बजेटमा हेपियौँ, अब आन्दोलनमा जान्छौँ : ऊर्जा व्यवसायी

A+ A A-

अगामी आर्थिक वर्ष २०७७/०७८ को बजेटले ऊर्जा व्यवसायीलाई नसमेटेको भन्दै ऊर्जा व्यवसायी आक्रोशित बनेका छन् । कोरोना भाइरसको संक्रमण न्यून गर्न सरकारले लागू गरेको लकडाउनले ऊर्जा व्यवसाय पनि थलिएकाे भन्दै थप राहतको प्याकेज ल्याउनुको साटो कुनै पनि ऊर्जाक्षेत्रलाई प्राथमिकतामा नै नराखेको स्वतन्त्र ऊर्जा उत्पादक संघ (इप्पान) का रुग्ण ज वि आ का संयोजक सूर्यप्रसाद अधिकारीले बताए ।

संयोजक अधिकारीले सामाजिक सञ्जालमा ‘जलविद्युत् आयोजना निर्माण र सञ्चालनमा लागेका र कोभिड-१९ पूर्व नै तहस नहस भएको अवस्थामा पुगेका निजीक्षेत्रलाई उपेक्षित गरिको उल्लेख गरेका छन् । 'उपेक्षा र बेवास्ता गरी बजेट ल्याइएको छ सोको नजितजा कस्तो हुन्छ भन्ने देख्न अब धेरै समय कुर्नु पर्दैन । सिंगो मन्त्रालय, नेपाल विद्युत प्राधिकरण र ऊर्जा मन्त्रालयका विद्वान् प्रशासकहरूको नियत कस्तो रहेछ भन्ने प्रस्ट भयो,' उनले लेखेका छन् । जलविद्युुतमा लागेका निजीक्षेत्रका लागि योभन्दा घोर अवमूल्यन के हुन सक्ला ?,’ भन्दै आगमी आवको बजेटको विरोध जनाएका हुन् ।

संयोजक अधिकारीले पटकपटक गरिएको ध्यानाकर्षणबाट पनि जलविद्युत् क्षेत्रलाई 'बायस' गरिँदै आएको बताएका छन् । संयोजक अधिकारीले अब जलविद्यत व्यवसायी सबै ऐकवद्ध भएर आन्दोलनमा जानुको विकल्प नभएको समेत बताए । ‘हामीलाई हेपियो, बजेटमा तहसनहस अवस्थामा पुगिसकेका हाइड्रोपावर कम्पनीहरूलाई कुनै राहत छैन । योभन्दा घोर अवमूल्यन के हुन सक्ला ? त्यसैले हामी अब आन्दोलनमा जानुपर्छ,’ उनले भने ।

संयोजक अधिकारीको भनाइलाई समर्थन गर्दै अन्य ऊर्जा व्यवसायीले पनि अब साना तथा मझौला जलविद्युत व्यवसायीले आफ्ना आयोजना सरकारलाई सुम्पिनुको विकल्प नरहेकाे बताए ।

प्रकाशित मिति: शुक्रबार, जेठ १६, २०७७ १४:४०