प्रदेश १ मा आज ४३ संक्रमित थपिए, १ जना मात्रै डिस्चार्ज

A+ A A-

प्रदेश १ मा मंगलबार ४३ जनामा कोरोना संक्रमण पुष्टि भएको छ । प्रदेश १ सामाजिक विकास मन्त्रालयका अनुसार मंगलबार मोरङका २०, झापाका ८, सुनसरीका १२, इलामका २ र प्रदेश–२ धनुषाका १ जनामा संक्रमण पुष्टि भएको हो ।

मोरङको विराटनगर महानगर पालिकाका ७ पुरुष ४ महिला, बूढीगंगा गाउँपालिकाका ३ पुरुष १ महिला, लेटाङ र केराबारीका २/२ पुरुष, उर्लाबारीका १ पुरुष, झापाको कचन कवलका ३, गौरीगञ्ज र दमकका २/२, भद्रपुरका १ पुरुषका संक्रमण पुष्टि भएको हो ।

त्यसैगरी, सुनसरीको इटहरीका ११ पुरुष १ महिला, इलामको सूर्योदयका २ पुरुष, र प्रदेश २ धनुषा जिल्लाको कजाराका १ पुरुषमा कोरोना पोजिटिभ देखिएको हो । मंगलबार पुष्टि भएकासँगै प्रदेश १ मा कुल संक्रमितको संख्या १ हजार १७१ पुगेको छ ।

नमुना संकलनका आधारमा प्रदेश १ को मोरङ जिल्लाका सबैभन्दा बढी ३ सय ९८ जनामा कोरोना संक्रमण पुष्टि भएको छ । त्यसैगरी झापाका ३ सय ८२, सनसरीका १ सय ६७, धनकुटाका १६, भोजपुरका ६, खोटाङका ८, उदयपुरका ८५, सोलुखुम्बुका ७, संखुवासभाका ५, तेह्रथुमका ७, इलामका ६०, पाँचथरका ५, ताप्लेजुङका ७, ओखलढुंगाका १७ र अन्यका १ जनामा कोरोना संक्रमण पुष्टि भएको सामाजिक विकास मन्त्रालयका प्रवक्ता डा. सुरेश मेहताले जानकारी दिए ।

उनका अनुसार प्रदेश १ मा मंगलबार जिल्ला अस्पताल खोटाङबाट १ जना संक्रमित डिस्चार्ज भएका छन् । प्रदेश १ मा हालसम्म डिस्चार्ज हुनेको संख्या ८ सय ३० पुगेको छ ।

झापाका ३१३ जना, मोरङका २१३, सुनसरीका ११७, धनकुटाका १४, भोजपुरका ६, खोटाङका १२, उदयपुरका ८१, सोलुखुम्बु र संखुवासभाका ५/५, तेह्रथुमका ७, इलामका २६, पाँचथरका ६, ताप्लेजुङका ७, ओखलढुंगाका १६ र अन्यका २ जाना उपचार पछि डिस्चार्ज भएर घर फर्किएका हुन् । प्रदेश १ मा हालसम्म २ जनाको मृत्यु भएको छ । सुनवर्षी-८ का ४५ वर्षीय पुरुष र विराटनगर ५ का ७७ वर्षीय पुरुषको मृत्यु भएको हो ।

मंगलबारसम्म प्रदेश १ मा ४६ हजार ७६८ जनाको पीसीआर परीक्षण गरिएको छ । जसमध्ये ४५ हजार ५ सय ९७ जनाको रिपोर्ट नेगेटिभ आएको सामाजिक विकास मन्त्रालयले जनाएको छ ।

प्रकाशित मिति: मंगलबार, साउन २०, २०७७ २२:५२