आज पनि छन् हिटलर आतंकका निशाना

फोटो कथा

आज पनि छन् हिटलर आतंकका निशाना विश्व इतिहासको सबैभन्दा सबैभन्दा रक्तरंजित शताब्दी हो, २० औं शताब्दी । दुई विश्वयुद्ध र लामो समयसम्म चलेको शीतयुद्धका अलावा हिंसाका केही अन्य अध्याय सामेल छन् । अलग अलग अनुमानित आंकडालाई आधारमा मान्दा ७ देखि ८ करोड मानिस दोस्रो विश्वयुद्धमा नै मारिए । यसै क्रममा टर्कीमा अटोमन साम्राज्यको रक्षाका लागि भएको आर्मेनियाई नरसंहार र हिटलरको नाजी शासनमा भएको यहुदीको नरसंहार पनि भयो । पुरै युरोपमा कुनै समयमा नाजी अत्याचारपूर्ण शासन चलेको थियो । यातनागृहमा लाखौं मानिसलाई ल्याएर मारियो । यी यातनागृहमध्ये सबैभन्दा अधिक बदनाम र आतंकित गर्ने क्याम्प बन्यो अस्विट्ज–बिर्किनाउ क्याम्प । जहाँ सामूहिक कत्लेआम सामान्य कुरा थियो । नाजीले त्यहाँ १० लाखको हत्या गरेका थिए । मारिएका अधिकांश यहुदी नै थिए । जसमा साढे २ लाख त बच्चाहरुमात्र थिए । जुन कैदीले काम गर्न सक्थे उनीहरुलाई अमानवीय तरिकाले कठिन श्रममा लगाइएको थियो । वृद्ध, कमजोर र बिरामीसहित बच्चाहरुलाई बिषालु ग्याँसको च्याम्बरमा पठाइएको थियो । अस्विट्ज पुगेपछि क्रुरता यतिसम्म हुनसक्छ ? भन्ने प्रश्न उठ्छ । नस्लवादले कुन स्तरसम्म मानिसलाई अन्धो बनाइदिन्छ भन्ने उदाहरण हो, यहुदी नरसंहार । यी तस्बिरहरु बिर्किनाउ क्याम्पका तस्बिर हुन्, जुन इतिहासको महत्वपूर्ण अध्याय हो र नस्लीय घृणा, अमानवीय अध्याय पनि हो । यी तस्बिर हेरेपछि सबैले भन्नेछन् यो अध्याय कसैले नदोहो¥याओस्, कोही हिटलर नबनोस् । तस्वीरः एजेन्सी