अनलाइन कारोबारलाई कानुनी दायरामा ल्याइँदै :: रासस :: Shilapatra शिलापत्र - खबरको स्थायी ठेगाना

अनलाइन कारोबारलाई कानुनी दायरामा ल्याइँदै :: रासस :: Shilapatra शिलापत्र - खबरको स्थायी ठेगाना

Global IME Global Remit

Global IME Global Remit

The Next

The Next

DAV

DAV

अनलाइन कारोबारलाई कानुनी दायरामा ल्याइँदै

सांकेतिक तस्वीर

A+ A A-

विज्ञान तथा प्रविधिको क्षेत्रमा आएको गुणात्मक परिवर्तनले जनजीवनलाई सहजमात्रै बनाइदिएको छैन, यसैको आडमा ठगी धन्दासमेत मौलाएको छ ।

अनलाइन काराेबार गर्ने ‘दराज’ले ठगी गरेको भन्दै वाणिज्य आपूर्ति तथा उपभोक्ता संरक्षण विभागमा गत कात्तिकको अन्तिम साता उजुरी नै पर्‍यो ।

विभागका अनुसार १० वटा अनलाइन काराेबार गर्ने फार्ममाथि कारबाहीका लागि उजुरी परेको छ । ती फार्मको अनुसन्धान समेत भइरहेको जनाइएको छ ।

विभागका निर्देशक शिवराज सेढाईंले अनलाइन काराेबारलाई कानूनी दायरामा ल्याएर प्रतिस्पर्धी, मर्यादित र उपभोक्तामैत्री बनाउने लक्ष्यका साथ इ–कमर्स कानून तर्जुमा गर्न लागिएको जानकारी दिए ।

कानूनी आधार नभएको अवस्थामा समेत अनलाइन काराेबार मौलाएको,फार्महरूको उजुरीसमेत परेको अवस्थालाई ध्यान दिँदै विभागले उपभोक्तामैत्री कानूनको मस्यौदा गर्न लागेको र त्यसमा समावेश गर्ने विषयका सम्बन्धमा सरोकार भएकाहरूसँग सुझाव लिने क्रम जारी रहेको उनले बताए ।

अनलाइन काराेबार मौलाउँदै गएको भए पनि त्यसलाई नियमन गर्ने कानूनी संरचना भने तयार हुन सकेको छैन ।

कानूनको अभावमा अनलाइन काराेबारमा गलत काम भए पनि त्यस्ता फार्मलाई कारबाही गरी उपभोक्ताले राहत पाएको अवस्था भने छैन । पछिल्लो समय बजारमा अनलाइन सपिङको मात्रा र चासोसमेत बढेको छ ।

सुन जस्तै देखिने गहनादेखि कपडा, घडी, चस्मा, घरायसी सामानसमेत अनलाइन र सामाजिक सञ्जालमार्फत माग गर्ने र घरमै पुर्‍याइदिने प्रचलन पनि उत्तिकै बढेको छ । पछिल्ला दिनमा विशेषगरी दराजले ठगी गरेको भन्दै विभागमा परेको उजुरीमाथि हालसम्म कारबाही नहुनेले पनि उपभोक्ताको अधिकार हनन भइरहेको गुनासो आएको छ ।

कानूनी संरचनाको अभावमा उपभोक्ता ठगिएको गुनासो बढ्दै गएपछि वाणिज्य आपूर्ति तथा उपभोक्ता संरक्षण विभागले इ–कमर्ससम्बन्धी कानूनको मस्यौदा गर्ने तयारी थालेको छ । सोही तयारीकै क्रममा आज विभागले सरोकार भएका निकाय तथा सञ्चारकर्मीको बीचमा श्रव्य दृश्य (भर्चुअल) छलफलको आयोजना गर्‍यो ।

छलफलमा सहभागी अधिकांशले अनलाइन काराेबारमा प्राप्त हुने सामानको गुणस्तर नहुने, सस्तो सामानलाई बढी मूल्य लिने गरेको र उपभोक्तालाई ठगी गरिरहेको पाइएकाले कडा कानूनी प्रावधान जरुरी रहेकोमा जोड दिएका थिए ।

उपभोक्ताले सामान लिने समयमा समेत हेर्न नपाएको, कसरी भुक्तानी गर्ने भन्ने विषयमा समेत जानकारी नभएको र बिचौलियाका रुपमा काम गर्ने अनलाइन व्यापार गर्नेले सट्टापट्टामा समेत ध्यान नदिइएको पाइएको छ । यस्तै बिक्री भएको समान फिर्ता गर्ने वा साट्ने सुविधा नभएको, मूल्य अभिवृद्धि कर बिलसमेत नपाएको अवस्था छ ।

इ–कमर्सको कानूनको प्रारम्भिक मस्यौदा गरिरहेका 'सेन्टर फर रुल अफ ल' का वरिष्ठ अधिवक्ता डा. नारायण घिमिरेका अनुसार गुणस्तरीय सेवा तथा वस्तु प्राप्त गर्ने उपभोक्ताको हकलाई प्रस्तावित मस्यौदामा प्रमुख प्राथमिकतामा राखिएको छ ।

प्रत्येक ग्राहकलाई वस्तुको गुणस्तर, विवरण मूल्य आदिबारे सूचना पाउने हक, प्रत्येक ग्राहकलाई वस्तु सामग्री वा सेवाको प्रयोगबाट भएको हानिनोक्सानीलाई समेत कानूनले समेट्ने गरी तयारी गरिएको छ । प्रस्तावित ऐनमा विद्युतीय व्यापारको विकास तथा प्रयोगको राष्ट्रिय अवस्था, उपभोक्तासम्बन्धी हकसम्बन्धी व्यवस्था, वस्तु तथा सेवा खरिद बिक्री हस्तान्तरणसम्बन्धी व्यवस्था, करारिय दायित्व, वस्तु वा सेवाको हस्तान्तरण र नोक्सानी र दायित्वका विषयसमेत समेटिने भएको छ ।

सामानको उत्पादनकर्ता, बिक्रेता, क्रेता, मध्यस्तकर्ता, ढुवानीकर्ता, अनावश्यक सर्त राख्न नपाउने, वस्तुको वारेन्टी तथा ग्यारेन्टी, स्वच्छ बजार प्रतिस्पर्धाको दुरुपयोग गर्न पाइने छैन । यस्तै, व्यक्तिगत सूचना र विवरणको सुरक्षाका सन्दर्भमा पनि प्रस्तावित मस्यौदाले जोड दिएको छ ।

ग्राहकको व्यक्तिगत सूचना र विवरण, ग्राहकको क्रेडिट कार्ड नम्बर, व्यक्तिगत विवरण र बैंक खाता नम्बरको गोपनीयता र सुरक्षालाई अनिवार्य गरिनुपर्ने, आवश्यक तथ्याङ्क र सूचना उपलब्ध गराउनेतर्फ ध्यान दिनुपर्नेछ ।

निरीक्षण र अनुगमनसम्बन्धी सूचनाको प्रबन्ध, माल वस्तुको भण्डारण गरेको स्थल, भवन आदि कानूनअनुसार भए/नभएको बुझ्नका लागि तोकिएअनुसार अनुगमन टोली खटाउन सकिने विषयलाई समेत कानूनले समेट्न खोजेको छ ।

कुनै विषयमा विवाद भएको सन्दर्भमा कसरी समाधान गर्ने र कसुर तथा सजाय सम्बन्धीव्यवस्था के कस्तो रहनुपर्ने भन्नेमा ध्यान दिइनुपर्नेछ । अनलाइन कम्पनीले दायित्व पूरा नगरेवापत उपभोक्तालाई पर्न जाने हानिनोक्सानी तथा क्षतिपूर्तिको प्रबन्धलाई थप स्पष्ट पार्नुपर्ने आवश्यकता महसुस भएको छ ।

कार्यक्रमका सहभागीले वस्तु तथा सेवा खरिदसम्बन्धी काराेबार गर्नेलाई सहज बनाउने गरी कानून बनाउनुपर्ने, क्षतिपूर्ति कसले दिने हो भन्ने प्रष्ट हुनुपर्ने, सेवा तथा गुणस्तरको विषयमा थप प्रष्टताको जरुरी रहेको बताएका थिए ।

विद्यमान व्यवस्थाअनुसार उपभोक्ताले क्षतिपूर्ति लिन नसक्ने भएकाले सरकारले नै विशेष प्रबन्ध गरेर दोषीलाई कानूनी दायरामा ल्याउन लाग्नुपर्ने धारणा राखेका थिए ।

फोटो र भिडियो देखाएको भरमा सामान माग गर्दा जस्तो सामान आए पनि भुक्तानी गर्नैपर्ने, चित्त नबुझे पनि लिनै पर्ने, अधिकतम् उपभोक्ता मूल्य के कति हो थाहा नहुनेजस्ता समस्या देखिएको छ । यस्तै, सामान माग गर्नेको घरसम्म पुर्‍याउँदा थप शुल्क लिएको, आपूर्तिकर्ताले कमिसन खोजेका मात्रै नभई ढुवानी भाडासमेत आफूखुसी लिने गरिएको छ ।

उपभोक्ता अधिकारकर्मी माधव तिमिल्सिनाले उपभोक्तालाई वस्तु र सेवाको छनोट गर्ने अधिकार, मूल्य, गुणस्तर र नापतौल, क्षतिपूर्ति कोसँग लिने भन्नेजस्ता विषय कानूनमा प्रष्टरुपमा समेट्न सुझाव दिए ।

गुणस्तरहीन सामान नपाउँदा उपभोक्ताले माग गरेको सामानको प्रभावकारी उपभोग गर्न पाउने अवस्था नरहेको, मध्यस्तकर्ता र सम्बन्धित कम्पनीलाई कालोबजारी ऐनअन्तर्गत कारबाही गर्ने व्यवस्था पनि थप प्रष्टताका साथ राख्नुपर्ने उनकाे सुझाव छ ।

गुणस्तर, मूल्य र नापतौलमा बदमासी गरेको खण्डमा पनि त्यस्ता सामान बिक्रेतालाई कारबाहीको दायरामा कसरी ल्याउने भन्ने सन्दर्भमा ठोस रूपमा नै कानूनी आधार तयार पार्नुपर्ने उनकाे भनाइ छ ।

सामान उत्पादनकर्ता र बिक्रेतालाई समेत नियमन गर्न थप प्रष्टताको जरुरी रहेकोमा उपभोक्ता अधिकारकर्मी कल्याणी शाहकाे जाेड छ ।

उपभोक्ता अधिकारकर्मी सहदेव गौतमका अनुसार अनलाइन काराेबार गर्नेले बिक्री गर्ने सामानको नापतौल, गुणस्तर, उत्पादन तथा म्याद सकिने मितिलगायत सामान्य विषयमा समेत विशेष ध्यान दिने गरी बाध्यकारी प्रबन्ध गर्न कानूनी संरचना बनाउनुपर्नेछ ।

अनलाइन काराेबार विश्वव्यापीरुपमा नै फैलिँदै गएको अवस्थामा नेपाल त्यसबाट अछुतो नरहने भन्दै उपभोक्ताको हित गरी काराेबारलाई थप व्यवस्थित र विश्वसनीय बनाउनुपर्ने उनकाे भनाइ छ । काराेबारमा पारदर्शिता छ वा छैन भनेर अनुगमनका लागि विभागमा छुट्टै शाखा बनाउनुपर्ने, कुन कुन अनलाइनले के के सामानको बिक्री वितरण गरिरहेका छन् भन्ने देखिने र ग्राहकले गुनासो गर्नेबित्तिकै कारबाहीको दायरामा ल्याउने प्रणालीको विकास गर्नुपर्ने गौतम बताउँछन् ।

कन्जुमर आई नेपालका अध्यक्ष विमला खनालले काराेबारकर्ता प्यान, भ्याटमा दर्ता भएको छ वा छैन, स्थायी ठेगाना कहाँ हो, कार्यालय, बोर्ड छ वा छैन भन्ने विषयमा समेत ध्यान दिनुपर्ने बताए ।

सामान एउटा देखाउने र अर्को आउने गरेको यथार्थतालाई मध्यनजर गरेर गलत काम गर्नेलाई कानूनी कारबाहीमा ल्याउन कुनै कन्जुस्याइँ नगर्ने खालको प्रावधान समेट्नुपर्ने उनकाे भनाइ छ ।

उपभोक्ता अधिकारीकर्मी अप्सरा कोइरालाले पनि कमसल सामान ल्याउने र उपभोक्ता ठग्ने काम पछिल्लो दिनमा अनलाइन काराेबारको नाममा मौलाएकाले पीडितलाई न्याय दिने विषयमा कडा कानूनी प्रबन्ध जरुरी रहेको बताइन् ।

प्रकाशित मिति: आइतबार, जेठ २५, २०७७ १५:४०

प्रतिक्रिया दिनुहोस्

भर्खरै

उसुमा बागमती र कबड्डीमा सुदूरपश्चिम टिम च्याम्पियन

उसुमा बागमती र कबड्डीमा सुदूरपश्चिम टिम च्याम्पियन

शर्मा र अधिकारीलाई सचिव पदमा बढुवा गर्ने सरकारकाे निर्णय

शर्मा र अधिकारीलाई सचिव पदमा बढुवा गर्ने सरकारकाे निर्णय

माधवकुमार नेपालका अप्ठेरा : गठबन्धन छोड्न पनि नसक्ने, बस्न पनि नसक्ने

माधवकुमार नेपालका अप्ठेरा : गठबन्धन छोड्न पनि नसक्ने, बस्न पनि नसक्ने

त्रिभुवन विमानस्थलमा बेवारिसे अवस्थामा भेटियाे एक किलो सुन

त्रिभुवन विमानस्थलमा बेवारिसे अवस्थामा भेटियाे एक किलो सुन

सुदूरपश्चिमका मुख्यमन्त्री सोडारीले लिए शपथ, एमाले सरकारमा नजाने

सुदूरपश्चिमका मुख्यमन्त्री सोडारीले लिए शपथ, एमाले सरकारमा नजाने

लोकप्रिय

महानगरको कडाइपछि धमाधम विदेशी नाम फेर्दै निजी विद्यालय, कसले के राखे ?

महानगरको कडाइपछि धमाधम विदेशी नाम फेर्दै निजी विद्यालय, कसले के राखे ?

सत्ता गठबन्धनमा भूकम्प ल्याएर माधव नेपाल कोटेश्वरमा फिल्म सुटिङ गर्दै

सत्ता गठबन्धनमा भूकम्प ल्याएर माधव नेपाल कोटेश्वरमा फिल्म सुटिङ गर्दै

एकीकृत समाजवादीले माग्याे प्रधानमन्त्रीकाे ग्यारेन्टी, गृहकार्यमा जुटे कांग्रेस नेताहरू

एकीकृत समाजवादीले माग्याे प्रधानमन्त्रीकाे ग्यारेन्टी, गृहकार्यमा जुटे कांग्रेस नेताहरू

गठबन्धनमा गडबडीः सुदूरपश्चिममा एमालेले दीर्घ सोडारीलाई मुख्यमन्त्री नस्वीकार्ने

गठबन्धनमा गडबडीः सुदूरपश्चिममा एमालेले दीर्घ सोडारीलाई मुख्यमन्त्री नस्वीकार्ने

माधव नेपालले गठबन्धन छाडे कति टिक्ला प्रचण्ड सरकार ?

माधव नेपालले गठबन्धन छाडे कति टिक्ला प्रचण्ड सरकार ?

विचार

काखे छोरा लिएर रोजीको बिलौना– युक्रेन युद्धमा श्रीमान् मारिए, पुष्टि गरिदेऊ सरकार

काखे छोरा लिएर रोजीको बिलौना– युक्रेन युद्धमा श्रीमान् मारिए, पुष्टि गरिदेऊ सरकार

३३ केजी सुन र निर्मला हत्याकाण्डजस्तै छानबिनको नाममा प्रहरीको हुर्मत नलिइयोस्

३३ केजी सुन र निर्मला हत्याकाण्डजस्तै छानबिनको नाममा प्रहरीको हुर्मत नलिइयोस्

विकासको उल्टो कथा : सडकले बजार बनाउँछ भन्थे निर्भरता बढायो

विकासको उल्टो कथा : सडकले बजार बनाउँछ भन्थे निर्भरता बढायो

ब्लग

एक प्रधानपञ्चकाे नाममा

एक प्रधानपञ्चकाे नाममा

सोध्नुस् त, एसईई दिएर बसेका तपाईंका छोराछोरी के सोच्दै छन् ?

सोध्नुस् त, एसईई दिएर बसेका तपाईंका छोराछोरी के सोच्दै छन् ?

कस्ता विद्यालय राम्रा ?

कस्ता विद्यालय राम्रा ?

शिक्षा

पार्टीका कार्यकर्ता बनेका २ लाख शिक्षकलाई दलीय घेराबाहिर ल्याउन कति सहज ?

पार्टीका कार्यकर्ता बनेका २ लाख शिक्षकलाई दलीय घेराबाहिर ल्याउन कति सहज ?

भारतमा उच्च शिक्षाका लागि जाने विद्यार्थीले अब ग्लोबल आईएमई बैंकबाट शैक्षिक कर्जा पाउने

भारतमा उच्च शिक्षाका लागि जाने विद्यार्थीले अब ग्लोबल आईएमई बैंकबाट शैक्षिक कर्जा पाउने

निजी विद्यालयको छात्रवृत्ति पारदर्शी बनाउन माग गर्दै नेविसंघले बुझायो सबै स्थानीय तहमा ज्ञापनपत्र

निजी विद्यालयको छात्रवृत्ति पारदर्शी बनाउन माग गर्दै नेविसंघले बुझायो सबै स्थानीय तहमा ज्ञापनपत्र