झालेझेलपूर्ण निर्वाचनबाट केपी ओलीले अध्यक्ष जितेका हुन् : प्रचण्ड

A+ A A-

नेकपा प्रचण्ड- नेपाल समूहका अध्यक्ष पुष्पकमल दाहाल 'प्रचण्ड'ले तत्कालीन एमालेको नवौँ महाधिवेसनको जालझेलपूर्ण निर्वाचनबाट केपी ओली अध्यक्ष बनेको बताएका छन् ।

उनले शुक्रबार ललितपुरमा अगुवा कार्यकर्ता भेला सम्बोधन गर्दै केपी ओलीले जालझेल र बुर्जुवा निर्वाचन प्रणाली अपनाएर अध्यक्ष जितेको दाबी गरेका हुन् । उनले पार्टी एकता गरेको एक महिनाभित्र नै ओलीले पार्टी भाड्ने प्रयास गरेको समेत गुनासो गरेका थिए ।

'पार्टी एकता गरेपछि एक महिनामा नै ओली तत्कालीन एमालेको विपक्षीलाई सिध्याउने ढंगले अघि बढ्न खोजे, त्यसपछि मैले नवौँ महाधिवेसनका दस्तावेजहरू पढेँ, निर्वाचन जालजझलेपूर्ण तरिकाले जितिइएको रहेछ,’ प्रचण्डले भने ।

ओलीले पहिले माधवकुमार नेपाल र पछि आफूलाई सिध्याउने गरी कदम चाल्ने काम गरेपछि आफूहरू संघर्षमा आएको उनले प्रतिक्रिया दिएका छन् । आफूले माधव नेपाललाई अन्याय हुन नदिएको कारण पनि आफूमाथि प्रहार गर्ने गरिएको उनको गुनासो छ ।

उनले अहिले पार्टी विभाजन भइसकेको बताएका छन् । पार्टी विभाजन आफ्नो पक्षले नभइ केपी ओली पक्षले पार्टी विभाजन गरेको बताएका छन् । नेतृत्वले पार्टी विभाजन नगर्ने र र कमजोरी गर्नेलाई कारबाही गर्ने भएकोले त्यही गरेको उनको भनाइ थियो ।

जनताको बलबाट केपी प्रवृत्तिलाई परास्त गर्नु पर्ने बताए । संविधानको रक्षा जनातको बलमा गर्न सकिने पनि उनले बताए । ‘जनतलाई जति सक्यो धेरै आन्दोलित गर्न सक्यो अनि मात्रै संविधानको गणतन्त्रको रक्षा हुन सक्छ,’ प्रचण्डले भने ।

उनले आउने ४/५ दिन नसुतेर पनि जनतलाई सडकमा उतार्न अगुवा कार्यकर्तलाई आग्रह गरे । केपी ओलीले पार्टी एकता सत्तामा पुग्ने भर्‍याङ मात्रै बनाएको पनि उनको गनासो छ ।

प्रकाशित मिति: शुक्रबार, माघ २३, २०७७ १४:१०