने काममा सहयोगीका रुपमा काम गरिरहेकी हुन ।
अहिले मन्जुदेवी आइनन् भने समस्तपुरमा पोष्टमार्टम कार्य नै स्थगीत हुने गरेको छ । पोष्टमार्टम हाउसले उनलाई दैनिक भारु १ सय ८ दिने गरेको छ । तर काम नगरेको दिनको भने उनले पारश्रमिक पाउँदिननु । उनले सने २००८ मा आफुलाई स्थायी गर्नुपर्ने माग गर्दै पटना हाइकोर्टमा निवेदन दिएपछि उनको पक्षमा फैसला भएपनि हालसम्म सो कार्यान्वयन भएको छैन । उक्त पोष्टमार्टम हाउसमा कार्यरत अर्थोपेडिक डा. डीके शर्माले मन्जु आफ्नो काममा पोख्त रहेका बताएका छन ।
मन्जु भन्दा पहिले उनका ससुरा उक्त स्थानमा काम गर्थे । २४ वर्ष अघि ससुराको निधन भएपछि उनका सासु भोला देवीले उक्त स्थानमा काम गरेका थिए । सासुसंगै त्यहाँ जान थालेका मन्जुले पनि शव चिरफारको काम थालेका हुन ।
मन्जुका ५ जना बच्चा छन । उनका जेठा छोरा २७ वर्षीय दीपकले पनि अहिले आमालाई पोष्टमार्टम कार्यमा सघाइरहेको समस्तीपुर न्यूजले जनाएको छ ।
-1594272745.jpg)
